ATÜNNAK 26:24 - Cho Bible Common Language 2016

²⁴ A cu mü Bawipa naw ng’dang law neta, kei cu napa Abraham ah Khanpughi ah ka kyak ci nei. Kä na kyih vai, kei naw ka ning om püi ci. Ka chang Abraham ung ka shaitak ah mäih ah hriham ka ning pek khai. Chang chün ah ka ning pungpiah sak khai.

ATÜNNAK 26:24 Referans Kwoze

PHYAWN NAK 3:6

Kei cu na pupa gui ah na Khanpughi, Abraham, Isaak la Jakob ni ah na Khanpughi nei” cik ci. Moses cu Khanpughi a hmuh vai ah kyi neta a hmai k’bawm ci.

ATÜNNAK 17:7

“Kei naw ka shaitak cu nang la na htangshon ung ng’täi ciah thukhän ah ka küm sak khai. Kei cu nang la na htangshon ah Khanpughi ah ka kyak khai.

ATÜNNAK 15:1

Cun kawn ah ang muimang ung Bawipa naw ng’thu püi sei Abram naw a hmuh ng’yak cu, “Abram, kä na kyih vai, kei naw nang cu ka ning shungvong khai, m’cümhnah aktung ka ning pek khai” ciah kyak ci.

LAMKTU 7:32

“Kei cu napu pa gui ah Khanpughi, Abraham, Issak lah Jakob niah Khanpughi nei” ciah Khanpughi ah k’aw cu ng’yak ci. Moses naw kyihkyawk aih netah kä teng hlawt ci.

ATÜNNAK 24:12

Ani naw, “Ka Bawi, Abraham ah Khanpughi, kei am näng nak na yuk pe ne, ka bawi am na shaitak kümbe sak ä.

THU PHLAAN 1:17

Ani ka hmuh vai-am kei cu chang k’sii ah mäih ah a khaw pei ah kiu ne ka ng’yän ci. Ani naw ka khan ah akpat lam a kut taih netah,” Kä kyikyawk ä! Kei cu tün nak la khüm nak ah ka kiak ci.

ATÜNNAK 28:13

Bawipa cu a pei ah ng’düi neta, “Kei cu Bawipa, Abraham la Isaak ah Khanpughi nei, Nang la na htangshon am tuhbäi na ng’yän nak ah khaw cu ka ning pek khai nei.

ATÜNNAK 13:16

Nang cu chang akchün ah ka ning pungpiah sak khai. M’dek khui cu chang naw kä a khei hlawt yawp ah mäih ah nang ah htangshon cu chang naw kä khei yawp hlawt khai nei.

HEBRU 13:6

Cun ah kyasei, “Bawipa cu kei nam htei ciah Bawi ah kyak ci, Kei cu kä ka kyikyawk khai. A u naw kei ah khan ah a i bi hlawt khai ang?

LUKA 12:32

“Htome ng’bum hta, kä kyi vä, nami Pa naw a uknak a ning peit gui vai ah, ang yak hlü om ci.

MATTHE 22:32

Khanpughi naw, ‘Kei cu Abraham ah Khanpughi, Issak ah Khanpughi, Jakob ah Khanpughi ah ka kyak ci nei. Ani cu aksi gui ah Khanpughi ah kä kyak ci, ghing ci gui ah Khanpughi ah kyak ci,” cine m’thein gui ci.

ISAIAH 44:2

Kei cu ning tüisho gui ciah Bawipa nei; Nangmi nami ng’tüi law yah ung kei naw ka ning m’htei htang gui ci. Kä nami kyih vai, nangmi cu ka changshäm, ka ghü ah chang, ka m’hni ah chang ah nami kyak ci.

ISAIAH 41:10

Kä kyikawk vä kei naw ka ning om püi gui ci nei! Kei cu nami na khanpughi nei — a i naw kä ning m’kyih sak gui khai nei! Kei naw ka ning khüi ghat sak gui khai, ka ning m’htei gui khai; kei naw ka ning shungvong gui khai, ka ning hun gui khai.

ISAIAH 12:2

Khanpughi cu kei ah hunbawi nei, kei naw ani ka ngaih u khai, kä ka kyik khai, Bawipa naw huham la k’thagui na pek ci; Ani cu kei ah hunbawi nei.

ATÜNNAK 31:5

Ani naw ngami am, “Nami pa naw ayan kaa ah mäih ah kä a na m’hni ba cu ka hmat pyi ci, Cun ung phi kapa Khanpughi naw na om püi ci nei.

ISAIAH 51:12

Bawipa naw pyen ci, “Thagui ning k’be gui ci cu kei ah ka kyak ci. Khumghaw hlawk düt ah ghing hning ne, si thei ciahchang cu, a i vai nami kyih ang?

ISAIAH 51:7

“Na ngai vä, nangmi a hman hmat ciah chang gui, kei ah m’thei thang nak am lung ung tha ci gui. A i bawdüt ah ning kyak na gui ne, ning shedam na gui ci a om ung, kä na mi kyih vai nei;

ATÜNNAK 22:19

Abraham naw a chang gui pah tuba gui sei, Abraham ah om nak Beerasheba khaw ah hteit ci gui.

