ATÜNNAK 25:23 - Cho Bible Common Language 2016

²³ Bawipa naw ani am, “Na puk kyong ah chang pakhui hnih om ci, Nang cu ng’lakmah ciah chang pa hnih ah na hta khai. Tumat cu gai pi khai, Ang vaipi cu ak hmaw pi ah täkphan ah om khai” cine pyen nak ci.

ATÜNNAK 25:23 Referans Kwoze

ATÜNNAK 27:40

Khim awn na hnun na m’ghin khai, Na nau ah changshäm ah na kyak khai, Na ng’küknet püi ung phi ani ah k’pan nak ungka a hei ah na gawk khai” cine pyen nak ci.

ATÜNNAK 27:29

Chang pakhui päng cu na changshäm ah kya ne, chang sing päng naw ning ng’coi paa na u sä! Na ng’khaw chang gui phung avan uk ä, na nu ah hta gui cu ng’coipaa law u sä. Nang ning m’tam ci phung cu m’tam nak gah sä, nang am hriham ning pek ci phung naw hriham gah sä” cine m’shum phyuk ci.

2 SAMUEL 8:14

Ani naw gakap phung gui Edom khaw avan ung m’düih sei, cun ung chang gui cu ani ah chang ah kya lawk ci gui. Bawipa naw David cu khaw nü ung näng nak pek ci.

1 SHONTÄP NAK 18:13

Ani naw gakap phung gui Edom khaw avan ung pyang sei, chang gui cu ghangpughang David ah ka ung om ci gui. Bawipa naw David am khaw nü ung näng nak pek ci.

ATÜNNAK 24:60

Rebekka cu anu pa gui naw shin ah ng’thu awn hriham pak ci gui: “Kami be aw, nang cu chang pilum ah Nu ah kya ä! Na htangshon gui naw ami ga gui ah mang gaw gui näng u sä!”

ATÜNNAK 17:16

Ani cu hriham ka pek khai, ani ung hta pami ka ning pek khai. Ani cu hriham ka pek khai, ani cu chang pakhui gui ah nu ah kyak khai. Ani ah htangshon gui cu ghangpughang ah kyak khai gui.

KHEI NAK 20:14

Moses naw Kadesh ungka naw Edom ghangpughang ah chang tüi ci. Ngami naw, “Shin cu Israel Pakhui, na mätyah ah thu m’khäh ah kyak ci nei. Keimi naw kami yaica nak ah khüikha nak gui cu nang naw na hmat ci.

1 GHANGPUGHANG GUI 22:47

Edom kho ung ghangpughang kä om ci; acun cu Judah ghangpughang naw am düih ah uktu naw uk ci.

ATÜNNAK 36:31

Israel khaw ung ghangpughang kä a om pha ung Edom khaw uk ciah ghangpughang gui cu shin ah kyak ci: Beor ah hta Bela, Dinhabah gawnu ungka, Zerah ah hta Jobab, Bozrah gawnu ungka, Husham, Teman kaw ah ka, Bedad ah hta Hadad, Avith gawnu ungka, (Ani naw Moab khaw ung Midianit chang gui cu tu ne näng gui ci.) Marsekah khaw ah kaa Samlah, Rehoboth khaw tui pei ah kaa, Shaula, Akbora ah hta Baala Hanam, Pau khaw ah kaa Hadad, (Akchu cu Mehetabela Matred pa na ne, Mezahab pughi nak ci.)

ATÜNNAK 33:3

Cun kawn ah Jakob cu ma ne hteit neta, m’dek ung chih vei kawp ne a phäi cu ng’paa nak ci.

ATÜNNAK 25:27

A hmaw goi cu ng’vai law ni neta, bä ciah sakaap ah kya law ne, bung k’pya ah hteit hton ci, Jakob cu adüm ah om ne im ah om ci.

ATÜNNAK 17:4

“Kei naw thukhän ka ning pek ci, nang cu pakhui akda ah pa ah na kyak khai ciah phi shai ka tak ci.

ATÜNNAK 32:6

A chang tüih gui cu Jakob ah law ba u neta, keimi cu na phäi Esau ah kami hteit pyi ci. Ani cu chang phia phli khah püi ne, ana a pawng vü pyi ci nei” cik ci gui.

ATÜNNAK 25:24

A hta nak vai ah akhin gawk law khäta, ani cu angphi pami goi ah hta ci.

ATÜNNAK 27:33

Isaak cu ang htei ah cäicat ne ng’thüng neta, “Sa ngawn ne shong ne na m’bei lawk cicu a u ang? Nang kä na law pha ung tuhbäi hta ng’lung ei yawp ne, hriham ka pe pyi ci nei, cun cu ngawi yä ani ah kaa ah kyak khai nei” cik ci.

THULÄÄN NAK 2:4

Shin ah m’shümthein nak gui ka ning pek gui vai ah ani naw na m’thein ci. Nangmi naw Edom khaw-gui kaan ne nami hteit khai kyak ci. Cun cu Esua ah htangshon gui, nangmi awn ng’shawng ne nami om ciah nami mätyah gui ah kyak ci. Ngami naw ning kyih gui khai gui.

THULÄÄN NAK 2:8

Cun ah kyasei keimi ng’plon u ne Elath la Ezionkeber gawnu goi ungka Tuisi Tuinu hteh nak lam hteh ta u ne, a siipkiang täng ah ng’hlat u ne Moab lam ah kami hteit ci.

ATÜNNAK 27:37

Isaak naw, “Ani cu nang ah bawi ah ka pyan pyi, mi ng’khaw chang gui avan ani ah changshäm ah ka k’bäi pyi, htang m’guh la sapyit avan ka ap pyi, tuhbäi nang ah phäh ah a i phi kä ka bi ba thei ci nei, ka hta aw” cine pyen nak ci.

ATÜNNAK 48:19

Apa naw ma neta, “Ka hta aw, ka hmat ci nei, ka hmat ci, Manasseh ah hta ng’shon cun phi chang kuikyang ah kyak khai nei. Cun ung phi anau cu cun ah däm pi ne, ani ah ng’shon cu pakhui küi ah kyak khai nei” cik ci.

1 SAMUEL 17:14

David cu ak hmawpi ah kyak ci, ang vai ba thum gui Saul awn a täng ah ami om yah ung,

OBADIAH 1:21

Jerusalem ung chang m’gäi gui naw, Edom cu tu ne näng ne uk khai gui. Bawipa amät cu Ghangpughang ah kyak khai.”