ATÜNNAK 24:45 - Cho Bible Common Language 2016

⁴⁵ Ka taigü kä a ng’pyi pha ung Rebekka cu ak phleing ung tui hlüng tai ne kawt ne tui than khai ah lawk ci. Kei naw “Tui na tu tu ä” ci ngä sei,

ATÜNNAK 24:45 Referans Kwoze

LAMKTU 10:30

Konelius naw, “hnüüp thum lüng lawk ciah kho hnüüp ät, kho k’awi nayi thum ung kei cu im kyong ah taigü ne ka om ci. Cun yah ung pyü ne ng’shü sei suisak ciah chang tumat cu ka ma ah ng’düi law ne,

MATTHE 7:7

‘Ng’yoi vä nami gah khai, shui vä nami hmuk khai, kshoh cu khäk vä ning hmawn pe gui khai.

DANIEL 9:23

Nang naw Khanpughi ah na ng’coipa sangung ani naw ning m’shang ci. Ani naw ning m’hni gui ci, cun ah kyasei ani naw a ning m’shan nak gui cu kei naw law püi ne ka ning m’thein gui ci. Tuhbäi muimang phlan ne ka ning m’thein gui yah ung geing na ne nami ngaih vai nei.

ISAIAH 65:24

Kei ah ami taigü law kä ang pha ung, ngami ah taigü cu kei naw ka m’shang khai.

ROMAN 8:26

Acun sang ung Mumcha naw ak tha ken ciah mikmi cu nam htei gui khai ah gawk lawk ci. Mikmi naw a i chaa taigü vai kä mi hmat ci; m’gawng shai awn kä pyein thei vai ah ak aw awn, Mumcha amät naw, mikmi ah hmawk ah Khanpughi ah na ng’yoih pe gui ci.

DANIEL 9:19

Bawipa, na ng’ya gui ä. Bawipa na m’geinsei gui ä. Bawipa na ngai gui ä, hnün tho ä Cun ung chang nü naw nang cu Khanpughi ah hmat khai gui nei, kä shoshü enä, Shin ah mang gaw la shin ah chang gui cu nang ah kaa gui nei.”

ISAIAH 58:9

Nami k’taigü ung ka ning m’shang gui khai, nami na khü ung ka äi khai. “Zawhnem nak, tawk ne shedam nak lo thu she gui cu.

NEHEMIAH 2:4

Uktubawi naw, “Cun ung nang naw a i ang na ng’yak hlü?” Kei naw khankhaw Khanpughi ah ma ah taigü neta,

2 SAMUEL 7:27

Hlüngtai ciah Bawipa, Israel gui ah Khanpughi! Kei naw nang ah shin ah taigü ka taigü vai ah tha gui om ci nei, a i ah kyasei ci ung nang naw shin gui avan cu kei, na changshäm ung na m’dang ci, ka hta ng’shon gui ghangpughang ah na pyang gui khai ah phi na na m’thein ci nei.

ATÜNNAK 24:44

Ani naw yum ne ka kalauk gui ah awk vai phi tui than law ne a kyak ung, cun cu ka bawi ah hta ah chu vai nang naw na ghü ah kyak khai nei.