ATÜNNAK 28:18 - Cho Bible Common Language 2016

¹⁸ Jakob cu khawngawi hta ah tho ne, ang khum nak ah lung cu la ne, shüm hmat nak vai ah ng’ling neta, ak chuung ah situi awn yuk shawi ci, cun cu Khanpughi m’tam nak vai ah kyak ci.

ATÜNNAK 28:18 Referans Kwoze

ATÜNNAK 35:14

Cun ah Khanpughi naw ang thu nak püi ah hmun ung Jakob naw lung k’tung ng’ling neta tui ng’ui la oliv situi awn shawi ci.

ATÜNNAK 31:45

Cun ah kyasei Jakob naw lung k’tung k’süm nak vai cu la ne k’süm ci.

ATÜNNAK 35:20

A cun ung Jakob naw lung k’tung ng’ling sei tuh ngawi güt Rachela ah ng’cim hmun ah hmat ci gui.

ATÜNNAK 31:13

Kei cu Bethela ung nang ma ah ng’dang ciah Khanpughi ah ka kyak ci nei, a cun ung nang naw shüm nak vai ah lung ling ne, oliv-situi awn shawi ne, ap ne, kei ung thukhän na bi nak ah kyak ci nei. Tuhbäi pawng ne ng’düi ne, na ng’tüi nak ah khaw ah hteit ba ä” cine pyen nak ci.

ISAIAH 19:19

Cun ah khin a gawk law ung, Egypt khaw ung Bawipa ah sonkiang tumat om khai, Egypt khogii ung ani un gap ah lungktung tumat om khai.

THUSHÄUTU 9:10

Na bi lawh phung cu tha na ne na bi vai nei, a i ah kyasei ci ung, hnünthawh nak, ngaih-tüh nak, hmuhmat nak, cüivai nak gui cu sih nak ah khaw ung kä om ba khai nei — cun cu nang naw na hteh nak ah kyak ci.

SAM 119:60

Kä sho shü ne ang ghit ah na thumkhän läk vai ah ka bik ci nei.

2 SAMUEL 18:18

Amät a ghin yah ung Absalom naw ghangpughang ah khaw nawi ung, amät ah phäh ah lungtung ng’ling ci, a i ah kyasei ci ung ani ung aming m’ghin khai ah a htapa kä om ci. Cun ah kyasei ani naw amät ah ng’ming sui ci, tuh ngawi güt “Absalom ah Lungtung” ah ami hmat ah kyak ci.

1 SAMUEL 7:12

Samuel naw lung la ne, Mizpah la shen ah ng’lak ung k’süm neta, “Bawipa naw lam pum ung na m’htei gui ci nei” ci neta, acun cu “M’htei ciah lung” ngah sui ci.

KHEI NAK 7:1

Moses naw Bawipa ah om nak ah Phung co ne, a pyi hnüüp ung Phung la acun ung khawhcham avan, sonkiang la acun ung khawhcham avan cu ani naw phyuhtheh ne ap ci.

ATÜNNAK 22:3

A ngawi ung khawngawi hta ah Abraham cu, m’khih nak vai sing pawngpüi ne, ng’se pawng püi neta, Isaak la changshäm hnih khü ne, Khanpughi naw a pyen ah khaw ah hteit ci gui.

ATÜNNAK 28:11

A hteh lam ah khaw mü law khäta, hmun theing tumat ung gawk ne ng’düm ci. Ani cu a cun ung lung ung ng’khum ne ip ci.

JOSHUA 4:9

Joshua naw phi lung gha lei goi cu Jordan ah tuinu ah anglung ung ng’ling ci. Cun cu Thukhän M’küm kawt neta taigü gui naw ami düih nak ah hmun ah kyak ci. (Cun ah lung gui cu atuhgüt acun ung om ci.)

ATÜNNAK 21:14

A ngawi ung khawngawi hta Abraham naw, Hakarah am m’htut la tui um pe ne, a hta cu mäm sak neta, a hei ah hteh sak ci. Ani cu ng’düi law ne hteit ne, Beerasheba bung ah hteit shüi shüi ci.