ATÜNNAK 25:6 - Cho Bible Common Language 2016

⁶ Cun ung phi ani cu ghing yah ci kya neta, a hei ak chu gui awn ami hta gui am phi a khawh cu pe gui ci. Cun ah a hta gui cu Isaak awn ng’shawng ne om khai gui ah hni law lam ah tüi gui ci.

ATÜNNAK 25:6 Referans Kwoze

ATÜNNAK 21:14

A ngawi ung khawngawi hta Abraham naw, Hakarah am m’htut la tui um pe ne, a hta cu mäm sak neta, a hei ah hteh sak ci. Ani cu ng’düi law ne hteit ne, Beerasheba bung ah hteit shüi shüi ci.

SUKI GUI 6:3

Israel gui naw m’shi ami phu phung midianit gui cu Amalekit gui la ng’kiang ma ah om ciah chang gui awn a täng ah tu law gui ci ci gui.

LAMKTU 14:17

Cun ung phi Khanpughi naw a om ah mawng cu ak ni a bi nak awn ang täi sei chang gui am m’dang gui ne, Khankho ah kaa kho yuk aa sak ne, amät ah khin ung vuipai m’theihtak ci phi ning pe gui ci. Ei auk vai ning k’be gui ne m’lung yeikyai nak phi ning pe gui ci” cine m’lau ne pyein ci.

MATTHE 5:45

Cun ung vah nangmi cu Khanpughi ah hta ah nami kyak khai. Khanpughi naw chang k’ni, chang k’she van ah khan ah kho yuk so sak ci, akni akshe bik ci van ah khan ah kho phi yuk aa sak ci.

JOB 1:3

Ani ung htome phya chih kip, kalauk phya thum kip, seipat phya gha la ng’sela phya hma om ci. Anu ung a changshäm phi akda om ci, Ani cu ak kyang täng ung ang bühmang pi ah kyak ci.

JOB 1:1

Uz khaw ung Joba ming nak ciah chang tumat om ci. Ani cu Khanpughi khawihnah ne akni ung bekhüt ci. Ani cu chang niah kyak ci. Akshe kä a bi vai ah geing nak ci.

SUKI GUI 19:4

Apa naw a om tu vai ah chou sei, ani cu hnüüp thum om tuk ci. Ang chu ng’la goi cu a cu ah ei aw tu ni ne, a cu ah ip tuk ci goi.

ATÜNNAK 35:22

Jakob cu cun ah khaw ung a om yah ung a hta Reuben la ak chuba Bilhah cu ng’yaw ci goi, cun cu Jakob naw hmat ci. Jakob cu gha lei goi ah hta ci.

ATÜNNAK 32:22

A cu mü Jakob cu tho law ne, ak chu goi la a chuba gui ni, a hta gha lei ät ni gui cu khah püi gui ne, Jabbok tuinu cu heikat ci gui.

ATÜNNAK 25:1

Abraham naw Keturah chu na tuba ci.

ATÜNNAK 16:3

Cun ah kyasei Sarai naw Hakarah cu a chu nak vai ah Abram am ap ci. Cun gui cu Abram Kanaan khaw ah kum gha a om kawn ah a mawng gui ah kyak ci.

ATÜNNAK 30:9

Leah naw amät kä hta ba khai ah hmat neta, Zilapah cu Jakob am chu na sak ci.

ATÜNNAK 30:4

Cun ah kyasei Rachelah naw Bilahah cu pe khäta, Jakob naw chu nak ci.

2 SHONTÄP NAK 11:21

Avan ah ng’dawn ah Rehoboam naw gha lei cheit chu nak ci, achu tuba chukkip lawk ci, ani cu pami m’ku lei cheit, hnumi chukkip ah hta ci. A chu gui avan la a chu ba gui avan ungka ani naw Maakah cu m’hni pi ci,

ATÜNNAK 29:1

Jakob cu hteit gäk gäk ne hnilaw lam khaw hmun ah gawk lawk ci.