ATÜNNAK 28:15 - Cho Bible Common Language 2016

¹⁵ Na shüm vai, kei naw na hteh nak päng ah ning om püi ne ka ning m’htei khai, shin ah khaw ung ka ning law püi ba khai. Ka shaitak kä a khüm pha ah chuih kä ka ning hteh tak khai” ciah kyak ci.

ATÜNNAK 28:15 Referans Kwoze

JOSHUA 1:5

Joshua, nang na ghin ah chuih a u naw kä ning m’di hlawt khai nei. Kei naw Moses ka om püi ah mäih ah ka ning om püi khai nei. Kei naw angtäi sei ka ning om püi khai, kei naw kä ka ning nawng phung khai.

ISAIAH 41:10

Kä kyikawk vä kei naw ka ning om püi gui ci nei! Kei cu nami na khanpughi nei — a i naw kä ning m’kyih sak gui khai nei! Kei naw ka ning khüi ghat sak gui khai, ka ning m’htei gui khai; kei naw ka ning shungvong gui khai, ka ning hun gui khai.

THULÄÄN NAK 31:6

Nami m’hnüt bäi vai, nami ngaih gep vai, kä namikyih en gui vai. Nami Khanpughi Bawipa amät cu nangmi awn a täng ah om khai. Ani naw kä ning shum sak gui khai. Kä ning nawng gui khai.”

ATÜNNAK 26:24

A cu mü Bawipa naw ng’dang law neta, kei cu napa Abraham ah Khanpughi ah ka kyak ci nei. Kä na kyih vai, kei naw ka ning om püi ci. Ka chang Abraham ung ka shaitak ah mäih ah hriham ka ning pek khai. Chang chün ah ka ning pungpiah sak khai.

ATÜNNAK 31:3

Cun kawn ah Bawipa naw ani am, “Na pupa na khui khaw ah na hteh ba vai nei, kei naw ka ning om püi khai nei” cine pyen nak ci.

ATÜNNAK 26:3

A shin ung na om vai, kei naw ka ning om püi khai, hriham ka ning pek khai. Nang la na htangshon am shin ah khaw avan ka ning pek khai. Na pa Abraham ung ka bi ah shaitak cu ka kümbe sak khai.

MATTHE 24:35

Khankho la khomdek a maih ung phi kei ah thu cu kä maih khai nei.

MATTHE 18:20

A i ah kyasei ci ung chang hnih thum hta phi kei ah ming awn ami bum ah a kyak ung ngami awn a täng ah kei cu ka om ci,” ci ne m’cäi gui ci.

ISAIAH 43:2

Thuuk ciah tui nami kan yah ung kei naw ka ning om püi gui khai nei; Nami khüi kha nak naw kä ning küm gui khai nei. Nangmi cu meikdäi kawt ne nami hteh yah ung mei naw kä ning ui gui khai nei.

1 GHANGPUGHANG GUI 8:57

Bawipa mi Khanpughi naw ami pupa gui a om püi gui ah mäih ah mikmi phi na om püi gui sä; ani naw kä na hteh ta en gui sä, kä na nawng en gui sä;

SAM 46:7

M’gäi ciah Bawipa cu mikmi awn atäng ah om ci; Jakob ah Khanpughi cu mi ng’zi nak ah kyak ci.

MATTHE 28:20

Kei naw nangmi-am ka ning peit gui ah thukhän phung cu ami läk vai ah, m’theithang gui vä. Kei naw kho a khüt güt ung nangmi cu angtäi ah ka ning om püi gui khai nei,” cine m’cäi gui ci.

1 TIMOTHI 4:8

Pumsa lam ung thei nak cu bä kung ci, cun ung phi mümcha lam ung thei nak cu, a mawng avan ung, tuhbäi la ngawi yä ghin nak vai ah bä pi bäih ci.

KHEI NAK 23:19

Khanpughi cu hleei ciah chang ah mäih ah kä kyak ci; Ani cu am lung ngaih m’thawng ciah chang ah mäih ah kä kyak ci. A shaitak phung cu ani naw bik ci. Ang thu ah mäih ah ani naw bik ci.

ATÜNNAK 48:21

Cun kawn ah Jakob naw Joseph am, “Na hmuh ah mäih ah kei cu ka si law vai ci, cun ung phi Khanpughi naw ning m’htei gui ne nami pupa gui ah khaw ah ning hteh püi ba gui khai nei.

ISAIAH 8:10

Bi vai ah mawngma nami pyan vai! Cun ung phi cun gui cu kä näng hlawt khai. Nami m’hni chü ah nami ng’htau vai! Cun ung phi cun gui avan cu akholä ah kyak ci, a I ah kyasei ci ung khanpughi cu mikmi awn atäng ah om ci.

ISAIAH 7:14

Bä khai, Bawipa amät naw m’hnüt nak ning pek khai: hmumihta cu käu mah ne pamihta ah hta lawk khai, aming cu ‘Immanuel’ ah sui khai gui.

SUKI GUI 6:16

Bawipa naw, “Nang naw na bi hning khai, a i ah kyasei ci ung kei naw ka ning m’htei khai. Nang naw Midianit gui am chang tumat bi ah mäih ah na hnimdep gui khai.”

JUDE 1:1

Jesuh Khrit ah changshäm, James ah nau Jude naw, Khanpughi naw a khü gui, Pa Khanpughi ah m’hni nak ung om ci gui, Bawipa Jesuh Khrit ah ngäng bom gui ah chang gui am ca ka ning guk law gui ci nei.

