ATÜNNAK 26:12 - Cho Bible Common Language 2016

¹² Isaak naw cun ah khaw ung m’shi phu ci. Bawipa naw hriham pe sei a cun ah kum ung a phia ah däm khai ah khäm ba ci.

ATÜNNAK 26:12 Referans Kwoze

ATÜNNAK 26:3

A shin ung na om vai, kei naw ka ning om püi khai, hriham ka ning pek khai. Nang la na htangshon am shin ah khaw avan ka ning pek khai. Na pa Abraham ung ka bi ah shaitak cu ka kümbe sak khai.

MAKUH 4:8

M’shi amshah cu am dek ah ni nak ung kya law ne, akni ah ng’lih pyo ne ghing gong ne, a thumkip, ak chuk-kip, a phia ah vuipai ne m’theih tak ci” cine m’thein gui ci.

THUSHÄUTU 11:6

Na geit m’shi cu kho ngawi lam ah phi phu ä, mühun lam ah phi phu ä. Na phu avan cu pyo khai, käcung na phu htük ah mä na phu ba cu ni pi khai, cicu nang naw kä na hmat ci.

SAM 67:6

Khomdek cu m’theih tak ci, Khanpughi, mi Khanpughi naw hriham na pek gui ci.

ATÜNNAK 24:35

Bawipa naw a küikyang ah hriham pe ne ka bawi cu bühmang sak ci nei. Htome gui, me gui, seipat gui la ngui ni, ghui ni, changshäm hnumi gui ni, pami gui ni, kalauk gui ni, ng’se gui ni akda pe pyi ci nei.

ATÜNNAK 24:1

Abraham cu ang htei ah ghi lawk ci, Bawipa naw a bi päng cu hriham pek ci.

1 KORIN 3:6

Kei naw m’shi ka geit ci, Apollos naw tui shawi ci, cun ung phi ng’lih pyo sak cicu Khanpughi ah kyak ci.

ZEKHARIAH 8:12

Ngami cu ding gei sei ami m’shi geit khai gui, ami sapyit gui cu m’theih khai gui, khomdek naw akda vauipai sak khai, khawtui phi nik khai. Kei naw shin ah hriham gui cu k’pawih shut ciah ka changpakhui am ka pek khai.

JOB 42:12

Bawipa naw Joba am ak htük ung a peit ah hriham ah mä däm pi khai ah ak hnu täng a ghin nak ung pe ba ci. Joba naw htome phya phya gha lei phli, kalauk phia chukkip, seipat phya m’ku lah ng’sela phya gha tuhbäi ka nak ci.

ATÜNNAK 30:30

Azan na khawh apihta te, tuhbäi da lawk ci. Bawipa naw kei ah bi nak ung hriham ning pek ci nei. Tuhbäi ka mät naw ka kyong khui pyang ne ka om vai a khin gawk lawk ci nei” cik ci.

MATTHE 13:8

M’shi amshah cu, m’dek ah ni nak ung kya law ne, akni ah ng’lih pyo ghing gong sei, a phiaa, akchuk-kip. Athum-kip ah ng’sep khawi ci.

SAM 72:16

Kho do kho hmun ung htang-m’guh be sä; khogui khomhtung cu Lebanon ah mäih ah theih ciah sing awn be sä. Lolai ma ah khu m’ghaw abe ah mäih ah mang gaw gui cu chang awn be sä.

MATTHE 13:23

M’dek ni ung kya lawk ciah m’shi ci cu, ng’thu ni cu ngai ng’ya tu ne hmuhmat ci gui ah kyak ci. Ngami cu amshah aphiaa, amshah ak chuk-kip, amshah athum-kip ah vuipai ci gui,” cine m’thein gui ci.

ATÜNNAK 26:29

Nang naw phi kä na na plawh kheih gui vai, keimi naw phi kä kami ning plawh kheih khai. Keimi naw kami ning m’hni ci nei, akding gei ah na hteh ba sak gui ä. Nang cu Bawipa naw hriham a pek ah na kyak ci nei” cik ci gui.

NG'THU K'THUUK~ 10:22

Bawipa ah hriham naw bämang nak ning pek ci, Cun ah bämang nak ung thüisei nak kä ng’caw ci.

ATÜNNAK 25:11

Abraham a sih kawn ah Khanpughi naw Isaak cu hriham pek ci. Ani cu “Ghing ne kei na hmuk ciah tuishawk” ah pei ah om ci.