ATÜNNAK 3:24 - Cho Bible Common Language 2016

²⁴ Cun ah chang cu ak tääm kawn ah Eden dum ah hnilaw lam ah mei m’lei ah tawt ne ng’laam ciah khimsem la Cherubim gui cu m’düih ne, ghin nak ah sing ghing cu ngäng sak ci.

ATÜNNAK 3:24 Referans Kwoze

HEBRU 1:7

Cun ung phi khanchang gui ah mawng a pyein nak ung, “Khanpughi naw ak khanchang gui cu, khokhi ah pyang gui ne, ak changshäm gui cu meidäi ah pyang gui ci,” ci ne pyein ci.

SAM 104:4

Nang naw khokhi cu na ng’shä tüih ah mang ne, lailäp khodei cu na changshäm nak ci.

JOHAN 14:6

Bawipa Jesuh naw, “Kei cu lam ah ka kyak ci, thutak ah phi ka kyak ci, ghin nak ah phi ka kyak ci, kei ung kä hteit ciah chang phung cu Kapa ah om nak ah kä gawk khai.

SAM 99:1

Bawipa cu ghangpughang nei! Chang gui naw kyih aa u sä. Ani cu Cherubim ah khan ah amawng kyang ung ngok ci nei, khomdek cu thüng sä.

SAM 80:1

O Israel gui ah htoshäm na ngai gui ä; Na htome gui ah bawi ng’vai na ng’ya gui ä. Na tüisho gui ang phyamah ah khan ah na mang kiang ung yu ngoh law ä,

1 SAMUEL 4:4

Cun ah kyasei ngami naw Shilon ah ng’shä tüi u ne, Hlüngtai ciah Bawipa ah Thukhän M’küm cu lak ci gui. Tüiküi ng’phia mah gui ah khan ah mang kyang ung ngok ci. Eli ah a hta goi, Hophni la Phinehas cu Thukhän M’küm ung ng’gui ne law tuk ci goi.

JOSHUA 5:13

Joshua cu Jerikho pei ah a om yah ung Khimsem kawt ne amät täng ah ng’düi ciah chang cu ang ghit ah hmuk ci. Joshua naw ama ah hteit neta ang shi cu, “Nang cu kei ah gakap ang, keimi ah ga ang?”

KHEI NAK 22:23

Ng’sela naw khimsem kawt ne ng’düi ciah khanchang cu hmu neta, lam phleng ne bung täng ah dawng ci. Balaam naw sela cu teiuh ne lam ung hteh ba sak ci.

PHYAWN NAK 25:2

“Ami na douthak law vai ah Israel chang gui cu m’thein gui ä. A u naw phi pe hlü ne ana douthak phung cu ka dou ci nei.

ATÜNNAK 3:23

Khanpughi Bawipa naw chang cu ang tüi law nak ah khomdek ung kholo khai ah Eden dum ungka naw k’tääm ci.

ATÜNNAK 4:1

Cun kawn ah Adam cu achu Eve awn ip om ni neta Eve cu kämah lawk ci. Ani cu pamihta ah hta law sei “Khanpughi ah na m’gein nak ah kyak ci” cine a ming cu Kain ah sui ci.

ATÜNNAK 4:14

Nang naw kei cu shin ah khomdek ungka, na na k’täm pyi ci, nang phi kä ka ning hmu ba ci nei. Kei cu khomdek khan ung a im kaa ah kya ne ka om khai nei. Na hmuk ci naw kei cu na ngawn khai nei” cine ng’hui ba ci.

EZEKIEL 10:1

Kei naw khi küi gui ah lu khan ah vai lang cu teng neta, lungsen awn pyan ah mangkiang ah mäih cu ka hmuk ci.

EZEKIEL 31:11

Kei naw cun cu hnu ng’tuk ne akho hei uktu am ka ap khai. Ani naw cun ah sing am amät ah shetkat nak awn ng’müi khai ah pek khai.