ATÜNNAK 24:31 - Cho Bible Common Language 2016

³¹ “Kami im ah law ä, a i ah kyasei akpung ah na ng’düih ang? Ka im ah na om nak tu vai ah kyong om ci nei, kalauk gui ah om nak vai phi om ci nei” cik ci.

ATÜNNAK 24:31 Referans Kwoze

RUT 3:10

Ani naw, “Bawipa naw hriham ning pe sä, nang naw tuhbäi ung bä ciah kyong khui mah nak cu, na cei ah nu ah khan ah na bi ah ta, bä pi khai ah na m’dang ci nei. Nang naw ak pyam amg mang hmaw chang akda om sei phi, a u kä na cei nak ci.

ATÜNNAK 26:29

Nang naw phi kä na na plawh kheih gui vai, keimi naw phi kä kami ning plawh kheih khai. Keimi naw kami ning m’hni ci nei, akding gei ah na hteh ba sak gui ä. Nang cu Bawipa naw hriham a pek ah na kyak ci nei” cik ci gui.

SAM 115:15

Khankho la khomdek tüisho ciah Bawipa naw, nang cu hriham ning pe sä!

SUKI GUI 17:2

Ani naw anu am,” Na ngui pit phia gha kei ät ami m’guk sang ung, nang naw m’guk ei cu na plah tam ci. Cun ah na bi cu kei naw ka ng’yak ci. Teng ä, cun ah ngui kei ung om ci nei, cun ah ngui lak cicu kei nei” cik ci. Anu naw, “Bawipa naw hriham ning pe sä, ka hta aw!” cik ci.

NG'THU K'THUUK~ 18:16

Htingling ciah chang na hmuh hlü ung, m’cümhnah nak na thak vai, cun ung na hmu yai khai.

NG'THU K'THUUK~ 17:8

Chang amshah naw ng’mu bi cu cecai ah maih ah ngai ci gui, cun naw avan bi hning khai ah ngami naw yum ci gui.

ATÜNNAK 18:3

“Bawipa, kei ah im ah kä ng’düm ah kä hteit en ba vä, kei naw ka ning khin na gui cang khai nei.

ATÜNNAK 19:2

“Saya goi aw, ka im ah law niä, ka ning khin ah goi khai nei. Na ni khaw m’si niä, a shi ah mü ip neta, angdawt ah tho ne khawngawi ah hteit ba niä” cik ci. Ngani naw, “Ka, kei ni amü pum ung mang gaw ng’lung ung kani om khai nei” cik ci goi.

ATÜNNAK 19:3

Cun ung phi ling ne khü goi khäta, ngani cu a im ah hteit tuk ci goi. Lotah naw a changshäm gui am khin gui ah ei vai m’htut pyan sak gui ci. Cun ah pyang u sei ngami naw ei ci gui.

ATÜNNAK 24:30

Laban naw hnga naak la abe ah kut ung om ciah kutcüp cu hmu pyi ci. Lawk ciah chang ah ng’thu, abe naw am thein phi ng’ya pyi ciah kyak ci. Ani cu tuishawk ah pei, kalauk gui ah pei ah ng’düi ciah Abraham ah chang ah hteit neta,

ATÜNNAK 29:13

Apa naw atu Jakob ah mawng ng’ya neta, ana dou khai ah dawng ne, ana kyawp ne, ng’ui neta a im ah hteh püi ci. Jakob naw Laban am a mawng avan cu m’thein tu khäta,