ATÜNNAK 29:21 - Cho Bible Common Language 2016

²¹ Jakob naw Laban am, “A khin gawk lawk ci, na hta hnumi cu ka ng’khap püi khai nei” cik ci.

ATÜNNAK 29:21 Referans Kwoze

SUKI GUI 15:1

Akhin shou law khäta, htang khäm yah ung Samson cu akchu ah om tuk khai ah law ne, mahta thak law ci. Ani ah akchu ah pa am, “Ka chu ah im kyong ah ka hteit hlük ci nei” cik ci. Cun ung phi ani naw kä hteh sak ci.

MATTHE 1:18

Jesuh Khrit ang tüi law ah mawng cu shin ah kyak ci; Mari cu Josef ung ami beit kawn ah, kä ani ni om ng’chungla pha ung, Mumcha Theing awn käü mah lawk ci.

ATÜNNAK 38:16

Judah cu cun ah hnumi ah pei lam ung hteit neta, “Kei awn ni ip khai aw?” cine pyen nak ci. (Ani naw cun ah hnumi cu a hta ah chu te ah kä hmat ci.) Hnumi naw, “A i na na pek khai ang?” cik ci.

ATÜNNAK 31:41

Kei cu nang ah khaw kum m’ku ka om ci. Na hta hnumi goi ah phäh ah kum gha lei phli, htawme gui shäm ne kum chuk bii ka bik ci. Cun ung phi nang naw ka ng’cheng cu gha vei na na m’thawng pek ci.

ATÜNNAK 29:20

Jakob cu Rachelah a gah vai ah kum chih ung ng’hlawh ne bik ci. Cun ung phi Rachelah cu m’hni ci kya neta hnüüp api hta ah ngai ci.

ATÜNNAK 29:18

Jakob naw Rachelah cu m’hni neta, Laban am, “Rachela na na chu nak sak vai ung nang ah bi cu khaw kum chih ung ka bik khai nei” cik ci.

ATÜNNAK 4:1

Cun kawn ah Adam cu achu Eve awn ip om ni neta Eve cu kämah lawk ci. Ani cu pamihta ah hta law sei “Khanpughi ah na m’gein nak ah kyak ci” cine a ming cu Kain ah sui ci.

ATÜNNAK 29:22

Cun ah kyasei Laban naw ng’pui ng’khah nak bi pe ne chang akda khü tuk ci.

THULÄÄN NAK 22:13

“A vaisü ah pami tumat naw hnumi hta chu nak ci. Shou hta khäta kä m’hni law ba ciah pyen lawk khai.