ATÜNNAK 28:19 - Cho Bible Common Language 2016

¹⁹ Cun ah hmun cu Bethela ah a ming sui ci (cun ah gawnu ah aming phyim cu Luz ah kyak ci.)

ATÜNNAK 28:19 Referans Kwoze

ATÜNNAK 48:3

Jakob naw Joseph am, “A hlüngtai säih Khanpughi naw Kanaan khaw Luza hmun ung dang neta hrilham ana pek cu,

ATÜNNAK 35:1

Khanpughi naw Jakob am, “Tuhbäi Bethela ah hteit ne na om vai nei. A cu ah kei ah hmawk ah mangkiang na cawh vai nei. Kei cu na phäi Esau nawng shüt ne na dawng yah ung ng’dang lawk ciah Khanpughi ah ka kyak ci nei” cine pyen nak ci.

HOSEA 4:15

“Nangmi Israel chang gui cu kei ung kä nami bekhüt pang ung phi, Judah gui naw cun ah mäih ah cheishoh nak kä bi en u sä. Kikal la Bethaven ung kä khawihnah en u sä. Cun ung ghing ciah Khanpughi ah ming awn shaitak kä bi en vä.

1 GHANGPUGHANG GUI 12:29

Ani naw vantang-ghui gup tumat cu Bethela ung tha ne, a hei tumat cu Dan ung tha ci.

ATÜNNAK 12:8

Cun kawn ah a htumtäng ungka naw, Bethlela mang gaw ah hni law lam khawgui ah ng’plon ba ne, hni kyak lam Bethlela la hni law lam Ai ah ng’lak ung phung tu ne om ci gui. A cun ung khawih kiang co ne Bawipa cu khawihnah ci gui.

ATÜNNAK 28:11

A hteh lam ah khaw mü law khäta, hmun theing tumat ung gawk ne ng’düm ci. Ani cu a cun ung lung ung ng’khum ne ip ci.

ATÜNNAK 31:13

Kei cu Bethela ung nang ma ah ng’dang ciah Khanpughi ah ka kyak ci nei, a cun ung nang naw shüm nak vai ah lung ling ne, oliv-situi awn shawi ne, ap ne, kei ung thukhän na bi nak ah kyak ci nei. Tuhbäi pawng ne ng’düi ne, na ng’tüi nak ah khaw ah hteit ba ä” cine pyen nak ci.

ATÜNNAK 35:6

Jakob la a chang gui cu Kanaan khaw, Luz ah ami pyen ah Bethela ah gawk ci gui.

ATÜNNAK 35:14

Cun ah Khanpughi naw ang thu nak püi ah hmun ung Jakob naw lung k’tung ng’ling neta tui ng’ui la oliv situi awn shawi ci.

ATÜNNAK 35:15

Cun ah hmun cu Bethela ah sui ci.

JOSHUA 8:12

Ani naw gakap phia hmakip la gui neta, mang gaw ah akhei täng Ai la Bethela ah ng’lak, ng’thuh nak ung tha gui ci.

JOSHUA 18:13

Khogii cu cun ungka naw, Luz (Bethela ah ami pyen) ah ahtum täng pem ung hteit ne, Ataroth Addar ung yu kyum ne, neim ciah Beth Haron ah ahtum täng khomhtung ung gawk ci.

1 SAMUEL 7:16

Akum tä sei Bethela, Gilgal la Mizpah gui cu m’hleh ci, cun ah hmun gui ung ng’cuh can nak avan cu dim sak ci.

1 SAMUEL 10:3

Nang cu cun ungka naw na hteit khai, theing ciah sing ghing ah om nak Tabor ah kä na law pha ah chuih, cun ah lam ung, Bethela pigaw ah Khanpughi am khawihnah nak douthak khai ah ana lawk ciah chang thum cu na hmuk khai. Chang tumat naw me nong thum so khai, tumat naw m’htut pum thum kawt khai, tumat naw sapyit tui be ciah ng’ip k’bah khai.

ATÜNNAK 35:7

A cun ung ani naw Khanpughi ah mangkiang co neta Bethela ah sui ba ci. Cun cu ani a phäi ungka a dawng yah ung Khanpughi naw ang dang nak ah kyak ci.

JOSHUA 16:2

Bethela ungka naw Luy ung hteit ne, Archit gui ah om nak ah Ataroth Addar kaan pah ci.

SUKI GUI 20:26

Cun ung Israel chang gui ami van Bethela ah hang kai u ne kyap ci gui. Ngami cu a cu ah Bawipa ah ma ah ngaw u neta mühun güt ung ei kä ei ci gui. Ngami naw hmuhchum douthak nak cu douthak u ne, khawihnah nak along ah m’khih u ne, cun gui avan cu Bawipa ah ma ah bik ci gui.

2 GHANGPUGHANG GUI 2:2

Lam ung ani hteh sang ung Elijah naw Elisha a pyen nak cu, “Shin ung tuhbäi ana om mä; Bawipa naw Bethela ah ka hteh vai ah ng’thu nak bäi ci nei.” Cun ung phi Elisha naw, “Ka bekhüt nak ah ghing ciah Bawipa la nang ah ma ah ng’taam ne ka pyen ci, kei naw kä ka ning hteh tak khai” cik ci. Cun ah kyasei ngami cu Bethela ah hteit ci gui.

2 SHONTÄP NAK 13:19

Abijah naw Jeroboam ah gakap gui k’täm ne gawt gui ne, ami mang gaw gui amshah cu tu ne khäm ci: Cun gui cu, Bethela, Jeshanah, Ephron gui la ami pei yung ah pigaw gui ah kyak ci.