ATÜNNAK 24:65 - Cho Bible Common Language 2016

⁶⁵ Abraham ah chang cu, “Mikmi täng ah ana a vük ciah chang cu a u ang?” cine ng’shik ci. Ani naw, “Ani cu ka bawi nei” ci khäta, Rebekka naw hmai shung nak la ne a hmai shung ci.

ATÜNNAK 24:65 Referans Kwoze

1 TIMOTHI 2:9

Hnumi gui cun phi müisa ne nei aan khai ah ami suisak vai nei: lu m’kin ne, ghui shawi mo sawng, äh awi ne, aküi kyang ah, hnän thang binglawh ne kä ami kyak vai.

1 KORIN 11:10

Cun ah kyasei hnumi cun naw, khankho chang gui a kyih aa nak la a cei ah uknak kaa ah a om ah mawng am dang nak ah a lu a uk vai nei.

ATÜNNAK 20:16

Ani naw Sarah am, “Na phäi am ngui phia gha ka pek nei, cun cu nang awn nami om ciah chang avan changni ah nami kyak m’dang nak la chang nü naw katnak kä na bik ciah a hmat vai ah kyak ci” cine pyen nak ci.

ATÜNNAK 24:64

Rebekka naw Isaak cu hmu law ne, kalauk ungka kyum law neta,

ATÜNNAK 24:66

Changshäm naw, abi gui ah mawng avan cu Isaak am m’thein ci.

ATÜNNAK 38:14

Tama cu hmeinu ah sui ah a sui ng’thong ne, apum avan, a hmai avan shung khai ah suisa neta, Timnah ah hteh nak lam, Enaim pigaw m’kawt ung ana ngok ci. A i ah kyasei ci ung Judah ah hta hmawpi Shelah cu ng’vai law lang sei, Judah naw a hta am kä a chu nak sak ah phäh ah kyak ci.

ISAIAH 47:2

Getlung cu m’hlatä! Khai cu geetä! Na hmai uknak cu m’hlat ä! Na sui k’ni cu suut ä! Tui kah vai ah na k’hni cu zu chang ä!

ISAIAH 3:23

suinu ng’pam gui, linen kutghuh nak gui, hnü samsawm la lu ung sawm ah sam gui avan lak pe gui khai.