ATÜNNAK 29:18 - Cho Bible Common Language 2016

¹⁸ Jakob naw Rachelah cu m’hni neta, Laban am, “Rachela na na chu nak sak vai ung nang ah bi cu khaw kum chih ung ka bik khai nei” cik ci.

ATÜNNAK 29:18 Referans Kwoze

HOSEA 12:12

Mi pupa Jakob cu Mesopotamia ah dawng nea chumah vai ah phäh ah chang tumat ah bii bi tu ne, ani ah htome cu shäm ci.

ATÜNNAK 34:12

Nami ng’yak hlü na m’thein vä, maan phi nami pyen ah ka ng’lo khai nei. Nami hta hnumi awn nami na ng’pui khah sak ah khoi ung a i phi nami pyen päng ka ning pe gui khai nei” cine pyen ci.

HOSEA 3:2

Cun ah kyasei kei naw ngui phe gha lei hma la htang 150 kilokram cu ani hleih nak vai ka pek ci.

2 SAMUEL 3:14

David naw phi Ishbosheth ah ng’shä tüi ci, “Ka chu Michala cu na na pek ba vai. Kei naw Philistin chang phia ah vun nawn khleih ne ka chu nak nei,” cine pyen ci.

ATÜNNAK 31:41

Kei cu nang ah khaw kum m’ku ka om ci. Na hta hnumi goi ah phäh ah kum gha lei phli, htawme gui shäm ne kum chuk bii ka bik ci. Cun ung phi nang naw ka ng’cheng cu gha vei na na m’thawng pek ci.

ATÜNNAK 29:30

Jakob naw Rachelah cun phi chu nak ci, Leah ah ta m’hni tuba ci. Cun kawn ah ani cu khaw kum chih ung Laban ah bii bi ba ci.

ATÜNNAK 29:20

Jakob cu Rachelah a gah vai ah kum chih ung ng’hlawh ne bik ci. Cun ung phi Rachelah cu m’hni ci kya neta hnüüp api hta ah ngai ci.

ATÜNNAK 24:67

Isaak naw Rebekka cu anu Sarah ah om nak man ah kyong ah luh püi sei, ani cu a chu ah kya lawk ci. Isaak naw Rebekka cu m’hni ciah kya neta, anu ah sih ah a thüi nak ungka huiyang ba ci.

ATÜNNAK 29:19

Laban naw, “A hei am pek tu ak dam ah ta, nang am ning pek cu bä khai nei, kei awn a täng ah om ä” cik ci.

ATÜNNAK 30:26

Nang ah bii bi ne ka hlawh gui ah ka chu gui la ka hta gui, ka hteh püi gui vai ah na pe ä, nang ah bii a i hlawk ah ka bi cu na mät naw na hmat ci nei” cik ci.