ATÜNNAK 3:17 - Cho Bible Common Language 2016

¹⁷ Ani naw pami am phi, “Na chu ah ng’thu na ngai ci, kä ei vai ka ciah sing theih na ei ci. Cun ah nang naw na bi ah hmawk ah khomdek cu taam nak gah ci. Na ghin nak chuih cümbawng ne bii bi neta, khomdek ah m’theih pai cu na ei khai.

ATÜNNAK 3:17 Referans Kwoze

ATÜNNAK 5:29

“Bawipa naw na m’kyuk gui sei, m’dek khan ung yaica nak ungka, shin ah a hmaw naw na hüiyaang sak gui khai nei” ci neta, a ming cu Noah ah sui ci.

JOHAN 16:33

Nangmi cu kei awn nami kawng ät nak awn, dimdeeih nak nami gah vai ah shin ah ng’thu ka pyein ah kyak ci. Nangmi cu m’dek khan naw ning yaica sak gui khai. Cun ung phi nami m’gäi vai nei, kei naw m’dek khan cu ka näng pyi ci” cine pyein ci.

SAM 127:2

Hnun m’ghin nak vai k’tha na aih ne bi ung phi, ng’dawt ne tho ne, hnu ne ip ne kyak ung phi a kholä ah kyak ci; Bawipa naw am hni ah chang cu m’htei gui ci, ami ih yah phi m’htei gui ci.

THUSHÄUTU 5:17

Mikmi cu hmüp khui ung om ne, thüisei ne, ng’ä ai ne, m’lungshe ne, gawpyam ne mi kyak ci nei.

JOB 14:1

Mikmi mi van cu thagui ken sei am geinkaa ah ami na hta nak gui ah kyak ci. Mi van naw atäng täng mi ma nak ci, cun cu khüikha nak ah kyak ci.

ROMAN 3:19

Thukhän ung om ciah thu gui phung cu, thukhän ah kaa ah om ci gui ah hmawk ah kyak ci, cicu mi hmat ci. Cun cu hnicim chang gui naw thu m’kha ät phi kä pyein u sei, khomdek khan avan cu Khanpughi ah m’khoichaa nak ung a gawk vai ah kyak ci.

JOB 21:17

Chang shekha gui ah mei cu phät man ne ang? Ngami naw leigai bui awt man u ne ang? Khanpughi naw m’lungshe ne changshe gui cu m’kyuk man ne ang?

LUKA 19:22

Ghangpughang naw, “Nang changshe, namät ah ng’thu awn ka ning m’khoi m’chak khai. Kei cu nget ne kä ka kaa phi ka lak ah mawng, kä ka geit phi ka khäm ah mawng, cu hmat lang ne,

MATTHE 25:45

Cun kawn ung ghangpughang naw, ‘Kei naw akcang ka pyein cu shin ah chang gui ungka ak yoken pi ah chang käm hteihtang ne nami om phung cu, kei kä nam hteihtang ne nami om ah kyak ci’ cine kyak na gui khai.

THUSHÄUTU 2:17

Cun ah kyasei ghin nak cicu kei ah phäh ah a i ah phi kä hmat ci, a i ah kyasei ci ung, a cun ung om ci naw a i phi kei ah kä law püi ci, khuikha nak bäng law püi ci. Shin gui avan cu akholä ah kyak ci, kei cu khokhi gawt ne ka phak ciah kyak ci.

THUSHÄUTU 2:11

Ka bi gui nü avan la a i hlawk ah k’tha na ne cun gui ka bi avan cu ka ngaih-tüh ah a kyak ung, a i hta phi bä ci kä om ci, cun cu khokhi gawt ne pha ah mäih ah kyak ci — a i phi mang vai kä om ci.

ATÜNNAK 3:11

Khanpughi naw, “Nang na k’plui ciah a u naw ang a pyen? Kä ei vai ah ka pyen ah am theih cu na ei ne ma?” cine ng’shik ci.

ATÜNNAK 3:6

Cun ah am theih cu kyom ne, ei hlü vai kya ne, cüivai nak vai kyak ciah hnumi naw hmu neta, k’bit ne ei ci, a cei am phi m’bei tu sei, a cei naw phi ei tuk ci.

MATTHE 22:12

“Cun ah chang cu a i ah phi käng thu tu ba thei netah om düt ci.

HEBRU 6:8

Cun ung phi cun ah m’dek cu m’ghaw la ng’hling bäng a thawh sak ah a kyak ung, mang vai ah kä kya ba ci kyasei, Khanpughi naw k’phyun ne mei awn m’khih ne m’di khai.

ATÜNNAK 3:18

Khomdek naw hling shun gui cu m’thawk sak khai, nang naw khu m’ghaw gui cu na ei khai.

ATÜNNAK 8:21

Bawipa naw ng’ui ciah khawihnah nak cu dou neta “Cun kawn ah chang gui ah hmawk ah khomdek cu kä ka plah taam ba khai, chang gui cu ami hmaw sang ge ung ami m’lung ngaih shekhak ciah ka hmat ci. Tuhbäi ka bi ah mäih ah cun kawn ah a hnun ghing gui cu kä ka m’di ba gui khai.