ATÜNNAK 27:19 - Cho Bible Common Language 2016

¹⁹ Jakob naw, “Kei cu na hta angvai pi Esau nei, na na m’cäi ah mäih ah ka bi pyi ci nei. Tho law ne ka law püi ah sa meh cu ei neta, hriham phi na pe ä” cik ci.

ATÜNNAK 27:19 Referans Kwoze

ISAIAH 28:15

Nangmi cu sihnak awn ng’thu nami k’bäi ciah pyen ne, sihnak ah khaw awn nami yum ät ciah pyen ne, nami khähghah ci nei. Nangmi naw leigai a gawk law ung ning hlawi gui khai ah nami ngai ci, a i ah kyasei ci ung, nangmi cu nami hleei hlak lima nak awn phiawn vai ah nami ngai ci.

1 GHANGPUGHANG GUI 14:2

Jeroboam naw a chu pyen nak ci, a u naw kä a ning hmat vai ah na müi pyang neta, prophet Ahijah ah om nak Shilon ah hteit ä, ani cu kei Israel ghangpughang ah ka kyak vai ah mawng pyen ciah kyak ci.

ATÜNNAK 27:21

Isaak naw Jakob am, “Ka pei ah law ä, ka ning m’tham shüm khai nei, nang cu Esau akcang ang?” cik ci.

ATÜNNAK 27:4

ka m’hni man ah akni ah shong ne na thak law ä. Cun ka ei kawn ah kä ka sih pha ung akbä pi ah hriham cu nang am ka ning pek khai nei” cik ci.

ATÜNNAK 25:25

Lut law htük cicu asa sen ci, mu ciah suinu ah mäih ah amu om ci, cun ah kyasei Esau ah a ming sui ci gui.

1 GHANGPUGHANG GUI 13:18

Bethela ah ka prophet naw pyen ah ne, “Kei phi nang ah mäih ah prophet nei, Bawipa ah thumkhän ung khanchang naw ana pyen nak cu, nang cu ka im ah ka mät awn a täng ah ning hteh püi ne ka ning khincha nak vai ah kyak ci” cik ci. Cun ung phi prophet ghipa cu a hleei ah kyak ci.

ATÜNNAK 25:28

Esau naw sa ngawn sei ei ci kya neta, Isaak naw Esau cu m’hni ci, Rebekka naw Jakob cu m’hni ci.

ATÜNNAK 27:18

Jakob naw a pa ah om nak ah hteit neta, “Pa awi” cine khü ci. “Äi, nang a u ang?” cine ng’shik ci.

ATÜNNAK 27:31

Ani naw phi akni ah ei vai shong neta apa ah law püi ci. Ani naw, “Pa aw, tho law ne, ka ning thak law ah sa meh cu ei ä. Cun kawn ah hriham cu na pe ä” cik ci.

ATÜNNAK 27:35

Isaak naw, “Na nau cu thuvi ne, law ne na m’hleei ne, nang ah hriham cu hteh püi pyi ci nei” cik ci.

ATÜNNAK 27:45

A m’lung gei ba sei, ani ah khan ah nang ah bi gui a m’hnih law kawn ah chang tüi ne ka ning khü law ba khai nei. Khaw hnüüp ät ung ka hta hnih kä di shum düt khai” cik ci.