ATÜNNAK 26:3 - Cho Bible Common Language 2016

³ A shin ung na om vai, kei naw ka ning om püi khai, hriham ka ning pek khai. Nang la na htangshon am shin ah khaw avan ka ning pek khai. Na pa Abraham ung ka bi ah shaitak cu ka kümbe sak khai.

ATÜNNAK 26:3 Referans Kwoze

ATÜNNAK 28:15

Na shüm vai, kei naw na hteh nak päng ah ning om püi ne ka ning m’htei khai, shin ah khaw ung ka ning law püi ba khai. Ka shaitak kä a khüm pha ah chuih kä ka ning hteh tak khai” ciah kyak ci.

SAM 105:9

Abraham aw yum nak ani bi la Issak am shai a taak cu k’pang khek khai.

ATÜNNAK 20:1

Abraham cu Mamre ungka naw Kanaan khaw a htumtäng Kadesh la Shurah ah ng’lak ung hteit ne om ci. Ani cu Kera gawnu ah a om tu yah ung,

ATÜNNAK 17:8

Tuhbäi khin ah kya ne na om nak ah shin ah khaw cu nang la na htangshon am ka ning ap khai. Kanaan khaw avan cu na htangshon naw angtäi sei khäm khai gui, kei cu ngami ah Khanpughi ah ka kyak khai.

ATÜNNAK 15:18

Cun kawn ah Bawipa naw Abram ung thukhän bik ci. Ani naw, “Kei naw shai ka taak cu, shin ah khaw avan na htangshon gui am ka pe gui khai, cun cu Egypt khawgii ungka naw Euphratis tuinu ung khüt khai;

ATÜNNAK 13:17

Tuhbäi hteit ne khaw hmun avan na teng vai. Shin ah khaw avan cu tuhbäi ka ning pe lawk khai nei” cine pyen ci.

ATÜNNAK 13:15

Na hmuh bäät ah khaw avan cu nang la na htangshon am ka ning ap khai nei. Cun cu khawnglän ung na khaw ah kyak khai nei.

ATÜNNAK 12:7

Bawipa cu Abram ah ma ah dang law neta, “Shin ah khaw cu nang ah htangshon am ka pek ah khaw ah kyak ci nei” cik ci. Abram naw Bawipa angdang law nak ah hmun ung khawih kiang co ci.

HEBRU 11:9

Ani cu Khanpughi ah shaitaak nak ah kho hei chang ah mäih ah a yum nak awn om tuk ci. Ani cu amät ah mäih ah Khanpughi ah shaitaak gah ciah Isaak la Jakob ah mäih ah phung tu ne om ci.

PHILIPPIAN 4:9

Kei ah ka ng’thu ung nami theithang la kei ah ka bilawh nami hmuhteng ah mäih ah nami bilawh vai nei. Cun ung dimdeeih nak na pe gui ciah Khanpughi cu nangmi awn a täng ah om khai nei.

ISAIAH 43:5

Kä nami kyih vai nei, ka ning om püi gui ci nei! “A shou pikbäih akiang täng lah ak hla pikbäih akhei täng ung ka, nami chang gui cu nami khaw ah ka law püi ba gui khai nei.

ISAIAH 43:2

Thuuk ciah tui nami kan yah ung kei naw ka ning om püi gui khai nei; Nami khüi kha nak naw kä ning küm gui khai nei. Nangmi cu meikdäi kawt ne nami hteh yah ung mei naw kä ning ui gui khai nei.

SAM 32:8

Bawipa naw, “Na hteh nak vai ah lam ka ning m’thei khai; ka ning m’thein khai, ka ning m’hnuh khai.

ATÜNNAK 39:21

Cun ung phi Bawipa naw Joseph cu om püi ne hriham pek ci, thawng bawi naw phi yei nak ci.

ATÜNNAK 39:2

Joseph cu Bawipa naw m’htei ne m’khüt näng nak pek ci. Ani cu Egypt chang a bawi ah im ah om ci.

ATÜNNAK 26:14

Ani ung htawme gui, seipat gui, changshäm gui akda om ci. Cun ah phäh ah Philistin chang gui cu lamneng ci gui.

ATÜNNAK 26:12

Isaak naw cun ah khaw ung m’shi phu ci. Bawipa naw hriham pe sei a cun ah kum ung a phia ah däm khai ah khäm ba ci.

HEBRU 6:17

Khanpughi naw amä ah ng’bü nak kä am thawnghlai phung vai ah mawng cu, a shaitaak nak gah ciah chang gui ang hteiing ah m’dang gui hlük ci. Cun ah kyasei ng’phyun ne shai a taak ah kyak ci.

MIKHAH 7:20

Cau kami pupa gui ung na shaitak ah na bekhüt nak la na m’hni nak cu Abraham la Jakob ah hta ng’shon, na chang gui am na m’dang khai nei.

SAM 39:12

Bawipa, ka taigü na ng’yak pe ä, ka m’lau cu na ngaih pe ä. Ka kyah yah ung law ne na phawk law ä. Ka pupa gui ah mäih ah kei cu a shäng hta lawk ciah khin ah ka kyak ci.

