ATÜNNAK 3:13 - Cho Bible Common Language 2016

¹³ Bawipa Khanpughi naw, hnumi am, “A i vai ang cun ah na bi” cine ng’shi khäta; Hnumi naw, “K’phyu naw na ei sak sei ka ei ci nei” cine pyen ci.

ATÜNNAK 3:13 Referans Kwoze

2 KORIN 11:3

Eve cu k’phyu naw theileh ne am hleeihlak ah mäih ah — nami m’lung cu ng’gogan sei, Bawi Khrih yum ne nami ap nak ang chei vai ah kan ng’ä ci.

1 TIMOTHI 2:14

Hmühma nak gah law ma cicu Adam ah kä kyak ci, hnumi ah kiak ci, Ani naw Khanpughi ah thukhän cu shetkat sak ci.

JOHAN 18:35

Pilat naw, “Kei cu Jew chang ah na na ngai ci ma? Kei ah nang ning law püi ci gui cu, na mät pakhui chang gui la taigü gui nei, nang, katnak a i ang na bi?” cine ng’shi ba ci.

2 SAMUEL 3:24

Cun ah kyasei Joab naw ghangpughang ah hteit neta a pyen nak cu, “A i ah kyasei cu cha düt ah na hteh ba sak ang?

ATÜNNAK 44:15

Joseph naw, “A i ah nami kyak ci ang? Kei ung cüivai lunglang nak a om cu kä nami hmat ne ma?” cik ci.

1 SAMUEL 13:11

Cun ung phi Samuel naw, “A i ang na bi pyi?” cine ng’shik ci. Saul naw, “Chang gui naw na hteh tak ci gui, nang na lawk khai ah na pyen nak ung kä na lawk ci: cun kawn ah Philistin gui cu Michmash ung ng’bum ci gui.

ROMAN 7:11

Kat nak naw lam shui ne thukhän am’dang nak awn kei cu na sih sak ci nei.

1 SAMUEL 15:15

Saul naw, “Ka chang gui naw Amalek chang gui ah ka mi law püi nei. Ngami naw aknipi ah htome la seipat gui cu Bawipa na Khanpughi am khawihnah nak ah dou thak vai ah ami gim ah kyak ci, ak pawih ba cicu avan kami m’di zawip ci” cik ci.

ATÜNNAK 12:18

Ghangpughang naw Abram cu khü neta, “Nang naw kei ah khan ah a i hawkcha ah na bi ang? Ani na chu ah a kyak ah mawng cu, a i ah kyasei kä na pyen ang?

TAIGÜTHUM 12:5

Hnumi cu hnumi hta ah a hta kawn ah hnüüp gha lei phli ung kä theingthap ci, ani cu a chashui a om yah khin ah mäih ah kyak ci. Cun cu asi ang chawt nak ungka naw akcang ah kä a theingthap ba nak pha hnüüp chukip lei chuk ah akyong ah kyak ci.

1 GHANGPUGHANG GUI 13:18

Bethela ah ka prophet naw pyen ah ne, “Kei phi nang ah mäih ah prophet nei, Bawipa ah thumkhän ung khanchang naw ana pyen nak cu, nang cu ka im ah ka mät awn a täng ah ning hteh püi ne ka ning khincha nak vai ah kyak ci” cik ci. Cun ung phi prophet ghipa cu a hleei ah kyak ci.

JONAH 1:10

Jonah naw ktäi ne Bawipa hnu na ne a dawng law ah mawng cu m’thein tu gui ci. Htinpaw bik’bi gui cu cäicat u neta, ani am, “A i kyasei na dawng ang? cine ng’shik ci gui.