ATÜNNAK 3:10 - Cho Bible Common Language 2016

¹⁰ Chang naw, “Dum ah kyong ah na law cu ka ng’yak ci nei; kei cu ka k’plui ah ka om ci kyasei kyi ne, ka ng’thup ci nei” cine m’shang ci.

ATÜNNAK 3:10 Referans Kwoze

ATÜNNAK 2:25

Pami la hnumi cu a nik plui ah om ci goi, cun ung phi lü ng’aa nak kä om ci.

ISAIAH 57:11

Bawipa naw pyen ci, “Keina m’hnih sagei u ne, nami hleei pyen ne nami na m’thein ü awng vai ah, nami kyih ah khanpughi gui cu a u gui ang? Kei cu ak shounu a düm ah ka om ci kyasei, nami na m’tamkhah vai cu nami düm ei ne ma?

ISAIAH 47:3

Chang gui naw nang cu k’plui ci sei ning hmuk khai gui; Zungkia ne lü ng’aa ci sei ning hmuk khai gui. Kei naw phu ka tuk khai, a u naw kä na ma na hlawt khai.

SAM 119:120

Nang ah hmawk ah kei ka kyik ci, na m’khoi m’cha nak ah hmawk ah kyih nak awn ka be ci.

1 JOHAN 3:20

Mi m’lung ngaih naw anam shet m’kat law gui ung phi, Khanpughi cu mi m’lung ngaih ah mä hlüngtai pi ne, a päng avan hmat yawp ci, cicu mi hmat ci.

JOB 23:15

Ani ah ma ah kyi ne ka ng’hlet ci nei.

PHYAWN NAK 3:6

Kei cu na pupa gui ah na Khanpughi, Abraham, Isaak la Jakob ni ah na Khanpughi nei” cik ci. Moses cu Khanpughi a hmuh vai ah kyi neta a hmai k’bawm ci.

ISAIAH 33:14

Zion ung shekak ciah chang gui cu kyi ne ng’hlet u sä. Ngami naw, “Khanpughi ah ng’thumcha nak cu mei ah mäih ah kya ne angtäi sei ui ci nei. Acun ah mäih ah mei ung ka, mikmi mi k’pawih hning khai aw?”

THU PHLAAN 16:15

“Ngai vä, kei cu m’guk-ei ah mäih ah ka lawk khai nei! Cii m’gang ne asui them ngäng ciah chang cu akplui ah kä om khai, chang ah hmu ah kä lüng’aa khai, yeikyai nak om khai nei.”

PHYAWN NAK 32:25

“Aaron naw chang gui kä m’khüt ba gui vai ah kyak khai gui ah abi püi gui la ami gaa gui ah ma ah ak gu ah ami kyak cu Moses naw hmu gui ci.

ATÜNNAK 3:7

Ngani cu ani ei vai am ani mik m’dei law sei, ani k’plui ah ani om cu hmat lawk ci goi. Khuhnah gui m’ghuh ne pyang ne ng’shung ci goi.

ATÜNNAK 3:11

Khanpughi naw, “Nang na k’plui ciah a u naw ang a pyen? Kä ei vai ah ka pyen ah am theih cu na ei ne ma?” cine ng’shik ci.

PHYAWN NAK 20:18

Chang gui naw khaw hmum la phyungheng ah ng’gin cu ng’ya u ne, khaw lailäp la mei ah khu ciah m’htung cu hmu u neta, kyi ne ng’hlet ne, ang shawng ah ng’düi ci gui.

PHYAWN NAK 20:19

Ngami naw Moses am, “Nang naw na ng’thu püi gui ung keimi naw kami ngai khai, cun ung phi Khanpughi naw na ng’thu püi gui sei kami kyik ci, kami si lawk khai nei” cik ci gui.

THULÄÄN NAK 5:25

Cun ung phi a i ah kyasei ang mikmi mi sih ba mä kaw? Kyih vai ah mei naw na m’di gui gui khai nei. Bawipa mi Khanpughi naw na ng’thu püi ba gui sei ming yak ah a kyak ung mikmi mi sih vai ng’hteicha ci nei.

JOB 31:33

Chang ahei gui naw ami katnak k’tha na ne thup u sei phi, Kei naw ka katnak kä ka thup man ci nei.