ATÜNNAK 27:2 - Cho Bible Common Language 2016

² Isaak naw, “Na hmuh ah mäih ah kei cu ka ghi lawk ci, ka si law yäk khai.

ATÜNNAK 27:2 Referans Kwoze

JAMES 4:14

Nami ghin nak ngawi ung a i ah a kyak vai ah kä nami hmat ci! Nangmi cu a shäng hta thawk ne khu netah maih ba ciah meikhu awn nami täng ci.

MAKUH 13:35

Nangmi naw imah a i yah ung a gawk law ba vai cu kä nami hmat ci, mü lam ung phi gawk law hning ci, kho cawih ding ah phi gawk law hning ci, ai khong k’htük ung phi gawk law hning ci, kho thaih hta ung phi gawk law hning ci.

THUSHÄUTU 9:10

Na bi lawh phung cu tha na ne na bi vai nei, a i ah kyasei ci ung, hnünthawh nak, ngaih-tüh nak, hmuhmat nak, cüivai nak gui cu sih nak ah khaw ung kä om ba khai nei — cun cu nang naw na hteh nak ah kyak ci.

NG'THU K'THUUK~ 27:1

Ngawi ung ah phä ah kä khähghah vai, heng ung ngawi ung a i ah akyak vai cu nang naw kä na hmat ci.

ISAIAH 38:3

“Na shümbaä, Bawipa, kei naw bekhüt nak la düng nak awn nabi ka bik ci nei, nang naw ka bi vai ah na ng’yak hlü gui cu k’tha na ne ka bik ci nei,” Cun ci neta ani cu aktä ah kyap ci.

ISAIAH 38:1

Cun ah akhin ung Ghangpughang Hezekiah cu gaw ne si ghep ghep ci. Prophet Isaiah, Amoz ah hta naw hteit ne teng neta a pyen nak cu, “Bawipa naw na m’thein ci, nang naw a päng nü cu kyäp ge khaiah ne ci vai, nang cu kä na gai ba khai na si ge khai ah na om vai nei.”

1 SAMUEL 20:3

Cun ung phi David naw, “Nang naw kei a i hlawk ah na na m’hni cu na pa naw hmat ci, a bi vai a pawng püi cu kä na hmat tu vai ah ani naw k’bäi ci nei, a i ah kyasei ci ung nang ang htei ah na thüi khai kiasei. Ghing ciah Bawipa ung ng’tam ne ka ning pyen nak cu, kei sih nak ung ka gawk vai m’khan ät bäng nei hlü ba ci!”

ATÜNNAK 48:21

Cun kawn ah Jakob naw Joseph am, “Na hmuh ah mäih ah kei cu ka si law vai ci, cun ung phi Khanpughi naw ning m’htei gui ne nami pupa gui ah khaw ah ning hteh püi ba gui khai nei.

ATÜNNAK 47:29

Asih nak vai ng’et law khäta, a hta Joseph cu khü neta ang thu püi cu, “Ka phei goi ah ng’lak ung na kut k’thoi neta, “Egypt khaw ung kä ka ning m’ciim khai nei” cine thukhän aküi na bi vai.

ATÜNNAK 27:3

Na li la na m’la la ne, bung ah hteit ne sa ngawn neta,