ATÜNNAK 27:28 - Cho Bible Common Language 2016

²⁸ Khanpughi naw khankhaw ah khaw tui, m’dek khan ung ng’lei akni ning pe sä! Htang m’guh akda, sapyit akda phi ning pe sä!

ATÜNNAK 27:28 Referans Kwoze

THULÄÄN NAK 33:28

Cun ah kiasei Jakob ah htangshon gui cu Ding gei sei om ci gui. Htang la sapyit tui ah be nak khaw cu geing nak ci gui. Acu ah khomik ungka dam tui naw khaw ng’lei tui awn shawi ci.

THULÄÄN NAK 33:13

Ani naw Joseph pakhui a pyen nak gui cu, Bawipa naw ami khaw cu khaw aa awn hriham pek ci. M’dek ah ka ungka tui pe gui sä.

SAM 133:3

Cun cu Hermon m’htung la Zion kho gui ah khan lawk ciah khui toi ah mäih ah kyak ci nei. Cun ah kho cu Bawipa naw a shaitak awn hriham a pek ah — cun ung ghin nak kä ng’pyi ci.

2 SAMUEL 1:21

Kilboa khaw m’htung gui ah khaw kä aa en sä, khlüitui kä baw en sä; ami lou ung angtäi ah khaw käu sä! A i ah kyasei ci ung chang m’gäi ah shawi gui cu acun ung thüi ne yung kyak ci; Saul ah shawi phih situi awn kä hluk ba nei.

THULÄÄN NAK 32:2

Kei ah m’theithang cu khaw aa ng’ma ah mäih ah hteeu khai. Khomdek khan ung khi ah mäih ah toi khai, Kei ah kang thu gui cu geit ayüt ah khan ah yu kyak ciah khaw goh ah mäih ah kyak khai. Hniphnoi ciah khumghaw ah khan ah yuk aa ciah ng’awigii ciah khaw aa ah mäih ah kyak khai.

THULÄÄN NAK 7:13

Ani naw ning m’hni gui ne, ning phyuh-theh gui khai. Cun ah kyasei nangmi cu nami da lawk khai. Nami htanau phi da khai. Ani naw nami lo lai gui cu hriham pek khai. Cun ah kyasei nangmi ung htang ni, sapyit ni, oliv situi ni om khai. Ani naw seipat gui la htome gui akda ning pe gui ne hriham ning pe gui khai. Ani naw a ning pek gui vai ah nami pupa gui am a shaitak ah shin ah hriham avan cu ning pe gui khai.

ZEKHARIAH 8:12

Ngami cu ding gei sei ami m’shi geit khai gui, ami sapyit gui cu m’theih khai gui, khomdek naw akda vauipai sak khai, khawtui phi nik khai. Kei naw shin ah hriham gui cu k’pawih shut ciah ka changpakhui am ka pek khai.

JOEL 2:19

Ani naw m’shang gui ci, “Tuhbäi kei naw, htang m’guh ni, sapyit tui ni, olive situi ni, ka ning pe law gui khai, nangmi cu nami phü khai. Ahei pakhui gui naw kä ning päipih ba gui khai.

ISAIAH 45:8

Kei naw näng nak cu khomik ung ka, kho k’aa ah mäih ah ka yuk chah khai; khomdek naw ng’hmawng ne a cun cu dou sei, pängze nak la taga nak ah vuipai khai. Kei, Bawipa naw shin ah kyak ah ka bik khai.”

SAM 104:15

Chang cu a pyan ah sing theih tui naw yei sak ne, situi naw hmai kyang sak ci, m’htut naw thagui pek ci.

SAM 36:8

Na bühmang nak ah ei cu na phü sak gui ne, na ni kyom nak ah tui cu na awk sak gui ä.

1 GHANGPUGHANG GUI 17:1

Kilead kho Tisbe ungka prophet Elijah naw Ghangpughang Ahab a pyen nak cu, “Kei naw a bii ka bi ah Israel gui ah ghing ciah Khanpughi, Bawipa ah ming ung, kei naw ka ning m’thein cu, kei naw kä ka pyen ba pha ah chuih, ma lam ah kum goi ung baw, kum thum ung baw k’daam phi kä bawk khai, kho phi kä aa khai.”

