ATÜNNAK 3:18 - Cho Bible Common Language 2016

¹⁸ Khomdek naw hling shun gui cu m’thawk sak khai, nang naw khu m’ghaw gui cu na ei khai.

ATÜNNAK 3:18 Referans Kwoze

MATTHE 13:7

M’shi amshah cu ng’hling hmu ah kya lawk ci, ng’lih pyo tupang ne phi, ng’hling gui naw k’düi u sei, si ba yawp ci.

ISAIAH 7:23

“Cun ah khin a gawk law ung, sapyit la akni gui ung phi agha ciah phung ghing ne ngui phya gha ci phu nak ciah sapyit gui cu ng’hling k’cam gui la ng’hling gui naw li shi khai gui.

JOB 5:5

Ei cawi ciah chang gui naw akgu-ang ah thui-an ei khai gui — Htang gui cu ng’hling ah hmu ah phung ghing khai gui — Tui gha ci gui naw ani ah bühmang nak cu m’thüi m’khang ci gui.

HEBRU 6:8

Cun ung phi cun ah m’dek cu m’ghaw la ng’hling bäng a thawh sak ah a kyak ung, mang vai ah kä kya ba ci kyasei, Khanpughi naw k’phyun ne mei awn m’khih ne m’di khai.

JEREMIAH 4:3

Bawipa naw judah la Jerusalem chang gui cu pyen na gui ci, “kä thawn pha ah nami lai gui cu thawn vä; ng’hling gui ah ng’lung ah nami geit m’shi kä phu en vä.

ISAIAH 32:13

ng’hling-cam gui la ng’hling gui cu ka chang gui ah khaw ung tho pyi ci nei. Chang gui naw ami yeikyai nak ah cin gui avan la ami ng’häh leh nak ah mang gaw ah phäh ah thüi kyap vä.

ISAIAH 5:6

Kei naw cun cu khumgho she gui awn kakdüi sak khai. Kai naw kä ka k’hteiuh pyang khai, m’dek kä ka k’seisan khai; ng’hling nu, ng’hling hta gui awn ka küm khai. Ani ah khan ah khaw kaa kä kya lawk khai ah khaw mei gui phi ka maa nak khai” cik ci.

NG'THU K'THUUK~ 22:5

Na hnun gui na m’hni ah a kyak ung alam päng ung changshe gui phak ciah cuun awn ng’shawng khai ah na om vai nei.

JOB 31:40

kei ah lo lai ung püm la htang ah a thawh nak vaisü ung m’gho la ng’hling gui bang tho sä. Joba ah ng’thu shin ung ng’pyi ci nei.

JOSHUA 23:13

nangmi ung ckcang ah, Bawipa nami Khanpughi naw shin ah pakhui gui cu nami ma ung kä k’täm gui khai. Cun kan vaisü ung ngami cu nangmi ah hmawk ah kyihkyawk vai ah kyak khai, m’hling, khui, nami pang ung thah mäih ah, nami mik ung ng’hling ah mäih ah kyak khai gui. Cun gui cu Bawipa nami Khanpughi naw a ning pek gui ah shin ah khaw ni ung, nangmi a u phi kä nami om ba güt ung kä ng’pyi khai nei.

JEREMIAH 12:13

Ka chang gui naw htang phu ci gui, cun ung phi ng’hling khäm ba ci gui; ngami naw k’tha na ne bik ci gui, cun ung phi a i ah kä gah ci gui. Kei ah nui ciah ka m’lungshe ah phäh ah ami püm htang gui cu shum ci nei.”

NG'THU K'THUUK~ 24:31

Cun cu ng’hling plum awn be ci, m’ghaw bäng ah kyak ci. Lung paang cu piawn ne kya lawk ci.

SAM 104:2

Na mät naw na mät cu akdei awn na uk ci. Nang naw khankho cu phung ah mäih ah na ng’shawng sak ci,

SAM 90:3

Chang cu zan ä akyak te ah akyak ba vai ah nang naw na pyen ci; m’vut khui ah na ng’plouh ba sak ci.

JOB 1:21

Ani naw, “Kei cu a i kä law püi ah ka lawk ci, a i kä hteh püi ne ka sik khai. Bawipa Naw na pek ci, tuhbäi ani naw la ba ci nei. Ani ah ming cu m’tamkhah nak om sä!” cik ci.

ROMAN 14:2

Ayum nak khäng ciah chang naw a i ei phi ei hning ci, a yum nak kä khäng ciah chang naw, thui an bäng vah ei thei ci.

ATÜNNAK 3:17

Ani naw pami am phi, “Na chu ah ng’thu na ngai ci, kä ei vai ka ciah sing theih na ei ci. Cun ah nang naw na bi ah hmawk ah khomdek cu taam nak gah ci. Na ghin nak chuih cümbawng ne bii bi neta, khomdek ah m’theih pai cu na ei khai.

ATÜNNAK 3:19

Nang cu na ng’tüi law nak ah khomdek ung kä na hteh ba pha ah chuih na m’hutui long sei bii bi ne na ei khai. Nang cu m’dek khui ungka na ng’tüi lawk ci kyasei, m’dek khui ung na hteit ba khai” cine pyen nak ci.

ISAIAH 7:24

Chang gui cu a cung ung li la m’la kawt ne sa yüh ne hteit khai gui. Khawpäng avan cu ng’hling gui la ng’hling — k’cam gui awn be khai.