ATÜNNAK 28:16 - Cho Bible Common Language 2016

¹⁶ Jakob cu tho law ba neta, “Akcang ah Bawipa cu shin ah hmun ung om ci — cun ung phi kei naw kä ka hmat ci” cik ci.

ATÜNNAK 28:16 Referans Kwoze

JOSHUA 5:15

Bawipa ah gakap bawi naw pyen nak ci, “Na phahnak suut ä, nang cu atheingcim hmun ung na ng’düi ci nei.” Ani naw a pyen ah mäih ah Joshua naw bik ci.

PHYAWN NAK 15:11

Bawipa, khanpughi gui ah ng’lung ah nang ah mäih om ne ang? Cäicat vai ah theingciim ci nang ah mäih om ne ang? Nang ah mäih ah cäi aih vai bi ne m’gäi ne hnüntho ci om ne ang?

PHYAWN NAK 3:5

Khanpughi naw, “Kä ang nawn nen law ä, Na phahnak suut ä, nang cu khaw hmun theing ung na ng’düi ci nei.

JOB 33:14

Cun ung phi Khanpughi cu leng ba ba ne ng’thu sei phi a u naw ka ngai phung ci nei.

JOB 9:11

Khanpughi cu ka pei ah hteit sei kei naw kä ka hmu hlawt ci.

ISAIAH 8:13

Nami shüm vai, kei, m’gäi ciah Bawipa cu, ka theingciim ci; Nangmi naw nami kyih vai cu kei tumat bang nei.

SAM 68:35

Israel ah Khanpughi, a theingcim nak ung ka lawk cicu kyih aa vai kyak ci nei! Ani naw akchang gui am thagui la huham pe gui Khanpughi kam taam ci nei.

PHYAWN NAK 3:4

Bawipa naw Moses ang et law cu hmu neta, Pluup ah ng’lung ah om ne khü ci, “Moses! Moses!” Moses naw, “äi, shi ah ka om ci nei” cik ci.

JOSHUA 5:13

Joshua cu Jerikho pei ah a om yah ung Khimsem kawt ne amät täng ah ng’düi ciah chang cu ang ghit ah hmuk ci. Joshua naw ama ah hteit neta ang shi cu, “Nang cu kei ah gakap ang, keimi ah ga ang?”

1 GHANGPUGHANG GUI 3:15

Solomon cu ng’shüm law neta Khanpughi naw ang mang ung ng’htau püi ciah hmat ci. Cun kawn ah ani cu Jerusalem ah hteit ne, Bawipa ah Thukhän M’küm ah ma ah ng’düi neta, m’khih ne douthak nak la khawtsheng douthak nak cu Bawipa am douthak ci. Cun kawn ah ani naw a yungbawi gui avan cu tumbei gui ci.

SAM 139:7

Nang ungka phyawn nak vai ah kei a hawi ka hteit hlawt khai aw? Nang ah na ma ungka a hawi ka dawng hlawt khai aw?

JEREMIAH 31:26

Cun ah kyasei chang gui naw pyen khai gui, ‘Kei cu ip neta, tho ne ka ng’htei cha ci!

KHEI NAK 12:6

Cun kawn ah Bawipa naw pyen ci, “Ka pyen cu ng’ya ni ä, Nami ng’lung ah prophet gui a om yah ung ami muimang ung kei naw ka mät cu ng’dang sak ne, ami mang ung ka ng’thu püi gui ci.