ATÜNNAK 28:10 - Cho Bible Common Language 2016

¹⁰ Jakob cu Beersheba ungka pawng ne, Haran khaw ah hteit ci.

ATÜNNAK 28:10 Referans Kwoze

LAMKTU 7:2

Stephen naw, “Phäi nau gui lah Pa ng’vai gui aw, nang ngai vä, mi pughi Abraham cu Haran khaw ah hteit ne kä a om pha ung Mesopotamia ah a om yah ung hlüng tai ciah Khanpughi cu ng’dang netah,”

ATÜNNAK 32:10

Na m’hni nak la na bekhüt nak cu kei changshäm awn kä khinkha ci nei. Cau kei naw Jordan tuinu cu ng’shopawng bäng awn ka kat lawk ci nei, cun ung phi tuhbäi chang bum hnih kami law lawk ci.

ATÜNNAK 11:31

Terah naw a hta Abram ni, Haran ah hta atu Lota ni, A hta Abram ah chu Sarai ni cu hteh püi gui ci. Ngami cu Babilonia khaw, Ura gawnu nawng shüt u ne, Kanaan khaw ah hteit ci gui. Ngami cu Haran ah gawk ne aca om ci gui.

HOSEA 12:12

Mi pupa Jakob cu Mesopotamia ah dawng nea chumah vai ah phäh ah chang tumat ah bii bi tu ne, ani ah htome cu shäm ci.

LAMKTU 25:13

Cun kawn ah shou hta khä tah Akrippa ghangpughang la ak chu Bernice cu gawmang Festus hmuh ne dou khai goi ah Sisaria ah gawk lawk ci goi.

ATÜNNAK 12:4

Abram cu a khawkum 75 law khätah Bawipa naw amcäi ah mäih ah Haran khaw nawng shüt ne hteit ci, Lotah phi hteit tuk ci.

ATÜNNAK 12:5

Abram cu akchu Sarai la atu Lotah ni, a changshäm gui ni, a khawh cham gui ni pawng püi ne, Haran khaw ungka naw Kanaan khaw ah hteit ci. Ngami cu Kanaan khaw ah gawk u neta,

ATÜNNAK 26:23

Isaak cu cun ungka naw Beersheba ah ng’plon ba ci.

ATÜNNAK 27:43

Ka hta aw, ka pyen ah om ä. Ka be Laban ah om nak Haran gawnu ah ang ghit ah na hteh vai nei.

ATÜNNAK 29:4

Jakob naw htawshäm gui am, “Teihpüi gui aw, nangmi hawi ka gui ang?” cine ng’shi gui ci. Ngami naw, “Keimi Haron ah ka nei” cik ci gui.

ATÜNNAK 46:1

Jakob cu a khawh gui m’khäp sen neta, Beerasheba ah hteit ne apa Isaak ah Khanpughi cu khawihnah ci.

PHYAWN NAK 33:1

Bawipa naw Moses am, “Nang la Egypt khaw ah ka na law püi ah chang gui naw shin ah hmun cu hteh ta vä, Abraham, Issak, Jakob la ami hta ng’shon gui am kei naw ka shaitak ah khaw ah hteit vä.

ATÜNNAK 35:1

Khanpughi naw Jakob am, “Tuhbäi Bethela ah hteit ne na om vai nei. A cu ah kei ah hmawk ah mangkiang na cawh vai nei. Kei cu na phäi Esau nawng shüt ne na dawng yah ung ng’dang lawk ciah Khanpughi ah ka kyak ci nei” cine pyen nak ci.

ATÜNNAK 35:7

A cun ung ani naw Khanpughi ah mangkiang co neta Bethela ah sui ba ci. Cun cu ani a phäi ungka a dawng yah ung Khanpughi naw ang dang nak ah kyak ci.