ATÜNNAK 24:7 - Cho Bible Common Language 2016

⁷ Khankhaw Khanpughi Bawipa naw ka pa ah im ungka la ka khaw chang gui ah khaw ungka, na law püi ne, shin ah khaw cu ka hta ah ng’shon am pek khai ah shaitak nak bi pyi ci nei. Ani naw khanchang gui cu na ma ah tüi law sei, ka hta ah chu vai cu nang naw na la hlawt khai nei.

ATÜNNAK 24:7 Referans Kwoze

HEBRU 1:14

Cun ung khanchang gui cu, a i gui ang? Ngami cu hun nak gah ciah chang gui m’hteihtang gui khai ah Khanpughi naw a tüih gui ah, Khanpughi ah khuut bik ciah mümcha gui ah kyak ci.

SAM 34:7

Bawipa m’tam khah ciah chang gui cu, ak khan kho chang gui naw ngäng ci gui, kyihkyawk nak nüng ung gung ci gui.

PHYAWN NAK 33:2

Lam ning m’shüm gui khai ah khanchang cu kei naw ka tüi lawk khai nei. Kanaanit gui, Amorit gui, Hittit gui, Perizzit gui, Hivit gui la Jebusit gui cu kei naw ka k’täm gui khai nei.

ATÜNNAK 13:15

Na hmuh bäät ah khaw avan cu nang la na htangshon am ka ning ap khai nei. Cun cu khawnglän ung na khaw ah kyak khai nei.

SAM 73:24

Nang naw na cüi vai nak awn lam na nam shüm ci, Ak hnu ah m’taam ne na na do khai.

SAM 32:8

Bawipa naw, “Na hteh nak vai ah lam ka ning m’thei khai; ka ning m’thein khai, ka ning m’hnuh khai.

PHYAWN NAK 32:13

Na changshäm gui Abraham, Issak la Jakob ni cu shüm ba gui ä. Ngami ah khan ah ng’awi gii ciah na shaitak cu shüm ba ä. Cun cu khomik ung aisi chü ah da sei ami hta ng’shon vai la ami hta ng’shon ung na pek gui vai ah na shaitak ah khaw avan cu khonglän ung ngami ah khawh ah kyak khai nei” na ciah kyak ci.

ATÜNNAK 15:18

Cun kawn ah Bawipa naw Abram ung thukhän bik ci. Ani naw, “Kei naw shai ka taak cu, shin ah khaw avan na htangshon gui am ka pe gui khai, cun cu Egypt khawgii ungka naw Euphratis tuinu ung khüt khai;

THU PHLAAN 11:13

Acun vai-am shihpi thüng ne ng’hmum law sei, mang gaw ah bumghaa ung bum ät cu di yawp ci, chang phia chih-kip phi si yawp ci gui. K’pawih ba ciah chang gui cu cäicat u ne, khanmawpi ah Khanpughi ah hlüngtai nak cu m’kümtou ci gui.

HEBRU 11:9

Ani cu Khanpughi ah shaitaak nak ah kho hei chang ah mäih ah a yum nak awn om tuk ci. Ani cu amät ah mäih ah Khanpughi ah shaitaak gah ciah Isaak la Jakob ah mäih ah phung tu ne om ci.

LAMKTU 7:5

Cun yah ung Khanpughi naw cun ah khaw ung Abraham am khawh a i phi kä pek ci, khomdek dawng veing hta phi kä pek ci. Cun ung phi cun ah khaw cu, amät am phi bäi, a hta nau gui am phi bäi avan ka ning ap khai ciah shai tak ci. Cun yah ung Abraham ung a hta kä om phak ci.

DANIEL 2:44

Cun ah uktu gui ah a khin ung khankho Khanpughi naw kä ng’pyi hlawt ciah uknak khaw cu m’düih khai. A cun cu a u naw kä näng hlawt khai, ani naw ahei uknak khaw gui cu m’di yawp ne, khonglän ung om khai.

SAM 103:20

Bawipa cu m’taam vä, nangmi khüighat ne m’gäi ciah khanchang gui, a thumkhän nami läk ci, a pyen phung nami ngai ci nei.

JOSHUA 1:6

Na khüighat vai, na thamah vai, nami pupa gui am ka shaitak ah khaw nami khäm law ba ung nang cu khawngmang ciah na kyak khai.

THULÄÄN NAK 34:4

Cun kawn ah Bawipa naw Moses a pyen nak cu, “Shin cu kei naw, Abraham ni, Issak ni, Jakob niam, ami htangshon gui am ka pek gui vai ah, shai ka tak ah khaw ah kyak ci nei. Keinaw ka ning hmuh sak khai, cun ung phi cun ah khaw ung kä ka ning hteh sak khai.”

THULÄÄN NAK 1:8

Shin ah khaw avan cu kei Bawipa naw nami pupa gui Abraham, Issak, Jakob la ami htangshon gui am ka pek ka shaitak ah kyak ci. Hteit ne khäm vä.”

