ATÜNNAK 24:35 - Cho Bible Common Language 2016

³⁵ Bawipa naw a küikyang ah hriham pe ne ka bawi cu bühmang sak ci nei. Htome gui, me gui, seipat gui la ngui ni, ghui ni, changshäm hnumi gui ni, pami gui ni, kalauk gui ni, ng’se gui ni akda pe pyi ci nei.

ATÜNNAK 24:35 Referans Kwoze

ATÜNNAK 24:1

Abraham cu ang htei ah ghi lawk ci, Bawipa naw a bi päng cu hriham pek ci.

ATÜNNAK 13:2

Abram cu htawme, me, seipat la ghui ngui gui awn büh mang ci.

NG'THU K'THUUK~ 10:22

Bawipa ah hriham naw bämang nak ning pek ci, Cun ah bämang nak ung thüisei nak kä ng’caw ci.

SAM 107:38

Ani naw a chang gui cu m’shum phyuk gui sei akda ah hta nau ci gui; ami sei mak gui kä ken nin law vai ah cik ci.

MATTHE 6:33

Khanpughi ah uknak kho la ang düng nak cu akhtük bäih ah nami shui vai, cun kawn ah a päng avan cu ning pe gui khai.

SAM 18:35

O Bawipa, na shungvong ne, na na hun ci; Na k’pat kut naw na bä khäk sak ne, Na huham nak naw na phyawn gai sak ci.

ATÜNNAK 25:11

Abraham a sih kawn ah Khanpughi naw Isaak cu hriham pek ci. Ani cu “Ghing ne kei na hmuk ciah tuishawk” ah pei ah om ci.

ATÜNNAK 12:2

Nang cu akda ah ka ning shon sak khai. Na htangshon cu pakhui küüi ah kyak khai. Hriham ning pe ne na ming ka ning thangsak khai. Nang cu chang gui ah hriham ah na kyak khai.

1 TIMOTHI 4:8

Pumsa lam ung thei nak cu bä kung ci, cun ung phi mümcha lam ung thei nak cu, a mawng avan ung, tuhbäi la ngawi yä ghin nak vai ah bä pi bäih ci.

SAM 112:3

Ani ah kyongkhui cu bäkhäk bühmang khai, ani cu ngawi yä bä m’cam khai.

JOB 1:3

Ani ung htome phya chih kip, kalauk phya thum kip, seipat phya gha la ng’sela phya hma om ci. Anu ung a changshäm phi akda om ci, Ani cu ak kyang täng ung ang bühmang pi ah kyak ci.

ATÜNNAK 49:25

Nang ning m’htei cicu napa ah Khanpughi ah kyak ci, M’gäi ciah Khanpughi ah kya ne hrilham ning pek ci, khan ah ka khaw aa awn hrilham ning pek ci, m’dek ah ka ah thuuk ciah tuinu ning pek ci, sei ah pung nak la chang ah da nak ah hrilham ah kyak ci.

ATÜNNAK 12:16

Ghangpughang naw cun ah hnumi ah phäh ah Abram cu khinchah na ne, htaw gui, me gui, vantang gui, sela gui, kala uk gui la changshäm gui akda cu pek ci.

NG'THU K'THUUK~ 22:4

Bawipa cu läk äm’lung neim sak ä, cun ung na bühmang khai, m’tamkhah nak na gah khai, akshou na ghing khai.

LUKA 12:45

Cun ung phi cun changshäm khawngmang cicu ka bawipa kä law ba yäk khai cine ngai ne, abü bü ei-aw ne ak changshäm hnumi pami gui, m’ghuih teeuh gui ne a kyak ung,

ATÜNNAK 12:3

Hriham ning pek ci cu, Hriham ka pek khai, Ning plah taam ci cu, Ka plah taam khai, Nang ung chang pakhui avan cu, Hriham ka pek khai” cine pyen ci.

ATÜNNAK 25:5

Abraham naw a khawh avan cu Isaak am ap ci;

ATÜNNAK 30:43

Jakob cu ang htei ah ng’büh mang lawk ci. Ani ung htawme gui, kalauk gui, ng’se laa gui la changshäm gui akda om ci.