ATÜNNAK 24:52 - Cho Bible Common Language 2016

⁵² Cun ani cicu Abraham ah changshäm naw ng’ya neta, kawp ne Bawipa cu khawihnah ci.

ATÜNNAK 24:52 Referans Kwoze

ATÜNNAK 24:48

Kei naw m’khukdong ne Bawipa cu khawihnah neta, ‘Bawipa hlüngtai sä, ka bawi Abraham ah Khanpughi naw, lam ka hteh nak ung, ka bawi ah pakhui chang gui ah na hteh püi ci nei. Ka bawi ah hta ah chu vai phi ka hmu pyi ci nei’ ka cik ci.

ATÜNNAK 24:26

Cun ah chang naw, m’khudong ne kawp ne Bawipa khawihnah neta,

SAM 95:6

Law vä, ama ah kawp ne mi khawihnah khai; Na tüisho gui ciah Bawipa ah ma ah mi m’khuukdong khai nei!

2 SHONTÄP NAK 20:18

Cun kawn ah ghangpughang Jehoshaphat cu a hmai naw m’dek tawn khai ah kawp sei, chang gui ami van cu ani awn a täng ah kawp tu u ne, Bawipa cu khawihnah ci gui.

1 SHONTÄP NAK 29:20

Cun kawn ah David naw chang gui thumkhän gui ci, “Nami Khanpughi Bawipa m’hlümtai vä!” Chang hli ami van naw ami pupa gui ah Khanpughi Bawipa m’hlüngtai ci gui, ngami cu kawp u ne Bawipa m’tamkhah u ne, ami ghangpughang phi m’tamkhah ci gui.

MATTHE 2:11

Ngahmi cu im kyong ah va lut u netah, ak hmawhta cu anu Mari awn atäng ah hmuk ci gui. Cun kawn ah ngami cu m’khuukdoong ne kaup u netah, ami law püi ah ghui ni, Frankinsen tui ng’ui ni, mura tui ng’ui ni gui awn khawihnah ci gui.

ATÜNNAK 24:51

Rebekka cu na ma ah om ci nei, hteh püi ä, Bawipa naw a pyen ah mäih ah na bawi ah hta ah chu ah kya sä” cik ci gui.

1 SAMUEL 1:28

Cun ah kyasei kei naw Bawipa am ka ap ci. Ani a ghin ah chuih, ani cu Bawipa naw khäm khai” cik ci. Cun kawn ah ngami naw a cu ah Bawipa cu khawihnah ci gui.