ATÜNNAK 3:19 - Cho Bible Common Language 2016

¹⁹ Nang cu na ng’tüi law nak ah khomdek ung kä na hteh ba pha ah chuih na m’hutui long sei bii bi ne na ei khai. Nang cu m’dek khui ungka na ng’tüi lawk ci kyasei, m’dek khui ung na hteit ba khai” cine pyen nak ci.

ATÜNNAK 3:19 Referans Kwoze

THUSHÄUTU 12:7

Mi pumsa cu m’dek ung m’vut ah hteit ba khai, ghin nak hnun cu acun na pe gui te ciah Khanpughi ah hteit ba khai.

JOB 34:15

ak ghing nü cu sih ne m’vut ah ng’lat ba khai.

SAM 104:29

Nang naw na ng’hlah taak gui ung ngami cu kyik ci gui; Nang naw ng’ghi nak na laak ung ngami cu sik ci gui, ami ng’tüi nak te ah m’vut ung hteit ba ci gui.

ATÜNNAK 2:7

Cun kawn ah Bawipa Khanpughi naw m’dek cu la ne chang ah pyang neta, a hngakhawng hnun ghin nak cu yuk muut khäta, ani cu chang ghing ah kya lawk ci.

SAM 90:3

Chang cu zan ä akyak te ah akyak ba vai ah nang naw na pyen ci; m’vut khui ah na ng’plouh ba sak ci.

EPHESIAN 4:28

M’gu man ciah chang phi käm gu-en ba ne, khüighaat ne hnüntho ne, amät ah hnun m’ghin ne, pyamtham ci phi am hteihtang tu hning vai ah tha na sä.

THUSHÄUTU 3:20

Ngani ani nik hnih cu a hmun ät ung hteit ci goi — m’vut ung hteit ci goi. Ani nik hnih cu m’vut ungka lawk ci goi, m’vut ung hteit ba khai goi.

ATÜNNAK 18:27

Abraham naw, “Bawipa, kei cu m’dek khui la m’vut ah ka kyak ci. Nang ngawn kä ka khinkha ung phi, na m’gein ne ka ng’thu na ngaih pe ä.

DANIEL 12:2

Si pyi ciah chang gui akda cu ghing ba khai gui, amshah cu angtäi ghin nak ung yeikyai khai gui, amshah cu angtäi thüisei nak ung yaica khai gui.

THUSHÄUTU 1:3

Nangmi naw nami ghin nak cu bilawh nak, khüighat nak awn nami ng’pyi sak ci.

SAM 22:15

Kei ah ka gawn cu m’vut ah mäih ah chawng ne, kam’lei phi ket ci. Nang naw ka sih vai ah m’dek ung na na nawng ci nei.

ATÜNNAK 23:4

“Kei cu khin ah kya ne nami ng’lung ah ka om tuk ci; ka chu ka k’phuh nak vai khaw hmun na pe tu vä” cine pyen ci.

2 THESSALONIAN 3:10

Keimi cu nangmi awn a täng ah kami om yah ung, “Bi kä bik hlük ci naw ei kä ah ei-en vai,” cine kami ning m’thei gui ci.

SAM 103:14

A i awn ana pyan gui cu ani naw hmat ci; mikmi m’vut ah mi kyak cu ani naw shüm ci.

1 THESSALONIAN 2:9

Phäi nau gui aw, keimi naw a i hlawk ah cümbawng ne, kami bilawh cu nangmi naw akcang ah nami hmat ci nei. Khanpughi ah Thu Ni kami pyein nak ung nangmi ah khan ah yaica nak kä a om vai ah, amü ak hnüüp bi kami bik ci nei.

THUSHÄUTU 5:15

Shin ah m’dek khan ung a i kä law püi ah mi luh law ah mäih ah, a i kä hteh püi ah mi nawng shüt ci. Mi bi akda mi bi ung phi, cun avan cu mi mät awn atäng ah kä mi hteh püi hlawt ci.

THUSHÄUTU 1:13

Shin ah khomdek khan ung bilawh gui phung, kei naw cet ne k’tä ne, ka teng khai ah ka om ci. Khanpughi naw khüikha nak ah mawngma cu mikmi ah khan ah yuk cha pyi ci nei.

NG'THU K'THUUK~ 21:16

Nikiom nak hteh ta ne ng’vak shüi ci gui cu sih nak naw ngäng gui ci.

SAM 22:29

M’gäi ciah chang gui avan cu ama ah kawp khai gui; Chang neng gui avan cu ak ka ah ng’bawlawk khai gui.

JOB 21:26

Cung phi chang avan cu a cun ah mäih ah si ne a cun ah mäih ah ng’cim ci gui; ami van cu m’kyiit naw vun gui ci.

JOB 19:26

Kei ah ka vun la ka sa gui cu nat nak awn athukat ung phi, a shin ah ka pums awn Khanpughi cu ka khawihnah khai nei.

JOB 1:21

Ani naw, “Kei cu a i kä law püi ah ka lawk ci, a i kä hteh püi ne ka sik khai. Bawipa Naw na pek ci, tuhbäi ani naw la ba ci nei. Ani ah ming cu m’tamkhah nak om sä!” cik ci.

1 KORIN 15:47

Ak htük bäih Adam cu khodek a pyan ah kya ne, khodek ungka lawk ciah kyak ci; Ak hnih nak Adam cu Khankho ah kaa lawk ciah kyak ci.

HEBRU 9:27

Chang cu hnü ät bäng si ne, cun kawn ah Khanpughi ah m’khawichaa nak cu gah ci.

ATÜNNAK 3:18

Khomdek naw hling shun gui cu m’thawk sak khai, nang naw khu m’ghaw gui cu na ei khai.

JOB 4:19

M’dek awn a tüipyan cu ani naw ngaih gep khai ah nami ngai naw, cun cu m’hu ah mäih ah güüt hning ah m’vut ah mäih ah kyak ci nei.

SAM 104:23

Chang gui cu ami khut bik khai gui ah hteit ci gui, khomü hun güt ung bi bik ci gui.

SAM 127:2

Hnun m’ghin nak vai k’tha na aih ne bi ung phi, ng’dawt ne tho ne, hnu ne ip ne kyak ung phi a kholä ah kyak ci; Bawipa naw am hni ah chang cu m’htei gui ci, ami ih yah phi m’htei gui ci.

ATÜNNAK 5:5

Adam cu a khawkum 930 ung sik ci.

JOB 10:9

M’dek awn na na pyan cu shüm ba ä; m’dek ah na na cigep law ba khai ang?