ATÜNNAK 28:13 - Cho Bible Common Language 2016

¹³ Bawipa cu a pei ah ng’düi neta, “Kei cu Bawipa, Abraham la Isaak ah Khanpughi nei, Nang la na htangshon am tuhbäi na ng’yän nak ah khaw cu ka ning pek khai nei.

ATÜNNAK 28:13 Referans Kwoze

ATÜNNAK 13:15

Na hmuh bäät ah khaw avan cu nang la na htangshon am ka ning ap khai nei. Cun cu khawnglän ung na khaw ah kyak khai nei.

ATÜNNAK 48:3

Jakob naw Joseph am, “A hlüngtai säih Khanpughi naw Kanaan khaw Luza hmun ung dang neta hrilham ana pek cu,

ATÜNNAK 35:12

Kei naw Abraham la Isaak am ka pek ah khaw cu nang am ka ning pek khai nei, cun cu na htangshon am phi ka pek khai nei” cine pyen nak ci.

ATÜNNAK 26:24

A cu mü Bawipa naw ng’dang law neta, kei cu napa Abraham ah Khanpughi ah ka kyak ci nei. Kä na kyih vai, kei naw ka ning om püi ci. Ka chang Abraham ung ka shaitak ah mäih ah hriham ka ning pek khai. Chang chün ah ka ning pungpiah sak khai.

ATÜNNAK 12:7

Bawipa cu Abram ah ma ah dang law neta, “Shin ah khaw cu nang ah htangshon am ka pek ah khaw ah kyak ci nei” cik ci. Abram naw Bawipa angdang law nak ah hmun ung khawih kiang co ci.

ATÜNNAK 35:1

Khanpughi naw Jakob am, “Tuhbäi Bethela ah hteit ne na om vai nei. A cu ah kei ah hmawk ah mangkiang na cawh vai nei. Kei cu na phäi Esau nawng shüt ne na dawng yah ung ng’dang lawk ciah Khanpughi ah ka kyak ci nei” cine pyen nak ci.

HEBRU 11:16

Cun ung phi ngami cu cun ak kho ah tah bä pi ciah khankho ghui kho cu ngaih u ci gui ah kyak ci. Cun ah kyasei Khanpughi cu ami Khanpughi ah ami khü ah hmawk ah Khanpughi cu kä lü ng’aa ci, a i ah kyasei ci ung Ani naw ngami ah hmawk ah mang gaw cu a sak pyii ah kyak ci nei.

PHYAWN NAK 3:6

Kei cu na pupa gui ah na Khanpughi, Abraham, Isaak la Jakob ni ah na Khanpughi nei” cik ci. Moses cu Khanpughi a hmuh vai ah kyi neta a hmai k’bawm ci.

MATTHE 22:32

Khanpughi naw, ‘Kei cu Abraham ah Khanpughi, Issak ah Khanpughi, Jakob ah Khanpughi ah ka kyak ci nei. Ani cu aksi gui ah Khanpughi ah kä kyak ci, ghing ci gui ah Khanpughi ah kyak ci,” cine m’thein gui ci.

ATÜNNAK 46:3

Ani naw, “Kei Khanpughi, napa ah Khanpughi nei, Egypt khaw ah na hteh vai ah kä na kyih en vai nei. Cun ah khaw ah na hta ng’shon gui cu pakhui dämduh ah ka pyang khai nei.

ATÜNNAK 35:17

Tä sei am neh yah ung m’hta tuk ci naw, “Rachela aw, kä na ng’ä vai nei, na hta cu pami ah kyak ci nei” cik ci.

ATÜNNAK 32:9

Cun kawn ah Jakob ah taigü cu, “Ka pughi Abraham ah Khanpughi, kapa Isaak ah Khanpughi, ka taigü cu na ngai pe ä! Nang Bawipa naw ka khaw, ka chang gui ah ka hteh ba vai ah na pyen ci. A päng ung na näng vai ah ka ning m’htei khai nei, na cik ci.

ATÜNNAK 31:42

Kapa ah Khanpughi, Abraham la Isaak ah Khanpughi naw, kei kä a na om püi vai sü ung nang naw kei cu ka k’plui ah na na gawt ba khai süte nei. Khanpughi naw ka bilawh la ka yaica cu hmuh neta, zanmü nang cu a ning k’dee ah kyak ci nei.

ATÜNNAK 28:4

Khanpughi naw Abraham am a pek ah shin ah na om nak ah khaw cu, na khäm vai ah Abraham am hriham pek ci naw, nang la na htangshon cu hriham pe sä” cine taigü pe ne tüi ci.

ATÜNNAK 26:3

A shin ung na om vai, kei naw ka ning om püi khai, hriham ka ning pek khai. Nang la na htangshon am shin ah khaw avan ka ning pek khai. Na pa Abraham ung ka bi ah shaitak cu ka kümbe sak khai.

ATÜNNAK 15:1

Cun kawn ah ang muimang ung Bawipa naw ng’thu püi sei Abram naw a hmuh ng’yak cu, “Abram, kä na kyih vai, kei naw nang cu ka ning shungvong khai, m’cümhnah aktung ka ning pek khai” ciah kyak ci.

LAMKTU 7:5

Cun yah ung Khanpughi naw cun ah khaw ung Abraham am khawh a i phi kä pek ci, khomdek dawng veing hta phi kä pek ci. Cun ung phi cun ah khaw cu, amät am phi bäi, a hta nau gui am phi bäi avan ka ning ap khai ciah shai tak ci. Cun yah ung Abraham ung a hta kä om phak ci.

