ATÜNNAK 28:4 - Cho Bible Common Language 2016

⁴ Khanpughi naw Abraham am a pek ah shin ah na om nak ah khaw cu, na khäm vai ah Abraham am hriham pek ci naw, nang la na htangshon cu hriham pe sä” cine taigü pe ne tüi ci.

ATÜNNAK 28:4 Referans Kwoze

KALATIAN 3:14

Cun ah a mawng cu, chang khui hei gui naw, Abraham am Khanpughi ah shaitaak ah m’shumphyuk nak cu, Bawi Khrit ah ming ung ami gah tu vai ah kyak ci. Cun ah kyasei mikmi cu yum nak awn, Khanpughi ah shaitaak ah Mumcha cu mi gah khai.

ATÜNNAK 12:7

Bawipa cu Abram ah ma ah dang law neta, “Shin ah khaw cu nang ah htangshon am ka pek ah khaw ah kyak ci nei” cik ci. Abram naw Bawipa angdang law nak ah hmun ung khawih kiang co ci.

EPHESIAN 1:3

Mi Bawip a Jesuh Khrit ah Pa Khanpughi cu mi m’kümto khai nei! Mikmi cu Bawi Khrit ung mi kawng ät nak awn, ani naw khankho ah mümcha youshen nak cu nam shumphyuk gui ci.

SAM 39:12

Bawipa, ka taigü na ng’yak pe ä, ka m’lau cu na ngaih pe ä. Ka kyah yah ung law ne na phawk law ä. Ka pupa gui ah mäih ah kei cu a shäng hta lawk ciah khin ah ka kyak ci.

KALATIAN 3:8

Khanpughi naw chang khui hei gui cu ami yum nak awn amät ung düng sak gui khai, ciah cacim naw k’cä ci. Cun ah kyasei cacim naw Thu Ni Abraham am am thein cu, “Khanpughi naw nang ung, chang ah hta avan-am m’shumphyuk nak pek khai,” ciah kyak ci.

SAM 72:17

Ghangpughang ah ming cu a u naw kä m’hnih en sä; Hni a ghin ah chuih aming thang sä. Khanpughi naw ghangpughang hriham a pek mäih ah changpakhui van naw hriham cu ng’zoi u sä.

ATÜNNAK 15:8

Abram naw, “Uk ciah Bawipa, shin ah khaw ka khäm ah mawng cu a i cha ah ka hmat khai ang?” cine ng’shik ci.

ATÜNNAK 27:33

Isaak cu ang htei ah cäicat ne ng’thüng neta, “Sa ngawn ne shong ne na m’bei lawk cicu a u ang? Nang kä na law pha ung tuhbäi hta ng’lung ei yawp ne, hriham ka pe pyi ci nei, cun cu ngawi yä ani ah kaa ah kyak khai nei” cik ci.

ATÜNNAK 37:1

Jakob cu apa ah om nak Kanaan khaw ah om tu lä ci.

PHYAWN NAK 6:4

Ngami awn ka thumkhän phi ka bik ci, Kanaan khaw cu ka pe gui khai ah shai ka tak ci. Cun ah khaw cu akhohei chang ah kya ne ami om nak ah kyak ci.

1 SHONTÄP NAK 29:15

O Bawipa, nang naw na hmat ci, keimi cu kami pupa gui ah mäih ah omktu gui la khin gui ah mäih ah kami ghing om lawk ci. Keimi ah kho hnüüp cu vangkon vük ciah püpüi ah mäih ah kya ne, keimi naw sih nak kä kami phyawn na hlawt ci nei.