ATÜNNAK 27:4 - Cho Bible Common Language 2016

⁴ ka m’hni man ah akni ah shong ne na thak law ä. Cun ka ei kawn ah kä ka sih pha ung akbä pi ah hriham cu nang am ka ning pek khai nei” cik ci.

ATÜNNAK 27:4 Referans Kwoze

HEBRU 11:20

Issak naw Jakob la Isau-am ngawi ah kaa vai m’shumphyuk nak shaitaak a peit goi cu yum nak ah kyak ci.

ATÜNNAK 48:9

Joseph naw, “Shin cu kei ah hta goi, Egypt khaw ah Khanpughi naw ana pek nei” cik ci. Jakob naw, “Law püi goi ä, hrilham ka pe goi khai nei” cik ci.

ATÜNNAK 49:28

Shin gui cu Israel pakhui gha lei goi ah kyak ci. Shin cu ami pa naw a hta gui tumat ci ung ng’müi khai ah ng’thu pyen ne am cäi nak gui ah kyak ci.

ATÜNNAK 27:25

Isaak naw, “Sa meh cu law püi ä, ei ka ei kawn ah hriham ka ning pek khai nei” cik ci. Jakob naw meh cu pe sei ei ci, sapyit tui phi pe sei awk ci.

LUKA 24:51

Cun ah hrilham a peit gui yah ung, Bawipa Jesuh cu ang düihpüi gui ah ma ungka pawng ne, khankho ah kai ba ci.

LUKA 2:34

Simeon naw hrilham pe gui netah, Nu Mari-am a pyein nak cu; Israel chang da gui ami didap vai la hun nak ami gah vai ah hmawk ah shin ah ak hmawhta cu Khanpughi naw a ghü pyi nei. Ani cu Khanpughi m’hnüt nak ah kya ne, chang gui naw hnu ng’tuk püi ne ami ng’thu nak awn, ami mät ah m’lung kyong cu dang sak khai gui nei.

JOSHUA 22:6

Joshua naw hriham pe gui ne ami im ah tüi ba gui neta, shin ah m’cäi gui ci, “Nangmi cu ang htei ah bühmang ne, nami im ah nami hteit ba ci, vuhchah akda, ngui, ghui, kyei, m’sii la suisak akda nami hteh püi ci. Nami ga gui ah kaa nami lak gui cu nami pakhui chang paw gui am nami pai tu gui vai” ciah kyak ci. Cun kawn ah ngami cu ami im ah hteit ba ci gui. Moses naw Jordan a kyangtäng khaw cu Manasseh pakhui ateih am pe gui ci. Cun ung phi a hei ateih am Joshua naw Jordan akhei täng khaw cu a hei pakhui gui awn ngtäi khai ah pe gui ci.

JOSHUA 14:13

Joshua naw Jephunneh ah hta Kaleb cu hriham pe neta, Hebron mang gaw cu a kaa nak vai ah pek ci.

ATÜNNAK 27:7

“Sa ngawn neta shong ne na na m’bei law vai, cun ka ei kawn ah kä ka sih pha ung, Bawipa ah ma ah hriham akbä pi ka ning pek khai” cik ci.

ATÜNNAK 28:3

Hlüngtai ciah Khanpughi naw, na chu na hta vai hriham ning pe sei, chang pakhui akda ah pa ah na kyak khai.

ATÜNNAK 27:31

Ani naw phi akni ah ei vai shong neta apa ah law püi ci. Ani naw, “Pa aw, tho law ne, ka ning thak law ah sa meh cu ei ä. Cun kawn ah hriham cu na pe ä” cik ci.

ATÜNNAK 27:27

Jakob naw law ne ng’ui khäta, a hta ah sui cu m’hnam neta, hriham cu pek ci. Ani naw, “Ka hta ah ng’ui cu Bawipa naw hriham a pek ah laima ah ng’ui ah mäih ah kyak ci nei.

ATÜNNAK 27:23

Akut cu Esau ah kut ah mäih ah mu khäta apa naw Jakob ah kä hmat kheng ne hriham pe law vai neta,

ATÜNNAK 24:60

Rebekka cu anu pa gui naw shin ah ng’thu awn hriham pak ci gui: “Kami be aw, nang cu chang pilum ah Nu ah kya ä! Na htangshon gui naw ami ga gui ah mang gaw gui näng u sä!”

ATÜNNAK 14:19

Ani naw Abram cu hriham pe neta, “Khankho la khomdek tüi pyang ciah A hlüngtai Pikbäih Khanpughi naw, Abram cu hriham pe sä!

ATÜNNAK 27:5

Cun ah Isaak naw Esau ang thu püi cu Rebekka naw ng’ya neta, Esau naw sa yüh ne ngawn ne law püi khai ah a hteh yah ung,

ATÜNNAK 27:9

Ng’vong kyong ah hteit ne me akplan, azüt hnih na law püi vai. Napa naw a m’hni pi man ah, kei naw akni pi ah ka shong khai.

ATÜNNAK 27:14

Ani naw hteit ne me hnih law püi sei, anu naw apa ah m’hni pi vai ah shong ci.

ATÜNNAK 27:17

Cun kawn ah hlim khai ah a shon ah meh antui la m’htut cu Jakob am pek ci.

ATÜNNAK 27:19

Jakob naw, “Kei cu na hta angvai pi Esau nei, na na m’cäi ah mäih ah ka bi pyi ci nei. Tho law ne ka law püi ah sa meh cu ei neta, hriham phi na pe ä” cik ci.