ATÜNNAK 24:40 - Cho Bible Common Language 2016

⁴⁰ Ani naw, “A ng’thu ka ngaih ah Bawipa naw khankho chang tüi law ne näng nak ning pek khai nei. Nang naw ka hta ah chu vai cu ka mät ah pakhui, ka pa ah kyong chang ungka na gah lawk khai nei.

ATÜNNAK 24:40 Referans Kwoze

PHYAWN NAK 23:20

“Kei naw khankho chang cu na ma ah ka tüi lawk khai. Ani aw nami hteh nak ah lam ung ning shung vong gui ne, ka ning pyan pek gui ah hmun ung ning law püi gui khai.

SAM 16:8

Kei cu angtäi sei Bawipa ah ma ah ka om ci; ani naw na et sei, kei cu a i naw kä na k’hnün hlawt ci.

PHYAWN NAK 33:2

Lam ning m’shüm gui khai ah khanchang cu kei naw ka tüi lawk khai nei. Kanaanit gui, Amorit gui, Hittit gui, Perizzit gui, Hivit gui la Jebusit gui cu kei naw ka k’täm gui khai nei.

ATÜNNAK 17:1

Abram a khawkum 99 a law sang ung Bawipa cu Abram ah ma ah dang law neta, “Kei cu Hlüngtai ciah Khanpughi ah ka kyak ci, ka ng’thu ngai ne angtäi sei düng cicu na bi vai.

ATÜNNAK 5:24

A ghin nak avan cu Khanpughi awn atäng ah ghin om ci. Ani cu Khanpughi naw ak thuuk ah khah püi sei ak hnu ah kä ng’dang law ba ci.

THU PHLAAN 22:16

“Kei Jesuh naw nangmi Khrithabum gui-am shin ah a mawng gui cu shäu ne ning m’thein gui khai ah ka khankho chang cu ka tüi lawk ci nei. Kei cu David ah hta ng’shon ah ka kyak ci, ng’shü ne khang ciah thaihke aisi ah phi ka kyak ci.”

HEBRU 1:14

Cun ung khanchang gui cu, a i gui ang? Ngami cu hun nak gah ciah chang gui m’hteihtang gui khai ah Khanpughi naw a tüih gui ah, Khanpughi ah khuut bik ciah mümcha gui ah kyak ci.

DANIEL 3:28

Ghangpughang naw, “Shadrak, Meshak la Abedneko ah Khanpughi cu m’hlüngtai vai ani naw a khanchang tüi law ne, ani ah bii bi ne, ani ung ng’ap ciah shin ah chang gui cu gung gui ci nei. Ngami naw kei ah thu ka ngai u ne, ami mät ah Khanpughi ah kawn ah, ahei khanpughi khawihnah ne ami m’khuk dong nak vaisü ung, ami ghin nak pek ci gui nei.

SAM 91:11

Khanpughi naw nang ning ngäng khai, na hteh nak päng ah ning m’htei khai ah a khanchang cu yuk chah lawk khai.

SAM 1:3

Cun ah chang cu tui kem ah ghing ciah sing ah mäih ah, a m’theih khin ung m’theih ne, a hnah kä ng’yai phung ciah sing ghing ah mäih ah kyak ci. A bi nak phung ung m’khüt näng nak om ci.

2 GHANGPUGHANG GUI 20:3

“Bawipa, na shüm ä, kei cu bekhüt ne htingling ne nang ah bi ka bik ci nei. Nang naw ka bi vai ah na ng’yak hlü cu angtäi sei k’tha na ne ka bik ci nei,” ci neta ani cu aktä ah kyap ci.

1 GHANGPUGHANG GUI 8:23

taigü ci, “Israel gui ah Bawipa Khanpughi khankho ung phi m’dek khan ung phi, nang ah mäih Khanpughi kä om ci nei! Nang naw na chang gui ung na thukhän cu nak pang ci, ami m’lung-ngaih avan awn nang ning ngai ne ami om sangung nang naw na m’hni nak cu na m’dang gui ci.

ATÜNNAK 48:15

Cun kawn ah Joseph am hrilham a pek cu; “Kapa Abraham la kapa Isaak ah khawihnah ah Khanpughi naw, Shin ah a hmaw goi cu hriham pe goi sä. Tuh ngawi lam na m’shüm ciah Khanpughi naw hrilham pe goi sä!

ATÜNNAK 24:7

Khankhaw Khanpughi Bawipa naw ka pa ah im ungka la ka khaw chang gui ah khaw ungka, na law püi ne, shin ah khaw cu ka hta ah ng’shon am pek khai ah shaitak nak bi pyi ci nei. Ani naw khanchang gui cu na ma ah tüi law sei, ka hta ah chu vai cu nang naw na la hlawt khai nei.

ATÜNNAK 6:9

Shin cu Noah ah mawng ah kyak ci. Noah bäng cu ng’düng ci, chang k’ni, Khanpughi yumhni ciah kyak ci.

ATÜNNAK 5:22

Cun kawn ah a khawkum 300 güt ung Khanpughi awn atäng ah ghin om ne,

THU PHLAAN 22:8

Shin ah a mawng ama gui hmu ng’yak cicu kei Johan ah ka kyak ci nei. Kei naw shin ah a mawng gui ka hmuh ng’yak kawn ah kei cu khankho chang ka khawihnah khai ah a khaw pei ah ka kawp ci.

1 GHANGPUGHANG GUI 2:3

Bawipa na Khanpughi naw bi vai ah ak bäi cu na bi vai. Moses ah thukhän ung guk ah thukhän gui la Thumkhän gui avan cu na läk vai, cun ah kyasei na hteh nak päng ah na bi nak päng ung bämang nak om khai.

ATÜNNAK 24:56

Ani naw, “Kä na m’shawt hnga vä, Bawipa naw ka hteh nak ung näng nak na pe pyi ci, ka bawi ah ka hteit ba khai nei” cik ci.

1 GHANGPUGHANG GUI 3:6

Solomon naw, “Nang naw angtäi sei, na changshäm kapa David ung dämduh ciah m’hni nak cu na m’dang ci. Ani cu nang ung ang mätyah nak awn ni ne, bekhüt ne, düng ciah kyak ci. Nang naw k’täi ne, amät ah hnün ung tuhngawi uk ba khai ah htapa pe ne, dämduh ci la ng’täi ciah na m’hni nak cu na m’dang ci.