SAM 46:11

M’gäi ciah Bawipa cu mikmi awn atäng om ci; Jakob ah Khanpughi cu mi ng’yii nak ah kyak ci.

ATÜNNAK 39:21

Cun ung phi Bawipa naw Joseph cu om püi ne hriham pek ci, thawng bawi naw phi yei nak ci.

ATÜNNAK 39:2

Joseph cu Bawipa naw m’htei ne m’khüt näng nak pek ci. Ani cu Egypt chang a bawi ah im ah om ci.

PHYAWN NAK 3:12

Khanpughi naw, “Kei cu nang awn a täng ah ka om khai, nang naw ka chang gui Egypt khaw ah kaa na law püi ba gui ung, shin ah m’htung ung na na khawihnah khai. Cun cu kei naw ka ning tüih ah mawng ang dang nak ah kyak khai.”

ATÜNNAK 48:16

Khüikha nak avan ung na gung ciah khankho chang naw hrilham k’be goi sä. Kei ah ming la kapa Abraham la kapa Isaak ah ming cu shin goi awn ghing ne om sä! Ani htapa k’pyiing ne ani pakhui k’phiaa sä.

ATÜNNAK 32:9

Cun kawn ah Jakob ah taigü cu, “Ka pughi Abraham ah Khanpughi, kapa Isaak ah Khanpughi, ka taigü cu na ngai pe ä! Nang Bawipa naw ka khaw, ka chang gui ah ka hteh ba vai ah na pyen ci. A päng ung na näng vai ah ka ning m’htei khai nei, na cik ci.

ATÜNNAK 46:4

Kei naw Egypt khaw ah ka ning khah püi khai nei. Kei naw na hta ng’shon gui cu shin ah khaw ung ka law püi ba gui khai nei. Joseph naw nang cu na sih güt ning om püi khai nei” cik ci.

ATÜNNAK 21:20

A hmaw cu Khanpughi naw m’htei sei, Param bung ah om ne, däm ng’vai law ne, li kaap k’ni ah kya lawk ci.

ATÜNNAK 31:5

Ani naw ngami am, “Nami pa naw ayan kaa ah mäih ah kä a na m’hni ba cu ka hmat pyi ci, Cun ung phi kapa Khanpughi naw na om püi ci nei.

ATÜNNAK 31:13

Kei cu Bethela ung nang ma ah ng’dang ciah Khanpughi ah ka kyak ci nei, a cun ung nang naw shüm nak vai ah lung ling ne, oliv-situi awn shawi ne, ap ne, kei ung thukhän na bi nak ah kyak ci nei. Tuhbäi pawng ne ng’düi ne, na ng’tüi nak ah khaw ah hteit ba ä” cine pyen nak ci.

ATÜNNAK 35:3

Mikmi cu shin ah khaw nawng ne Bethela ah mi hteit khai nei. A cu ah ka geinvai yah ung na m’htei ne hteh nak päng ah na khah püi ciah Khanpughi ah khawih kiang ka co khai nei” cik ci.

PHYAWN NAK 13:11

Bawipa naw Kanaanit gui ah khaw ah ning hteh püi gui khai. Cun cu ani naw nang la na pupa gui ung aktung ah a shai tak ah kyak ci. Cun cu a ning pek law gui ung,

KHEI NAK 6:24

Bawipa naw hrilham ning pe gui sä, ning m’hteihtang gui sä.

THULÄÄN NAK 7:9

Bawipa nami Khanpughi cu atumat bäng Khanpughi la bekhüt ci, cicu nami shüm ba vai. Ani naw thukhän cu k’pang khai. Ani m’hni ne ang thumkhän läk ciah chang gui ah khan ah ani naw ng’shon phia khak ung am hni nak cu m’dang khai.

THULÄÄN NAK 30:3

Bawipa nami Khanpughi naw ning chimgein gui khai. Ani naw a ning püipyang sak nak gui ah chang gui ah khaw ungka naw ning law püi ba gui khai. Cun kawn ah ning bühmang sak ba gui khai.

THULÄÄN NAK 31:8

Bawipa amät naw ning chuiso khai. Ning om püi khai. Ani naw kä ning shum sak khai.”

ATÜNNAK 30:25

Joseph ang tüi kawn ah Jakob naw Laban am, “Ka im ah ka hteh ba vai ah na tüi ba ä.

TAIGÜTHUM 26:42

kei naw Jakob ni, Isaak ni, Abraham ni ung thukhän ka bi cu ka shüm ba khai. Khonglei ka pek gui vai ah ka shaitak cu kei naw ka m’thai ba khai.

TAIGÜTHUM 26:45

Ami pupa gui ung thukhän ka bi cu kei naw ka m’thai ba khai, cun cu Egypt khaw ah ka, ka chang gui law püi ba gui ne, pakhui avan am ka huham ka m’dang nak ah kyak ci. Cun ah kyasei, Kei, Bawipa cu ami Khanpughi ah ka kyak ci.

SAM 91:11

Khanpughi naw nang ning ngäng khai, na hteh nak päng ah ning m’htei khai ah a khanchang cu yuk chah lawk khai.

JEREMIAH 16:15

Acun nak vaisü ung Israel chang gui cu a siiptäng khaw la kei naw ka püi pyang sak nak gui ah akhopäng hei gui ung ka ka law püi ba gui ciah ghing ciah khanpughi ah ka kyak nak ung guntaan khai gui nei. Kei naw ami pupa gui am ka pek gui ah ami mät ah khaw ung kei naw ka hteh püi ba gui khai. Kei, Bawipa naw ka pyen ci nei.