ATÜNNAK 25:11

Abraham a sih kawn ah Khanpughi naw Isaak cu hriham pek ci. Ani cu “Ghing ne kei na hmuk ciah tuishawk” ah pei ah om ci.

ATÜNNAK 26:24

A cu mü Bawipa naw ng’dang law neta, kei cu napa Abraham ah Khanpughi ah ka kyak ci nei. Kä na kyih vai, kei naw ka ning om püi ci. Ka chang Abraham ung ka shaitak ah mäih ah hriham ka ning pek khai. Chang chün ah ka ning pungpiah sak khai.

ATÜNNAK 28:13

Bawipa cu a pei ah ng’düi neta, “Kei cu Bawipa, Abraham la Isaak ah Khanpughi nei, Nang la na htangshon am tuhbäi na ng’yän nak ah khaw cu ka ning pek khai nei.

ATÜNNAK 31:3

Cun kawn ah Bawipa naw ani am, “Na pupa na khui khaw ah na hteh ba vai nei, kei naw ka ning om püi khai nei” cine pyen nak ci.

ATÜNNAK 35:12

Kei naw Abraham la Isaak am ka pek ah khaw cu nang am ka ning pek khai nei, cun cu na htangshon am phi ka pek khai nei” cine pyen nak ci.

ATÜNNAK 48:21

Cun kawn ah Jakob naw Joseph am, “Na hmuh ah mäih ah kei cu ka si law vai ci, cun ung phi Khanpughi naw ning m’htei gui ne nami pupa gui ah khaw ah ning hteh püi ba gui khai nei.

ATÜNNAK 50:24

Ani naw a phäinau gui am, “Kei cu ka si law vai ci nei, cun ung phi Khanpughi naw akcang ah ning m’htei gui khai nei. Ani naw shin ah khaw ungka naw Abraham, Isaak la Jakob ni ah ma ah, ak htük bäih ah ng’thu akhän nak ah khaw ah, lam ning m’shüm ba gui khai nei.

PHYAWN NAK 6:4

Ngami awn ka thumkhän phi ka bik ci, Kanaan khaw cu ka pe gui khai ah shai ka tak ci. Cun ah khaw cu akhohei chang ah kya ne ami om nak ah kyak ci.

PHYAWN NAK 6:8

Abraham, Isaak la Jakob ni am ka pek gui vai ah, ang müi ah ka shaitak ah khaw ung, nangmi cu ka ning hteh püi gui khai; cun cu nami mät ah khaw ah kyak khai ah ka ning pe gui khai. Kei cu Bawipa nei” cik ci.

THULÄÄN NAK 1:8

Shin ah khaw avan cu kei Bawipa naw nami pupa gui Abraham, Issak, Jakob la ami htangshon gui am ka pek ka shaitak ah kyak ci. Hteit ne khäm vä.”

THULÄÄN NAK 34:4

Cun kawn ah Bawipa naw Moses a pyen nak cu, “Shin cu kei naw, Abraham ni, Issak ni, Jakob niam, ami htangshon gui am ka pek gui vai ah, shai ka tak ah khaw ah kyak ci nei. Keinaw ka ning hmuh sak khai, cun ung phi cun ah khaw ung kä ka ning hteh sak khai.”

1 SHONTÄP NAK 16:16

Abraham ung abi ah thukhän, Isaak ung abi ah shaitak cu kä nami m’hnih phung vai nei, cun cu kä ng’pyi hlawt khai.

ATÜNNAK 17:19

Khanpughi naw, “Na chu Sarah cu pami ah hta khai, aming cu Isaak ah na sui khai. Kei naw ka thukhän cu ani la ani ah htangshon am ka pek khai, cun cu ng’täi ciah thukhän ah kyak khai.

PHYAWN NAK 2:24

Khanpughi naw ami ng’hlou ei cu ng’ya neta, Abraham, Isaak la Jakob ung ang thukhän cu shüm ba ci.

PHYAWN NAK 3:12

Khanpughi naw, “Kei cu nang awn a täng ah ka om khai, nang naw ka chang gui Egypt khaw ah kaa na law püi ba gui ung, shin ah m’htung ung na na khawihnah khai. Cun cu kei naw ka ning tüih ah mawng ang dang nak ah kyak khai.”

PHYAWN NAK 6:7

Nangmi cu ka mät ah chang ah ka ning pyang gui khai, kei cu nangmi ah Khanpughi ah ka kyak khai. Egypt khaw, khleihtein ungka ka ning m’hlawt gui kawn ah, kei cu Bawipa, nami na Khanpughi ah nami hmat khai nei.

KHEI NAK 23:19

Khanpughi cu hleei ciah chang ah mäih ah kä kyak ci; Ani cu am lung ngaih m’thawng ciah chang ah mäih ah kä kyak ci. A shaitak phung cu ani naw bik ci. Ang thu ah mäih ah ani naw bik ci.

SAM 105:8

Ani naw a thumkhän cu angtäi sei k’paang khai, a shaitak cu ng’shon tämkäp ah hmawk ah kyak ci.