ATÜNNAK 25:5 - Cho Bible Common Language 2016

⁵ Abraham naw a khawh avan cu Isaak am ap ci;

ATÜNNAK 25:5 Referans Kwoze

ATÜNNAK 24:36

Ka bawi ah chu Sarah cu a ghi law kawn ah pami ah hta ci nei. Ka bawi naw a htapa am a khawh avan hläät ci nei.

HEBRU 1:2

Cun ung phi shin ah ak hnubäih hnüüp gui ung läi A Htapa ung thu m’shäk lawk ci nei. A Htapa awn khopuui cu tüisho ne, kho ah kaa avan cu khäm khai ah Khanpughi naw A Htapa cu ghü ne m’düih ci.

KOLOSE 1:19

Cun cu amät Khanpughi ah m’hnütbäi ah kyasei, amät Khanpughi ah kümbe ciah a müi cu A Htapa ung om ci.

KALATIAN 4:28

Phäi nau gui aw, nangmi cu Isaak ah mäih ah Khanpughi ah shaitaak awn nami ng’tüi ciah hta gui nami kyak ci.

KALATIAN 3:29

Nangmi cu Bawi Khrit nami khäm ah a kyak ung, Abraham ah hta ng’shon ah kya u ne, Khanpughi ah a shaitaak cu nami gah khai.

ROMAN 8:32

Khanpughi naw amät ah Htapa cu kä ng’vang nah ne, chang van ah hmawk ah pe ne, na küikyan gui ci nei. A Htapa hngaw mikmi ah hmawk ah pek ciah Khanpughi naw, a päng avan cu, kä ng’vangca ah kä na pe gui ne kä om khai nei.

ROMAN 8:17

Mikmi cu Khanpughi ah hta gui ah mi kyak ci kyasei, ak chang gui ah hmawk ah Khanpughi naw am hnüt ah hrilham cu mi khäm khai. Bawi Khrit ah hmawk ah Khanpughi naw am hnüt ah bäkhäk nak cun phi mi khäm tuk khai. Mikmi cu Bawi Khrit awn a täng ah gein vai nak mi gah ah a kyak ung, ani awn a täng ah bämang nak phi mi gah khai.

JOHAN 3:35

Apa Khanpughi naw A Htapa cu m’hni aih netah, bämang nak avan cu akut ung ap ci.

MATTHE 28:18

Bawipa Jesuh cu ang düihpüi gui ah pei ah law netah, “Khankho la khomdek ung huham nak avan cu kei naw ka gah pyi ci nei,

MATTHE 11:27

Bawipa Jesuh naw, “Kapa naw a päng avan na pe pyii ci, Kapa ah kawn ah a hta hmat ci, a u kä om ci. A hta la a hta naw am dang gui ah chang ah kawn ah apa hmat ci a u kä om ci.

SAM 68:18

Ani cu ak hlüng nak pi ah hteit ne, akda pha ne hteh püi ci; Ani ng’küknet püi ci gui naw m’cümhnah pek ci gui. Bawipa Khanpughi cu a cu ah om khai nei.

JOHAN 17:2

Na Htapa ah kut ung na ap ah chang gui-am angtäi ghin nak a peit gui hning vai ah, nang naw Na Htapa-am chang nüng m’khüt nak ah hlüngtai nak cu na pe pyi ci nei.

ATÜNNAK 24:35

Bawipa naw a küikyang ah hriham pe ne ka bawi cu bühmang sak ci nei. Htome gui, me gui, seipat gui la ngui ni, ghui ni, changshäm hnumi gui ni, pami gui ni, kalauk gui ni, ng’se gui ni akda pe pyi ci nei.

ATÜNNAK 25:4

Midian ah hta gui cu Ephah, Epher, Hanok, Abida la Eldaah ah kyak ci. Shin gui ami van cu Keturah ah ng’shon gui ah kyak ci.

ATÜNNAK 26:14

Ani ung htawme gui, seipat gui, changshäm gui akda om ci. Cun ah phäh ah Philistin chang gui cu lamneng ci gui.