KHEI NAK 18:12

“A kum tä sei Israel gui naw ami na pek law ah m’thawk htük ciah akni pi gui avan cu ka ning pe gui ci nei; oliv situi, sapyit tui la htang,

HEBRU 11:20

Issak naw Jakob la Isau-am ngawi ah kaa vai m’shumphyuk nak shaitaak a peit goi cu yum nak ah kyak ci.

ZEKHARIAH 9:17

Cun ah khaw cu a i hlawk ah ni ne kyom khai aw! Chang nong gui cu cun ah khaw ungka htang m’guh la sapyit tui awn däm ng’ghaw khai gui.

MIKHAH 5:7

Pawih ba ciah Israel chang gui cu khui päng ah phäh ah Bawipa ah tüih law ah thai ba ciah khüi ah mäih ah a ghing gui ah khan ah kia lawk ciah khaw goh ah mäih ah kyak khai gui.

JEREMIAH 14:22

Chang pakhui gui ah a gup gui naw khaw kä aa sak hlawt ci; khomik amät naw khogoh kä ng’kiak sak hlawt ci. Keimi naw nang cu kami ning ngaih u ci nei, Oh Bawipa, kami khanpughi, a i ah kyasei ci ung nang cu shin gui bik ciah na kyak ci.

2 SHONTÄP NAK 2:10

Bii bik ciah na chang gui ah ei awk vai ah htang ton phia m’ku, htangtun ton phia m’ku, sapyit tui phia phli kip liter la oliv-situi phia phia phli kip liter cu ka m’khäh law khai nei.”

1 GHANGPUGHANG GUI 5:11

Solomon naw Hiram am akum tä sei htang tang phia m’ku la olive situi liter, 400,000 cu akchang gui ah ei vai ah pek ci.

ATÜNNAK 49:20

Asher ah khaw ung ei vai m’thawk khai. Ani naw ghangpughang ah ei vai ng’büh khai ah pek khai.

ATÜNNAK 45:18

Ami pa la ami paw gui khü u ne ami law ba vai, Egypt khaw ung khaw akni pi ka pe gui khai, ami m’hni ah gah tang u ne om khai gui nei.

ROMAN 11:17

Chang gui naw olive sing k’tui ah ng’ban cu m’chün u netah, pyupying k’thui ah ng’ban awn m’dün ne ng’ling ci gui. Pyupying k’thui naw, pyupying k’tui ah ang’yung la a ghing ung kaa, a ei auk tu ah mäih ah, nang mi khui hei chang gui naw cu Jew chang gui ungka mümcha ghin nak cu nami gah tuk ci.

KHEI NAK 13:20

Khonglei ani la singkhu bäng ah a kyak nami teng vai. Ngaih na ne acu ah phung ghing ciah sing ah am theih nami law püi vai.” (Cun sang cu sing theih gui tün ne a up law nak ah a khin ah kyak ci.)

ATÜNNAK 27:39

Isaak naw ani am, “Nang ah hmawk ah khan ah khaw tui kä om ci, M’dek ung ng’lei k’ni kä om ci.

ATÜNNAK 27:37

Isaak naw, “Ani cu nang ah bawi ah ka pyan pyi, mi ng’khaw chang gui avan ani ah changshäm ah ka k’bäi pyi, htang m’guh la sapyit avan ka ap pyi, tuhbäi nang ah phäh ah a i phi kä ka bi ba thei ci nei, ka hta aw” cine pyen nak ci.

ATÜNNAK 49:25

Nang ning m’htei cicu napa ah Khanpughi ah kyak ci, M’gäi ciah Khanpughi ah kya ne hrilham ning pek ci, khan ah ka khaw aa awn hrilham ning pek ci, m’dek ah ka ah thuuk ciah tuinu ning pek ci, sei ah pung nak la chang ah da nak ah hrilham ah kyak ci.

NG'THU K'THUUK~ 3:20

A cüivai nak naw tuinu gui lon sak ci, khongmei ungka kho aa cu m’dek ung yu kyak sak ci.

NG'THU K'THUUK~ 19:12

Ghangpughang ah m’lungshe nak cu phongkawng ah m’ngaw ah maih ah kyak ci. Cun ung phi ani ah m’tamkhah nak cu khogoh tui ah maih ah kyak ci.