ATÜNNAK 29:25 - Cho Bible Common Language 2016

²⁵ A ngawi ung khawngawi hta ah kya khäta ani cu Leah ah kyak ciah Jakob naw hmat ci. Ani cu Laban ah hteit neta, “A i hawkcha ah na bi ang? Kei cu Rachelah vah ka hlawh ci, a i ah kyasei na na m’hleei ang?” cik ci.

ATÜNNAK 29:25 Referans Kwoze

MATTHE 7:2

Chang nami m’khoi chaa ah mäih ah Khanpughi naw ning m’khoi chaa gui khai. Chang nami m’khoi chaa nak ung nami bi ah mäih ah Khanpughi naw nami khan ah bi bik khai.

NG'THU K'THUUK~ 11:31

Changnigui cu khomdek khan ung m’cümhnah nak gah ci gui, cun ah kyasei ng’htei sei nami hmat vai cu, shang shekha gui la chang kaa gui cu m’kyuk nak gah khai gui.

THU PHLAAN 3:19

Kei naw kam hni ah chang phung cu akat nak m’kyuk ne ka mcäi ci. Cun ah kyasei katnak ungka ng’hlat law ba ne, chang na ne na om vai nei.

1 KORIN 3:13

Cun ah chang gui ah cawhkyan nak ah a phu phäh phäh cu, Bawi Khrit a kyum law hnüüp ung ng’tän ne dang lawk khai. Cun ah hnüüp ung meidäi naw chang tumat ciah bi cu m’dang khai: cun ah mei naw chang tumat ciah bilawh cu akcang ah m’hnüt m’cah ne m’khoichak khai.

SUKI GUI 1:7

Adonibezek naw, “ghangpughang chih kip, ami kutnu la ami khawnu ka m’chün gui cu, ka tawnglang ka ah ei k’bok kawk ne om ci gui nei. Ngami ah khan ah kei naw ka bi ah mäih ah kei ah khan ah khanpughi naw tuhbäi bik ci nei,” cik ci. Ani cu Jerusalem ah hteh püi u sei a cu ah sik ci.

ATÜNNAK 12:18

Ghangpughang naw Abram cu khü neta, “Nang naw kei ah khan ah a i hawkcha ah na bi ang? Ani na chu ah a kyak ah mawng cu, a i ah kyasei kä na pyen ang?

JOHAN 21:17

Ak thum vei nak ah Bawipa Jesuh naw, “Johan ah hta Simon,” Kei na nam hni ci ang?” cine ng’shi ba mä ci. Cun ah ak thum vai nak ah ng’shi ba mä khätah, Peter cu thüi netah, “Bawipa, nang naw a päng avan na hmat ci nei, kei naw ka ning m’hni cu na hmat ci nei” cine pyein ci. Bawipa Jesuh naw, “Ka htome gui nam htei vai nei bäi,

MATTHE 7:12

Nami mät ung chang naw abi vai nami ng’yak hlü ah mäih ah chang ung phi nami bi vai. Cun cu Mosesah thukhän la profet gui ah m’theithang nak ah kyak ci.

ATÜNNAK 20:9

Abimelek naw Abraham cu khü neta, “Nang naw a i hawkcha ah na bi ang? Kei naw nang ah khan ah katnak ka bi a i om sei ang? A i ah kyasei kei la ka khaw ah khan ah shin ah katnak na gawk law sak ang? A u naw phi shin ah mäih cu kä bi man khai nei.

ATÜNNAK 26:10

Abimelek naw, “Nang naw a i hawkcha ah na bi ang? Kei ah chang tumat mat naw ang ghit ah a chu nak ah a kyak ung, nang naw keimi ah khan ah shetkat nak na gawk sak khai ah kyak ci nei” ci neta,

ATÜNNAK 29:24

(Laban naw Leah ah a paw vai ah changshäm hnumi hta Zilapah cu pek ci.)

ATÜNNAK 29:26

Laban naw, “Ang vaipi kä ceimah pha sei, a hmaw pi a ceimah cu thungyo ah kä kyak ci nei.

ATÜNNAK 31:7

Ani naw kei cu na thei leh na ne, ka gah vai ah ng’cheng cu gha vei na m’thawng pek ci nei. Cun ung phi ani naw kä a na m’di vai ah Khanpughi naw bik ci nei.

RUT 4:11

Cun ung angvai gui la chang gui naw, “Ä, keimi cu saksi ah kami kyak khai nei. Bawipa naw na chu cu, Rachela la Leah cu Jakob awn akda ah ami hta ah mäih ah akda ah hta sak sä. Nang cu Ephrath pahta ung bühmang ne Bethlehem ung na mingthang sä.

1 SAMUEL 28:12

Hnumi naw Samuel cu hmu neta, Saul am m’lau ne a pyen nak cu, “A i ah kyasei na na m’hleei ang? Nang cu ghangpughang Saul nei!” cik ci.

ATÜNNAK 29:16

Laban ung a hta hnumi hnih om ci; ang vaipi cu Leah ah kyak ci, a hmaw ba cu Rachelah ah kyak ci.

ATÜNNAK 31:26

Laban naw Jakob am, “A i ah kyasei kei ah kä hmat ah ka hta hnumi gui cu chang ami pha ah mäih ah na dawng püi gui ang?