ATÜNNAK 27:35 - Cho Bible Common Language 2016

³⁵ Isaak naw, “Na nau cu thuvi ne, law ne na m’hleei ne, nang ah hriham cu hteh püi pyi ci nei” cik ci.

ATÜNNAK 27:35 Referans Kwoze

1 THESSALONIAN 4:6

Shin ah mawng ung khritha gui nami mät kä nami cheishoh-en vai, kä nami ei-hlü mang-k’phya vai. Acun ah mäih ah om ciah chang cu Bawipa naw m’kat khai nei, ciah khän ne ka ning m’thein gui ci nei.

2 KORIN 4:7

Cung ung phi Mumcha khawh mi m’küm ciah mikmi cu, m’dek am düt ah mäih mi lawk ci kyasei, mikmi ung uknak ah hlüngtai nak kä om ci, Khanpughi bäng ung vah om ci.

MALAKHI 2:10

Mikmi mi van cu mi pa täng ciah kä kya ne ang? Mi van Khanpughi a mät naw na tüi gui ciah kä kya ne ang? A i ah kyasei tumat la tumat mi shaitak mi m’shet ang? A i ah kyasei mi pupa gui am Khanpughi naw shai a tak mi päipih ang?

2 GHANGPUGHANG GUI 10:19

Baala prophet avan, Baala khawihnah ci gui avan, a taigü gui avan, cu a täng ah khü gui vä, a u phi kä k’pawih en sä; kei naw Baala am dämduh ciah douthak nak ka bik khai nei, cun ung kä law tuk cicu ngawn vai nei” cik ci. (Shin cu Jehu naw Baala khawihnah ci gui avan a ngawn gui vai ah phäh ah a theileh ah kyak ci.)

JOB 13:7

A i ah kyasei na hleei ang? Na hleei hlak gui naw Khanpughi yei sak khai ah na gai ne ma?

ATÜNNAK 27:33

Isaak cu ang htei ah cäicat ne ng’thüng neta, “Sa ngawn ne shong ne na m’bei lawk cicu a u ang? Nang kä na law pha ung tuhbäi hta ng’lung ei yawp ne, hriham ka pe pyi ci nei, cun cu ngawi yä ani ah kaa ah kyak khai nei” cik ci.

JEREMIAH 9:4

Chang päng naw a teihpüi cu ngaih nak khai, a u naw phi a phäi nau kä ngaih gep khai; phäi nau päng cu Jakob ah mäih ah hleei hlak ne, chang päng naw a tein püi ah a hmai m’shet ci.

ATÜNNAK 29:25

A ngawi ung khawngawi hta ah kya khäta ani cu Leah ah kyak ciah Jakob naw hmat ci. Ani cu Laban ah hteit neta, “A i hawkcha ah na bi ang? Kei cu Rachelah vah ka hlawh ci, a i ah kyasei na na m’hleei ang?” cik ci.