ATÜNNAK 3:20 - Cho Bible Common Language 2016

²⁰ Adam naw akchu cu Eve ah aming sui ci, a i ah kyasei ci ung ani cu hnicim chang avan ah nu htük ah kyak ci.

ATÜNNAK 3:20 Referans Kwoze

MATTHE 1:23

Cun ah ng’Thu cu; “Ng’Lamihta cu käü mah ne, Pamihta ah hta lawk khai. Ani cu Immanuel ah ang ming sui khai gui. (Immanuel ci cu mik awn atang ah om ciah Khanpughi ah kyak ci.)

ATÜNNAK 2:23

Pami naw, “Shin cu ka mät ah mäih tumat ah kyak ci. Ka guh ungka guh, ka sa ungka sa ah kyak ci; Pami ungka la ne pyan ah kyasei, A ming cu ‘Hnumi’ ah kyak khai nei” cik ci.

ATÜNNAK 5:29

“Bawipa naw na m’kyuk gui sei, m’dek khan ung yaica nak ungka, shin ah a hmaw naw na hüiyaang sak gui khai nei” ci neta, a ming cu Noah ah sui ci.

ATÜNNAK 2:20

Chang naw khisa gui, phyukha gui avan ami ming sui yawp ci; cun ung phi chang awn amüi täng ciah a paw vai tumat phi kä om ci.

LAMKTU 17:26

Khanpughi naw khomdek khan avan ung om ciah, changpakhui avan cu, chang tumat ungka ng’shon khai ah tüisho netah, ami ghin nak vai ah akhin cu k’bäi pe gui ne, ami om nak vai ah hmun cu m’hnüt pe gui ci.

MATTHE 1:21

Ani cu pamihta ah hta lawk khai. Cun ah Htapa cu ak chang gui ami kat nak ungka hun phiawn gui khai ah kyasei, ‘Jesuh’ ah ang ming nami sui vai cine pyen nak ci.

1 SAMUEL 1:20

Cun ah kyasei ani cu käu mah ne pami hta ah hta lawk ci. Aming cu Samuel ah sui ci, a mawng cu, “Ani ah phäh ah Bawipa ah ka taigü ci.”

PHYAWN NAK 2:10

A hmaw hta cu ng’vai law khäta, m’ghin ciah hnumi naw, ghangpughang ah hta hnumi ah hteh püi sei, ani naw a hta ah k’bäi ci. Ani cu amät ng’htau ne, “Tui ungka ka khui ah kyasei, Moses ah aming ka sui khai” cik ci.

ATÜNNAK 35:18

Rachela naw si law vai neta, a hta cu “Benoni” ah aming sui ci, apa naw läi “Benjamin” ah sui ci.

ATÜNNAK 16:11

Nang cu pami ah na hta khai, aming cu Ishmaela ah na sui khai, a i ah kyasei ci ung Bawipa naw yaica ne na kyah cu ng’ya pyi ci nei.

2 KORIN 11:3

Eve cu k’phyu naw theileh ne am hleeihlak ah mäih ah — nami m’lung cu ng’gogan sei, Bawi Khrih yum ne nami ap nak ang chei vai ah kan ng’ä ci.

1 TIMOTHI 2:13

Khanpughi naw Adam cu tüi sho ma netah Eve cu tüi sho ci.

ATÜNNAK 3:21

Bawipa Khanpughi naw, Adam la Eve ah hmawk ah savun cu suinu ah pyang ne m’sui goi ci.