ATÜNNAK 27:33 - Cho Bible Common Language 2016

³³ Isaak cu ang htei ah cäicat ne ng’thüng neta, “Sa ngawn ne shong ne na m’bei lawk cicu a u ang? Nang kä na law pha ung tuhbäi hta ng’lung ei yawp ne, hriham ka pe pyi ci nei, cun cu ngawi yä ani ah kaa ah kyak khai nei” cik ci.

ATÜNNAK 27:33 Referans Kwoze

ROMAN 11:29

Khanpughi naw a u chang phi ghü ne hrilham a peit kawn ah, Khanpughi naw am lung kä m’thawng ba ci.

HEBRU 11:20

Issak naw Jakob la Isau-am ngawi ah kaa vai m’shumphyuk nak shaitaak a peit goi cu yum nak ah kyak ci.

EPHESIAN 1:3

Mi Bawip a Jesuh Khrit ah Pa Khanpughi cu mi m’kümto khai nei! Mikmi cu Bawi Khrit ung mi kawng ät nak awn, ani naw khankho ah mümcha youshen nak cu nam shumphyuk gui ci.

JOHAN 10:10

M’guk ei cu, m’guk khai, ngawn khai, plawhsheh khai ah lawk ci. Kei läi cu nangmi naw ghin nak nami gah vai la ghin nak akümbe vai ah ka lawk ci.

SAM 55:5

Kei cu kyi aih ne, nak phawng sei ka ng’thüng ci; kyih nak ung ka gein vai ci.

JOB 37:1

Khokhi aa naw kei ah m’lung cu na cat sak ci.

JOB 21:6

Kei ah khan ah gawk lawk ci gui cu ngaih-tüh neta, cäi ne catne ka ng’hlet ci nei.

ATÜNNAK 25:23

Bawipa naw ani am, “Na puk kyong ah chang pakhui hnih om ci, Nang cu ng’lakmah ciah chang pa hnih ah na hta khai. Tumat cu gai pi khai, Ang vaipi cu ak hmaw pi ah täkphan ah om khai” cine pyen nak ci.

ATÜNNAK 27:35

Isaak naw, “Na nau cu thuvi ne, law ne na m’hleei ne, nang ah hriham cu hteh püi pyi ci nei” cik ci.

ATÜNNAK 28:1

Isaak naw Jakob cu khü neta, “Kanaan hnumi kä na chu en nak vai.

KHEI NAK 23:20

Hriham pek vai ah kei cu na m’shüm thein pyi ci. Khanpughi naw hriham a pek cu kei naw kä ka m’hlan ba hning ci.