SAM 105:11

Ani naw, “Kei naw Kanaan kho cu ka ning pek khai, cun cu na kho ah kyak khai” cik ci.

ATÜNNAK 35:15

Cun ah hmun cu Bethela ah sui ci.

ATÜNNAK 13:17

Tuhbäi hteit ne khaw hmun avan na teng vai. Shin ah khaw avan cu tuhbäi ka ning pe lawk khai nei” cine pyen ci.

ATÜNNAK 15:18

Cun kawn ah Bawipa naw Abram ung thukhän bik ci. Ani naw, “Kei naw shai ka taak cu, shin ah khaw avan na htangshon gui am ka pe gui khai, cun cu Egypt khawgii ungka naw Euphratis tuinu ung khüt khai;

ATÜNNAK 31:5

Ani naw ngami am, “Nami pa naw ayan kaa ah mäih ah kä a na m’hni ba cu ka hmat pyi ci, Cun ung phi kapa Khanpughi naw na om püi ci nei.

ATÜNNAK 31:13

Kei cu Bethela ung nang ma ah ng’dang ciah Khanpughi ah ka kyak ci nei, a cun ung nang naw shüm nak vai ah lung ling ne, oliv-situi awn shawi ne, ap ne, kei ung thukhän na bi nak ah kyak ci nei. Tuhbäi pawng ne ng’düi ne, na ng’tüi nak ah khaw ah hteit ba ä” cine pyen nak ci.

ATÜNNAK 31:53

Abraham ah Khanpughi la Nahor ah Khanpughi cu ni ng’lak ung om khai nei” cik ci. Apa Isaak ah khawihnah ah Khanpughi ah ming ung Jakob naw akyäp nep ah thukhän cu bik ci.

PHYAWN NAK 2:24

Khanpughi naw ami ng’hlou ei cu ng’ya neta, Abraham, Isaak la Jakob ung ang thukhän cu shüm ba ci.

PHYAWN NAK 4:5

Bawipa naw, “A shicha ah Israel chang gui ah ma ah na bi ung, Bawipa, ami pupa gui ah Khanpughi, Abraham, Isaak la Jakob ni ah Khanpughi cu, nang ah ma ah dang ciah yum khai gui nei” cik ci.

PHYAWN NAK 6:4

Ngami awn ka thumkhän phi ka bik ci, Kanaan khaw cu ka pe gui khai ah shai ka tak ci. Cun ah khaw cu akhohei chang ah kya ne ami om nak ah kyak ci.

THULÄÄN NAK 1:8

Shin ah khaw avan cu kei Bawipa naw nami pupa gui Abraham, Issak, Jakob la ami htangshon gui am ka pek ka shaitak ah kyak ci. Hteit ne khäm vä.”

THULÄÄN NAK 9:5

Nangmi nami ni la nami hman ah phäh ah ami khaw cu a ning lak sak gui ah kä kyak ci, ani naw aktäm gui cu ami shetkat ah phäh la nami pupa gui, Abraham, Issak, la Jakob ni ung ashaitak ak pan nak ah kyak ci.

THULÄÄN NAK 34:4

Cun kawn ah Bawipa naw Moses a pyen nak cu, “Shin cu kei naw, Abraham ni, Issak ni, Jakob niam, ami htangshon gui am ka pek gui vai ah, shai ka tak ah khaw ah kyak ci nei. Keinaw ka ning hmuh sak khai, cun ung phi cun ah khaw ung kä ka ning hteh sak khai.”

AMOS 7:7

Bawipa ungka kei naw ahei ka hmu bamä ci. Ani cu paang ah pei ah ng’düi sei ka hmuk ci. Cun ah paang cu nüt gui awn nüt he ami cawh ah kyak ci. Cun ah nüt nak gui cu ani ah kut ung om ci.

ATÜNNAK 32:10

Na m’hni nak la na bekhüt nak cu kei changshäm awn kä khinkha ci nei. Cau kei naw Jordan tuinu cu ng’shopawng bäng awn ka kat lawk ci nei, cun ung phi tuhbäi chang bum hnih kami law lawk ci.

PHYAWN NAK 6:7

Nangmi cu ka mät ah chang ah ka ning pyang gui khai, kei cu nangmi ah Khanpughi ah ka kyak khai. Egypt khaw, khleihtein ungka ka ning m’hlawt gui kawn ah, kei cu Bawipa, nami na Khanpughi ah nami hmat khai nei.

1 SHONTÄP NAK 16:16

Abraham ung abi ah thukhän, Isaak ung abi ah shaitak cu kä nami m’hnih phung vai nei, cun cu kä ng’pyi hlawt khai.

1 SHONTÄP NAK 16:18

Kei naw Kaanan khaw cu ka ning pe gui khai, cun cu nami mät ah kaa ah kyak khai” cine pyen ci.

EZEKIEL 28:25

Uktu Bawipa naw pyen ci, “Israel chang gui cu kei naw ka püipiang sak nak gui ah changpakhui ungka kei naw ka law püi ba gui khai, cun ung changpakhui avan naw kei cu ka theingcim ciah hmat khai. Israel chang gui cu ami mät ah khaw ung om khai gui, cun ah khaw cu kei naw ka changshäm Jakob am ka pek ah kyak ci.