ATÜNNAK 3:5 - Cho Bible Common Language 2016

⁵ Shin ah theih nami ei ah a kyak ung Khanpughi ah mäih ah nani kya tuk khai, akni akshe nani ng’thumcha thei khai, cun cu Khanpughi naw hmat neta a pyen ah kyak ci” cik ci.

ATÜNNAK 3:5 Referans Kwoze

EZEKIEL 28:2

Ani naw pyen ci, “Hnicim chang, kei uktu Bawipa naw ka pyen nak cu Taia uktu am m’thein ä: Nang cu chang ah ng’shei ne, namät cu Khanpughi ah na kyak ciah na pyen ci. Tuinu ah koi ah mang kiang ung Khanpughi ah mäih ah na ngok ciah na pyen ci. Nang naw Khanpughi ah na kyak ciah na pyen ung phi, nang cu hnicim ah na kyak ci, khanchang ah kä na kyak ci.

2 THESSALONIAN 2:4

Acun ah akshekha säih naw “Khanpughi nei” cine chang gui naw ami khawihnah gui phung cu hnu ng’tuk püi gui ne, avan ah khan ah kei ka hlüngtai pi ci nei,’ cine, pyein khai nei. Ani cu Khanpughi ah pum im kyong pui ah hteit ne ngo netah, amät cu Khanpughi ah pyein ne ng’shäu khai nei.

ATÜNNAK 2:17

Cun ung phi akni la akshe m’khoichaa nak ah sing ghing ah m’theih cu kä na ei vai, na ei ah a kyak ung acun ah hnüüp ung na si khenggeng khai” cine m’cäi ci.

2 KORIN 11:3

Eve cu k’phyu naw theileh ne am hleeihlak ah mäih ah — nami m’lung cu ng’gogan sei, Bawi Khrih yum ne nami ap nak ang chei vai ah kan ng’ä ci.

2 KORIN 4:4

Khodek khan ah khoshe naw ami m’lung cu shung sei, ngami naw kä yum hlawt ci gui. Satan naw shung gui sei, Khanpughi ah müi ak cang ah kyak ciah, Bawi Khrih ah bämang nak ah mawng, ngami ah khan ah ng’shü lawk ciah: Thu Ni ah akdei cu kä hmu hlawt ci gui.

LAMKTU 26:18

Nang naw changpakhui hei gui ah mik nam dei sak gui khai, ak hmüp ungka naw ak dei ah na ng’lat sak gui khai, khogam ah hlüng tai nak ungka naw Khanpughi ah hlüngtai nak ung na gawk sak gui khai. Cun ah kyasei ngami cu kei ami na yum nak awn, ami katnak phyawn nak gah ah u ne, Khanpughi ah ghü ah chang gui ah ng’lung ah ami hmun kho gah tuk khai gui.

MATTHE 6:23

Nami mik ui a mü ung nami pumsa avan hmüp yawp khai. Cun ah kia sei nangmi ung om ciah akdei cu, ak hmüp ah a kyak lä ung, cun ah hmüp cu anghtei ah mü ne hmüp khai nei.

ATÜNNAK 3:22

Bawipa Khanpughi naw, “Chang cu mikmi ungka tumat mat ah mäih ah kya pyi ci, akni la akshe phi hmu hmat pyi ci. Tuhbäi ung chang cu ghin nak ah sing ah theih bit ne ei ne angtäi ghing nak gah khai ah kä khin ba ci nei” ci neta,

ATÜNNAK 3:10

Chang naw, “Dum ah kyong ah na law cu ka ng’yak ci nei; kei cu ka k’plui ah ka om ci kyasei kyi ne, ka ng’thup ci nei” cine m’shang ci.

ATÜNNAK 3:7

Ngani cu ani ei vai am ani mik m’dei law sei, ani k’plui ah ani om cu hmat lawk ci goi. Khuhnah gui m’ghuh ne pyang ne ng’shung ci goi.

THU PHLAAN 13:14

Ani naw ak htükbäih ah khiküi ah maa ah abi hning ah cäi aih vai gui cu m’dang ne khomdek chang gui cu hmühma sak gui ci. Ani naw khim awn leim ne phi kä si ne ghing ciah khiküi m’tamkhah nak ah a gup cu pyan sak gui ci.

THU PHLAAN 13:4

Shawk naw a huham cu khiküi-am a ap pyi ah kyasei, chang avan naw shawk cu khawhnah ci gui. Chang gui naw khiküi cun phi khawihnah u ne, “Khiküi ah mäih a u om khai ang? Ani ng’tuk püi hning ci a u om khai ang?” cine pyein ci gui.

