ATÜNNAK 25:22 - Cho Bible Common Language 2016

²² A kämah nak cu ang phi ah kya neta, kä a hta nak pha ung ngani cu puk kyong ah ng’tuk ci goi. Rebekka naw, “A i ah kya ne ang, kei ung shin ah a kiak?” cineta, Bawipa cu ng’shik khai ah hteit ci.

ATÜNNAK 25:22 Referans Kwoze

1 SAMUEL 9:9

Saul naw, “Nik khai nei! Ni hteit khai” cik ci. Cun kawn ah ngani cu theingcim ciah chang ah om nak ah hteit ci goi. Ngani cu gawnu lam khaw gui ung ani hang kai vü yah ung, tui than khai lawk ci gui ah hnumi hta gui cu hmuk ci goi. Ani naw hnumi hta gui ng’shi ni ne, “Gawnu ah mikhmuk ci om ne ang?” cik ci goi. (Cun yah ung prophet am mikhmuk ciah pyen ci gui, Khanpughi ng’shi hlük ciah chang phung naw, “Mikhmuk ciah mi hteit khai,” ci man ci.)

EZEKIEL 20:31

Tuhngawi phi, nangmi naw acun ah mäih m’cümhnah nak cu douthak u ne, acun ah agup gui am nami hta gui cu mei ung m’khih ne khawihnah u ne nami mät nami lelawi sak ci nei. Cun ung phi nangmi Israel chang gui cu law u ne, kei ah ka ng’yak hlü cu a i ah a kyak cu nami na ng’shi lawk ci nei! Akcang ah kei cu uktu Bawipa, Ghing ciah Khanpughi nei, nangmi naw kei nami na ng’shi vai cu kä ka yum ci nei.

1 SAMUEL 30:8

David naw Bawipa han ng’shi ne, “Cun ah tu lawk ciah chang gui ka läk gui vai aw? Ka pha gui vai aw” cik ci. Ani naw, “Ami hnu ah läk gui ä, pha gui ne, amo pha gui cu gung gui ä,” cik ci.

1 SAMUEL 28:6

Cun ah kyasei a i ka bik khai cine Bawipa cu ng’shik ci. Cun ung phi Bawipa naw kä m’shang pang ci, ng’mang ung phi kia, Urim, Thummim la prophet awn phi kä m’shang ci.

1 SAMUEL 10:22

Bawipa cu ng’shik ci gui, “A hei chang kä om ba ne ma?” Bawipa naw, “Saul cu ca om ci, i baw gui ah hnu ah ng’thup ci nei” cik ci.

EZEKIEL 36:37

Uktu Bawipa naw pyen ci, “Kei naw Israel gui cu ka m’htei htang gui vai ah ka k’thäh ba sak gui mä khai, kei naw ngami cu htome bum ah mäih ah ka dämda sak gui khai.

1 SAMUEL 22:15

Ä, Khanpughi ka ng’ge pai püi ci nei, cun cu ak htük bäih ah kä kyak ci. Ning hnu ng’tuk püi ciah a mawng kei phi, ka kyong ung a u phi kä na k’bün nen gui ä Bawimang. Shin ah mawng a i phi kei naw kä ka hmat ci nei!”