KHEI NAK 32:11

“Kei naw ng’tam ne ka pyen cu, ngami kei ung kä ami hläkhäm ah hmawk ah, khaw kum ku law ci la cun ah däm pi ciah chang gui la Egypt khaw ah ka lawk ciah chang gui cu, Abraham, Isaak la Jakob ni am shai ta ne kei naw ka pek gui ah khaw ung kä lut tuk khai gui.

KHEI NAK 14:30

Cä ah nami om khai ah kei naw shai katak ci, cun ung phi Kaleb la Joshua ah kawn ah a u phi kä nami om tuk khai.

KHEI NAK 14:16

nang naw na chang gui cu bung ah na ngawn gui ci, a i ah kyasei ci ung nang naw na pek gui vai ah na shaitak ah khaw ung kä na hteh püi ba gui hlawt ah hmawk ah kyak ci.

PHYAWN NAK 13:5

Bawipa naw nami pupa gui am aktung ah shai a tak cu, Kanaanit gui, Hittit gui, Amorit gui, Hivit gui la Jebusit gui ah khaw cu a ning pek gui ah kyak ci. Ani naw bämang ne ng’lei nik ciah khaw ah a ning hteh püi ba gui ung, akum tä, a htük bäih ah cha ung nami bi vai.

ATÜNNAK 26:24

A cu mü Bawipa naw ng’dang law neta, kei cu napa Abraham ah Khanpughi ah ka kyak ci nei. Kä na kyih vai, kei naw ka ning om püi ci. Ka chang Abraham ung ka shaitak ah mäih ah hriham ka ning pek khai. Chang chün ah ka ning pungpiah sak khai.

ATÜNNAK 17:8

Tuhbäi khin ah kya ne na om nak ah shin ah khaw cu nang la na htangshon am ka ning ap khai. Kanaan khaw avan cu na htangshon naw angtäi sei khäm khai gui, kei cu ngami ah Khanpughi ah ka kyak khai.

JONAH 1:9

Jonah naw, “Kei cu Hebru chang nei, Khomdek la tuinu tüisho ciah Bawipa, Khankho Khanpughi cu ka khawihnah ci nei” cik ci.

ISAIAH 63:9

ami yaica nak avan ung ka hun gui ci. Cun cu khan khaw chang ah kä kyak ci, ngami hun gui cicu Bawipa amät ah kyak ci. Ani naw amhni nak la am gein nak aun ngami cu gung gui ci. Ng’pyi pyi ciah akhin ung ani naw angtäi sei m’hteih htang gui ci.

EZRA 1:2

Shin cu Persia uktubawi Sairus ah thumkhän nei. Bawipa, Khankho ah Khanpughi naw m’dek ah khan avan ka uk vai ah na pyang ci nei. Judah khaw Jerusalem ung ani ah phäh ah Taigüim cawh vai ah bi vai na pek ci nei.

SUKI GUI 2:1

Bawipa ah khanchang naw Kilkal ungka naw Bochim ah hteit neta, Israel gu a pyen nak gui cu, “Kei naw Egypt khaw ung ka ning plawk ba gui ne, nami pupa gui am shai ka taak ah khaw ung ka ning law püi gui ci. Kei naw ka pyen cu, ‘Nang mi awn ka thukhän cu api ah phi kä ka m’shet khai.

ATÜNNAK 16:7

Bawipa ah khankho chang naw, Hakarah cu Shura ah hteh nak lam tui pei ah hmu neta,

ATÜNNAK 21:17

Khanpughi naw a hmaw a kyah cu ng’ya neta, Khanpughi ah khankho chang naw Hakarah am, “Hakarah, a i ah na kyak ci ang? Kä na kyih vai, Khanpughi naw a hmaw ah kyah ng’yak ci nei.

ATÜNNAK 22:11

Cun ung phi Bawipa ah khankho chang khan ah ka naw, “Abraham, Abraham” cine khü ci. Abraham naw, “äi, ka om ci nei” cik ci.

ATÜNNAK 24:3

Khankhaw la khomdek ah Khanpughi Bawipa ah ming ung na ng’taam vai nei, ka hta ah chu vai cu shin ung om ci gui ah Kanaan khaw chang ungka kä na ghü en vai.

ATÜNNAK 24:40

Ani naw, “A ng’thu ka ngaih ah Bawipa naw khankho chang tüi law ne näng nak ning pek khai nei. Nang naw ka hta ah chu vai cu ka mät ah pakhui, ka pa ah kyong chang ungka na gah lawk khai nei.

KHEI NAK 11:12

Kei naw kä ka tüisho gui ci, kä ka hta na gui ci, ak gaw m’htei ah mäih ah m’htei gui ne, ami pupa gui ung na shaitak nak ah khaw ah ami gawk vai ah lam avan ung ak hmawhta ah mäih ah kut ung pawm ne, ka hteh püi gui vai ah a i vai na na khü ang?

JOSHUA 24:3

Cun kawn ah kei naw nami pughi Abraham cu Euphratis kaan nak ah khaw ungka la ne, Kanaan khaw avan ung ka gawk sak ci. Kei naw ani am htangshon akda ka pek ci. Issak ka pek ci.

SAM 136:26

Khankho khanpughi cu m’küi m’to vä; Ani ah m’hni nak cu ng’täi ci nei.