ATÜNNAK 26:7 - Cho Bible Common Language 2016

⁷ Rebekka cu ang htei ah kyom ci kyasei, chang gui naw Rebekka cu ng’ya hlü u neta, acei Isaak cu ami ngawn vai ah ng’ä ne, chang gui naw ami ng’shi ung Isaak ah chu ah kä pyen ne, abe ah a pyen vai ah m’cäi ci.

ATÜNNAK 26:7 Referans Kwoze

NG'THU K'THUUK~ 29:25

Chang gui naw ami ning ngaih ah mäih ah na om ung kyih vai kyak ci, Cun ung phi Bawipa ung na ng’ap ung na phyawng gai khai.

ATÜNNAK 20:2

ak chu Sarah cu abe ah pyen ne m’thein tu gui ci. Cun kawn ah Kera ghangpughang Abimelek naw Sarah cu la ne hteh püi ci.

ATÜNNAK 12:13

Cun ah kyasei nang cu ka ning be ah na pyen vai. Cun ung nang ah hmai teng ne kei cu na k’phyawn ne, na m’hteihtang khai gui” cine pyen ci.

ATÜNNAK 24:16

Ani cu ang htei ah kyom ciah hnumi hta htüm ah kyak ci. Ani cu tui shawk ah hteit ne tui than neta ng’hlat law ba ci.

KOLOSE 3:9

Tumat naw tumat kä am hleeihlak-en vai, nami ghin nak k’phyim cu sut ne nawng shüt ne,

EPHESIAN 5:25

Pami gui, Bawi Khrit naw a hnun gui pe ne krihtabum cu am hni ah mäih ah, nami chu cu nami m’hni vai nei.

MATTHE 10:28

Pumsa a ngawn hlawt ung phi Mumcha kä ngawn hlawt cicu kä nami kyih vai; pumsa la mümcha avan m’htei kho ah m’di hning ciah Khanpughi bäng nami kyih vai.

ATÜNNAK 20:5

Abraham naw ani cu ka be nei cik ci, amät naw phi a cun ah pyen ci. Kei naw shin cu düng nak awn ka bi ah kyak ci nei, ka katnak a i kä om ci nei” cine pyen ci.

ATÜNNAK 12:11

Egypt khaw ah gawk law vai u neta, Abram naw a chu Sairai am, “Nang cu hnumi kyom ah na kyak ci,

ATÜNNAK 20:11

Abraham naw, “Shin ah khaw ung chang gui cu Khanpughi kä kyih u ne ka chu ami ng’yak hlü ah hmawk ah kei cu na ngawn khai gui nei, ciah ngai neta ka bi nei.

ATÜNNAK 26:6

Cun ah kyasei Isaak cu Kerara gawnu ung om ci.

ATÜNNAK 26:8

Acu ah ami om tu sho hta shäng khäta, Abimelek ghangpughang cu a im kawt ung yu mang neta, Isaak la Rebekka cu ng’yumhni tu ni sei hmu goi ci.

ATÜNNAK 29:17

Leah cu a mik kyom ci, Rachela cu a gup ni ne kyom ci.

ATÜNNAK 12:15

Bawi ng’vai gui naw phi hmu u neta, kyom aih ci, cine ghangpughang am m’thein u sei, ani naw mang im kyong ah la ne hteh püi ci.