ATÜNNAK 26:22 - Cho Bible Common Language 2016

²² Cun ungka naw ng’plon ne a hei ah tuishawk ba mä ci. Cun ung ng’cuh nak a i phi kä om ba khäta, “Ng’päi ng’yee” ah aming sui ci. Ani naw, “Tuhbäi Bawipa naw shin ah khaw ung om vai ah ng’päi ng’zee nak na pe gui pyi ci. Shin ah khaw ung mi ng’bühmang khai nei” cik ci.

ATÜNNAK 26:22 Referans Kwoze

PHYAWN NAK 1:7

Cun ung phi ami hta ng’shon gui Israel chang gui cu akda ah hta u sei, chang khli ah püi ne khüighat u ne, Egypt khaw ung be ci gui.

ATÜNNAK 17:6

Nang cu pakhui akda ah ka ning shon sak khai, amshah gui cu ghangpughang ah kyak khai gui. Nang ah htangshon gui cu da u ne pakhui ak chün ah kyak khai gui.

SAM 118:5

Ka khüikha sangung Bawipa cu ka khü ci; Ani naw na m’shang ne, nam hlawt ci.

ATÜNNAK 41:52

“Zaica nak ah khaw ung Khanpughi naw hta na pek ci nei” ci ba neta, a hta ba cu Ephraim ah sui ci.

SAM 18:19

Kyih ng’ä nak ung na m’htei ne, na hun ci, cun cu ana yei nak hmawk ah kyak ci.

SAM 4:1

Ka taigü cu na m’shang ä, O Khanpughi, ka ng’shung nak! Khüikha nak ung ka gawk sangung na na m’htei ci. Tuhbäi kei cu na m’gein ne, ka taigü cu na ngaih pe ä.

ATÜNNAK 28:3

Hlüngtai ciah Khanpughi naw, na chu na hta vai hriham ning pe sei, chang pakhui akda ah pa ah na kyak khai.

ATÜNNAK 26:21

Isaak ah chang gui naw a hei ah tuishawk ba mä ci gui. Cun phi ng’cuh ba mä u sei, “Ng’Cuh nak” ah aming sui ba ci.

ISAIAH 54:2

Na om nak ah im cu ng’shawng sak ä; a gui gui cu ng’shäi khai ah kaih ne, tung gui cu htek sei ng’ling ä!

ISAIAH 54:3

Nang naw na khogi cu amawng avan ung, na ng’shawng sak vai nei; Tuhbäi khuihei gui naw ami khäm ah khaw cu, na chang gui naw gah ba khai gui nei.

SAM 119:32

Na thumkhän cu kei naw akcang ah ka läk khai nei, A i ah kyasei ci ung nang naw hmuh hmat nak pi cu na na pek khai.