HEBRU 11:16

Cun ung phi ngami cu cun ak kho ah tah bä pi ciah khankho ghui kho cu ngaih u ci gui ah kyak ci. Cun ah kyasei Khanpughi cu ami Khanpughi ah ami khü ah hmawk ah Khanpughi cu kä lü ng’aa ci, a i ah kyasei ci ung Ani naw ngami ah hmawk ah mang gaw cu a sak pyii ah kyak ci nei.

ATÜNNAK 17:8

Tuhbäi khin ah kya ne na om nak ah shin ah khaw cu nang la na htangshon am ka ning ap khai. Kanaan khaw avan cu na htangshon naw angtäi sei khäm khai gui, kei cu ngami ah Khanpughi ah ka kyak khai.

ATÜNNAK 21:17

Khanpughi naw a hmaw a kyah cu ng’ya neta, Khanpughi ah khankho chang naw Hakarah am, “Hakarah, a i ah na kyak ci ang? Kä na kyih vai, Khanpughi naw a hmaw ah kyah ng’yak ci nei.

ATÜNNAK 22:17

Kei naw shai ka taak cu, khankho ah om ciah aisi chü, tuinu kem ah om ciah laigin chü ah ka ning pungpiah sak khai. Na htangshon gui naw ga avan näng khai gui.

ATÜNNAK 28:3

Hlüngtai ciah Khanpughi naw, na chu na hta vai hriham ning pe sei, chang pakhui akda ah pa ah na kyak khai.

ATÜNNAK 28:15

Na shüm vai, kei naw na hteh nak päng ah ning om püi ne ka ning m’htei khai, shin ah khaw ung ka ning law püi ba khai. Ka shaitak kä a khüm pha ah chuih kä ka ning hteh tak khai” ciah kyak ci.

ATÜNNAK 30:27

Laban naw, “Ka pyen hlü cu, Bawipa naw nang ung hriham ana pek cu ka hmat pyi ci nei.

ATÜNNAK 46:1

Jakob cu a khawh gui m’khäp sen neta, Beerasheba ah hteit ne apa Isaak ah Khanpughi cu khawihnah ci.

THULÄÄN NAK 13:17

Dishum khai ah m’kat pyi cu nami mät naw kä nami pan en vai. Cun ung Bawipa naw amlung so nak ungka ning hlah ta gui ne, chimgein nak ning m’dang gui khai. Ani naw nangmi ning chimgein gui khai, nami pupa gui ung a shaitak ah mäih ah chang khli ah ning pyang gui khai.

ATÜNNAK 39:2

Joseph cu Bawipa naw m’htei ne m’khüt näng nak pek ci. Ani cu Egypt chang a bawi ah im ah om ci.

ATÜNNAK 39:3

Joseph cu Bawipa naw om püi sei, a bi päng ung m’khüt näng nak om ci, cicu a bawi naw hmat ci.

PHYAWN NAK 14:13

Moses naw, “Kä kyih en vä. Khüi ne ng’düi vä! Tuh ngawi Bawipa naw ana hun nak gui ah bii a bi cu nami hmuk khai nei; shin ah Egypt chang gui cu kä nami hmu ba gui khai nei.

TAIGÜTHUM 26:42

kei naw Jakob ni, Isaak ni, Abraham ni ung thukhän ka bi cu ka shüm ba khai. Khonglei ka pek gui vai ah ka shaitak cu kei naw ka m’thai ba khai.

TAIGÜTHUM 26:45

Ami pupa gui ung thukhän ka bi cu kei naw ka m’thai ba khai, cun cu Egypt khaw ah ka, ka chang gui law püi ba gui ne, pakhui avan am ka huham ka m’dang nak ah kyak ci. Cun ah kyasei, Kei, Bawipa cu ami Khanpughi ah ka kyak ci.

THULÄÄN NAK 31:6

Nami m’hnüt bäi vai, nami ngaih gep vai, kä namikyih en gui vai. Nami Khanpughi Bawipa amät cu nangmi awn a täng ah om khai. Ani naw kä ning shum sak gui khai. Kä ning nawng gui khai.”

RUT 3:11

Ruth, tuhbäi kä na ng’ä vai. Na k’thäh phung kei naw ka bik khai; shin ah gawnu ung chang avan naw, nang cu hnumi kiom ah ning hmat ci gui nei.

1 GHANGPUGHANG GUI 17:13

“Elijah naw cun ah hnumi am, “Kä na ng’ä vai, hteit ma ne na ei vai cu pyang ä. Cun ung phi nang ung om ci awn kei ah phäh ah m’htut aläm pum ät pyang ne law püi neta, k’pawih ba ci awn na mät la na hta ah phäh ah pyang ä.

NG’ÄI KYAH 3:57

Nang naw na m’shang ne kä kyih en vai ah na na m’thein ci.