ATÜNNAK 26:28 - Cho Bible Common Language 2016

²⁸ Ngami naw, “Nang cu Bawipa naw ning om püi ciah tuhbäi kami hmat ci nei, mi ng’lak ung ng’gei nak thukhän mi bik khai ah kami ngai ci nei. Keimi naw shai kami tak hlü cu;

ATÜNNAK 26:28 Referans Kwoze

ISAIAH 61:9

Ngami cu chang pakhui gui ah ng’lung ah ming thang khai gui; ngami hmu gui ciah chang päng naw kei naw hriham ka pek ah chang ah kyak ci gui ah hmat gui khai.”

ISAIAH 45:14

Bawipa naw Israel gui pyen ah gui ci, “Egypt la Sudan gui ah ami khawh cu, nangmi ah kaa ah kyak khai nei, däm ng’sau ciah Seba gui cu nami Khleiktein ah kyak khai gui nei; ngami naw m’sigui awi ne ning läk gui khai gui nei. Ngami naw nami ma ah m’khukdong u neta, ng’kiaa ne pyen khai gui, khanpughi cu nangmi awn atäng ah om ci, ani bäng nei khanpughi.

JOSHUA 3:7

Bawipa naw Joshua am, “Tuhngawi kei ah bilawh naw Israel chang avan cu, nang chang m’gäi ah ami ning m’tam vai ah kyak sak gui khai. Cun awn ah kei naw Moses ka om püi ah mäih ah ka ning om püi cu na hmat lawk khai nei.

ATÜNNAK 39:5

Cun ung tün ne Joseph ah hmawk ah Bawipa naw Egypt chang ah kyongkhui la im khawh avan la lo lai gui cu hriham pek ci.

HEBRU 13:5

Ngui ng’ya hlü aih ne kä nami ghin vai, nami mät ung om ci awn nami ng’büh vai. A i ah kyasei ci ung Khanpughi naw, “Kei naw nang cu kä ka ning hteh ta phung khai, kä ka ning nawng phung khai,” cine a pyein ah hmawk ah kyak ci.

HEBRU 6:16

Chang tumat cu ang phyun ah a kyak ung, a mät ah hlüngtai pi ciah ming awn ng’phyun ci. Cun ah ng’phyun nak naw ng’cuhvah nak avan cu dim sak ci.

1 KORIN 14:25

Acun ah ang yak tu gui naw ani cu ng’thumcha sei, ani ah m’yih ne ang ngaih-tüh gui cu avan ng’dang sei, “Khanpughi cu nami ng’lung ah akcang ah om ci nei” cine ng’kyaa ne, m’khuukdoong ne, Khanpughi cu khawihnah khai nei.

ISAIAH 61:6

Nangmi cu khanpughi ah changshäm gui, Bawipa ah taigü gui ah ning hmat gui khai gui. Nangmi cu chang pakhui gui ah khawh cham awn yeikyai u ne, a cun gui nami ka-nak ah mawng nami khähghah khai.

ISAIAH 60:14

Nangmi ning shedam na gui ciah ami hta gui cu law u ne, kawp u ne ami ning changsui nak m’dang khai gui nei. Acau ning päipih man ci gui ami van naw na khaw peiah law ne ning khawihnah khai gui nei. Ngami naw nang cu, ‘Bawipa ah mang Gaw’ ah ning khü khai gui nei. ‘Zion, Theingcim ciah Israel khanpughi ah mang gaw’ cik khai gui nei.

2 SHONTÄP NAK 1:1

Solomon, Ghangpughang David ah htapa naw Israel uknak khaw cu k’pang ne uk ci, Bawipa ak Khanpughi naw hriham pe ne, anghtei ah huham mah khai ah pyang ci.

ATÜNNAK 24:41

Ka pakhui chang gui ah hteit ci sei ngami naw ami ning maa nak ah a kyak läi ung, nang cu shin ah ng’phyun nak na phyawn nak khai nei” cik ci.

ATÜNNAK 24:3

Khankhaw la khomdek ah Khanpughi Bawipa ah ming ung na ng’taam vai nei, ka hta ah chu vai cu shin ung om ci gui ah Kanaan khaw chang ungka kä na ghü en vai.

ROMAN 8:31

Shin ah a mawng gui avan cu teng ah a kyak ung, Khanpughi cu mik mi lam ah a om ung a u naw na hnu ng’tuk püi gui hning khai ang!

ATÜNNAK 31:44

Tuhbäi nang la kei thukhän ni bik khai. Thukhän m’hnüt nak ah lung mi k’süm khai” cine pyen nak ci.

ATÜNNAK 39:3

Joseph cu Bawipa naw om püi sei, a bi päng ung m’khüt näng nak om ci, cicu a bawi naw hmat ci.

1 SAMUEL 11:1

Cha ät alüng kawn ah Ammon ghangpughang Nahash naw a gakap gui m’tho ne, Gilead kho, Jebesh gawnu cu hnu ng’tuk püi ne khaai ci. Jebesh chang gui naw Nahash am, “Ng’gei nak na bi püi gui ä, cun ung kami uktu ah kami ning dou khai nei” cik ci gui.

1 SAMUEL 18:28

Bawipa naw David a täng ah om püi ci, cicu Saul naw ng’htei cha sei hmat ci, a hta hnumi Michala

2 SHONTÄP NAK 15:9

Ephraim, Manasseh la Simeon ung chang akda cu Asa ah pei ah law u ne, ani ah uknak khaw ung om tuk ci gui, a i ah kyasei ci ung ngami naw Bawipa naw a om püi cu ami hmuh ah phäh ah kyak ci. Asa naw ngami ami van la Judah la Benjamin ung chang gui cu ng’bum sak gui ci.