ATÜNNAK 26:25 - Cho Bible Common Language 2016

²⁵ Isaak naw a cun ung khawih kiang co ne, Bawipa cu khawihnah ci. A cun ung phung tu u ne a chang gui naw tui phi shawk ba ci gui.

ATÜNNAK 26:25 Referans Kwoze

SAM 116:17

Kei naw m’hlüngtai ne khawihnah nak ka ning pek khai nei, ka taigü ka ning pek khai nei.

ATÜNNAK 13:18

Abram cu a phung gui k’plon ne, theing ciah Mamre sing ghing hmu ah pei ah ng’lei leh ci. A cu ah ani naw Bawipa ah khawih kiang co ci.

PHYAWN NAK 17:15

Moses naw kiaang co neta, “Jehovahnisi, Bawipa cu kei ah Näng nak nei” cine a ming sui ci.

ATÜNNAK 35:1

Khanpughi naw Jakob am, “Tuhbäi Bethela ah hteit ne na om vai nei. A cu ah kei ah hmawk ah mangkiang na cawh vai nei. Kei cu na phäi Esau nawng shüt ne na dawng yah ung ng’dang lawk ciah Khanpughi ah ka kyak ci nei” cine pyen nak ci.

ATÜNNAK 33:20

Ani naw a cun ung khawih kiang co neta, “El, Israel Khanpughi” ciah a ming sui ci.

ATÜNNAK 22:9

Khanpughi naw am shüm nak ah hmun ah gawk ni neta, Abraham naw khawih kiang co ne, sing k’kyäng ne pyang ci. Cun kawn ah a hta Isaak cu gui awn pin ne khit neta, sing k’kyäng khan ah han taih ci.

ATÜNNAK 13:4

acun ung sonkiang co ci. Acun ung ani naw Bawipa khawihnah ci.

ATÜNNAK 8:20

Noah naw Bawipa ah khawih kiang co neta, theing ciah phyukha khisa gui, ming ät ungka tumat ci ghü ne, khawih kiang ung m’khih ne khawihnah ci.

ATÜNNAK 4:26

Seth cu pamihta ah hta ne Enosh ah a ming sui ci. Cun sangung chang gui naw, khawihnah nak ung Khanpughi ah ming theing cu htungmang lawk ci gui.

ATÜNNAK 26:32

A cu hnüüp ung Isaak ah chang gui cu law u ne, tui shawk ne tui ami hmuh ah mawng cu pyen lawk ci gui.