DANIEL 4:30

Ani naw, “Teng vä, Babilon cu a i hlawk ah dämduh ci ang! Ka huham, ka hlüngtai nak, ka bämang nak, ka m’gäi nak ka dang sak nak vai ah ka cawh ah mang gaw ne.”

ISAIAH 14:14

Nang cu khaw ng’mei gui ah apam ah hang kai ne, m’gäi ciah kyak vai ah na pyen te ci.

1 GHANGPUGHANG GUI 22:6

Ahab naw prophet phia phli cu khü gui ne, ng’shi gui ci, “Kei naw Ramoth cu hteit ne ka tuk vai aw, kä ka tuk vai aw?” Ngami naw, “Na tuk vai nei, Bawipa naw näng nak ning pek khai nei.”

PHYAWN NAK 20:7

“Ka ng’ming cu akshe ah kä nami mang vai, ka ng’ming akshe ah mang ci phung cu, Kei, Bawipa nami Khanpughi naw ka m’kyuk khai.

PHYAWN NAK 5:2

Ghangpughang naw, “Bawipa cu a u ang? A i ah kyasei ani ah ng’thu ngai ne, Israel gui ka hteh sak gui vai ang? Kei naw Bawipa cu kä ka hmat ci, Israel gui cu kä ka hteh sak gui khai nei” cik ci.

DANIEL 6:7

Nang ah khaw ung kami tängpang ciah keimi kami van tängpang ng’vai gui, uktu ng’vai gui, uktu hmawba gui la ahei bawi gui naw kami yum cu — nang ghangpughang naw thumkhän k’bäi ne ang ceet ah na läk sak gui vai. Hnüüp thum kip ah kyong ung a u chang naw phi, nang ghangpughang ah kawn ung, a i khanpughi ah phi, a i chang ah phi kä a taigü en vai ah ng’thu na k’bäi vai nei. Cun ah thumkhän m’shet ciah chang cu phongkawng awn be ciah khui ung yuk shum vai nei.

EZEKIEL 28:9

Ngami naw nang ning ngawn khai gui ah ami law ung Khanpughi ah na kyak ciah na pyen ba khai ang? Nang cu ning ngawn ciah chang gui awn ami ng’awt law ung, nang cu hnicim ah na kyak khai, khanchang ah kä na kyak khai.

EZEKIEL 13:22

Kei naw kä ka ng’zom sak hlü ah Chang ni gui cu nangmi naw name hleei pyen ne k’tha name ken sak ci. Nangmi naw Chang shekha gui cu ak shekha kä ami nawng vai la ami ghin nak ami hun vai ah name Shungvong gui ci.

SAM 12:4

“Mi ng’thu awn mi m’hni cu mi gah ci. Mi ng’yak hlü cu mi pyen ci, a u naw kä na ng’düm sak gui hlawt ci” cik ci gui.

2 SHONTÄP NAK 32:15

Tuhbäi Hezekiah naw kä ning m’hleei en gui sä, lam she ung kä ning m’shüm en gui sä! Ani kä nami yum vai! A i pakhui ah khanpughi naw phi a chang gui cu a i Assirian uktubawi ah kut ung phi kä hun man ci nei! Cun ah kyasei shin ah nami Khanpughi naw akcang ah kä ning hun gui khai nei!”

EZEKIEL 29:3

Na pyen vai, shin cu uktu Bawipa naw Egypt ghangpughang am a pyen nak nei: Kei cu nangmi ah na ga nei, nangmi tuinu ung ng’zän ciah k’phyu k’saam gui. Nang naw Nile tuinu cu nang ah kaa, nang ah pyan ah na pyen ci.

EZEKIEL 28:12

Ani naw pyen ci, “Hnicim chang, Taia ghangpughang ah bui awt law vai ah amawng ah phäh ah thüisei ä: Kei, uktu Bawipa naw ka pyen cu m’thein ä: Nang cu kümbe nak ah thei bang vai ah na kya man ci. Nang cu a i hlawk ah cüivai ne, na kyom sang ci ang?

ATÜNNAK 2:9

Cun ah dum ung kyom ne, ei hlü vai ah m’theih ciah sing ghing a hlü hlü ghing sak ci. Dum ah ang lung ung ghin nak ah sing ghing phi om ci, akni la akshe m’chaa nak ah sing ghing phi om ci.

SUKI GUI 3:2

Ani naw shin ah abi cu ang shon päng ung Israel chang gui am ng’tuk ah mawng am thei nak gui ah kyak ci, ak tung piah kä ng’tu tuman ci gui ah hmawk ah kyak ci.