ATÜNNAK 3:16 - Cho Bible Common Language 2016

¹⁶ Ani naw hnumi phi, “Kä mah ne na yaica nak cu ka shou sak khai, na hta ung geinvai ne na ng’khokhüt khai, na cei ah pyen ah om ne, na cei ah uknak ah kaa ah na om khai.

ATÜNNAK 3:16 Referans Kwoze

TITUS 2:5

Ami htingling vai, ami theingcim vai; kyongkhui m’htei ciah hnumi ah ami kyak vai, a cei ah beit ng’yak ciah hnumi ah ami kyak vai cu, m’shümthein gui thei khai gui nei. Cun ah a kyak ung Khanpughi ungka lawk ciah thu cu a u naw ak she ah kä pyein ba khai nei.

KOLOSE 3:18

Hnumi gui aw, nami cei ah ng’thu nami ngaih vai nei, cun cu khritha ah nami kyak nak awn nami bi vai ah kyak ci,

1 KORIN 11:3

Kei naw ka ning hmat sak gui hlü cu, pami avan cu Bawi Khrih naw uk ci, ak chu cu a cei naw uk ci, Bawi Khrih cu Khanpughi naw uk ci, ciah kyak ci.

1 TIMOTHI 2:15

Cun ung phi hnumi gui cu, a htingling ah om ne, yum nak, m’hni nak la theingciim nak awn ami be ah a kyak ung, ami hta nau nak awn hun nak gah khai gui nei.

1 KORIN 14:34

Khanpughi ah Khrithabum gui ung mi m’tämgan law ah mäih ah ng’bum nak ung hnumi gui cu a düm hta ah om u sä. Ngami cu thu kä pyein tu hning ci gui: Jew chang gui ah thukhän ung, “Hnumi gui cu pum nak ung ang vai ah kä ami kyak en vai” ciah om ci.

1 KORIN 7:4

Ak chu naw amät ah pumsa cu kä khäm ci, acei naw khäm ci; acun ah mäih ah acei naw amät ah pumsa cu kä khäm ci, ak chu naw khäm ci.

JOHAN 16:21

Hnumi tumat cu a hta law vai ung a nau poi m’neh ne ang htei ah yaica ci, cun ung phi a hta kawn ah m’dek khan ah chang tumat ng’tüi lawk ci kyasei, anat nak cu kä shüm ba ci.

ATÜNNAK 4:7

Ng’düng ciah bii na bi vaisü ung na hmai kiang khai süte; cung phi akshe na bik ci kyasei, katnak cu na m’kawt ung ng’boop ci nei. A cun naw ning uk vai ci nei, cun ung phi nang naw na m’khüt vai nei” cik ci.

JEREMIAH 6:24

Jerusalem chang gui naw pyen ci gui, “Keimi naw cun ah mawng kami ng’yak ung, kami kut cu caai ci; keimi ung natnak gawk law sei, hta lawk khai ah hnumi naw a poi am neh ah mäih ah kami m’neh ci.

KHEI NAK 30:13

Ani naw khäntam nak abi, kä cung a shaitak cu, acei naw k’püüi hning ci, kä cung a shaitak cu, a cei naw k’püüi hning ci, kä cung gäi hning ci.

1 THESSALONIAN 5:3

“Chang gui naw a päng avan cu ding gei ne, om phyak ci nei,” ci ne pyein khai gui. Cun yah ung käü-mah ciah hnumi cu ang ghit ah anau poi am neh law ah mäih ah geinvai nak cu ang hgit ah gawk lawk khai nei. Cun cu chang gui naw kä phiawn ah hlawt khai gui.

ESTA 1:20

Shin ah na uknak khaw ng’shawng avan ung, nang ah thu ng’shäu cu ami ng’yak ung, hnumi nü naw a pyam ang mang ung phi ami cei cu chang m’sui khai gui nei” cine pyen ci.

JEREMIAH 22:23

Nangmi cu Lebanon ah ka ami law püi ah cedar sing gui ah ng’lung ah phyawng m’htein ne nami om ci; cun ung phi m’neh nak naw a ning ci law gui ung a i hlawt ah ning m’gein gui vai ah kyak khai aw, cun ah natnak cun anau poi m’neh ciah hnumi ah m’hneh ah mäih ah kyak khai nei.

JEREMIAH 13:21

Nang naw na teihpüi ah na ngaih ah chang gui naw ning tu u ne ami ning uk ah a kyak ung a i ah na pyen khai aw? Nang cu the lawk khai ah hnumi ah m’neh ah mäih ah na m’neh khai nei.

ISAIAH 21:3

Muimang ung ka hmuh la ka ng’yak naw kyinnak la natnak na pek ci nei, cun natnak cu a nau poi m; neh ciah hnumi ah m’neh ah mäih ah kyak ci.

ISAIAH 13:8

Ngami cu ami van kyikyawk u ne, hta law khai ah hnumi ah mäih ah m’neh khai gui nei. Ngami kyin nak ann ng’teng tu u ne, ngami ah hmai cu ng’aa nak naw ui khai nei.

JEREMIAH 49:24

Damaskas ung chang gui cu ami k’tha ken sei kyi ne dawng ci gui. Ngami cu anau poi m’neh ciah hnumi ah mäih ah na sei m’neh ci gui.

JEREMIAH 4:31

A nau poi m’neh ciah hnumi ah kyah k’aw, hta htük ciah hnumi ah m’lau ah k’aw ah mäih ah k’aw cu kei naw ka ng’yak ci. Cun cu bawng ne ng’khlet ciah Jerusalem ah k’aw ah kyak ci, ani naw a kut shäng neta a pyen cu, “Kei ka ng’ziin ci nei! Ngami naw law ne na ngawn khai gui nei!”

ISAIAH 53:11

Zaica ne ghin nak ang pyi kawn ung, ani ung yeikyai nak om ba khai; A yaica nak cu a kholä ah kä kyak khai cicu ani naw hmat khai. Bä ciah ka changshäm, ani ung kei ka yeikyai ci, chang akda m’kyuk nak vai cu ani naw khan ci, ani ah hmawk ah kei naw ngami ka m’geinsei gui khai.

SAM 48:6

A cu ah ngami cu kyi u ne cat u neta, hta lawk khai ah hnumi ah mäih ah kyak ci gui,

1 TIMOTHI 2:13

Khanpughi naw Adam cu tüi sho ma netah Eve cu tüi sho ci.

1 SHONTÄP NAK 4:9

Jebez ming nak ciah chang tumat om ci, ani cu akyong chang ung ami chang m’sui pikbäih tumat ah kyak ci. Ani cu a i ah kyasei, anu naw aming Jabez ah a sui ci ung a hta nak sangung am neh aih ah phäh ah kyak ci.