ATÜNNAK 24:15 - Cho Bible Common Language 2016

¹⁵ Cun ah taigü ne kä ang pyi pha ung, Rebekka cu ak phleing ung tui hlüng tai ne kawt ne gawk lawk ci. Ani cu Bethuela ah hta hnumi ah kyak ci. Bethuela cu Abraham ah phäi Nahor la akchu Milkah ah hta ah kyak ci.

ATÜNNAK 24:15 Referans Kwoze

ATÜNNAK 11:29

Abram naw Sarai chu nak ci, Nahor naw Milakah chu nak ci. Milakah cu Haran ah hta hnumi ah kyak ci. Iskah cu ani ah hta ah kyak ci.

ISAIAH 65:24

Kei ah ami taigü law kä ang pha ung, ngami ah taigü cu kei naw ka m’shang khai.

ATÜNNAK 24:45

Ka taigü kä a ng’pyi pha ung Rebekka cu ak phleing ung tui hlüng tai ne kawt ne tui than khai ah lawk ci. Kei naw “Tui na tu tu ä” ci ngä sei,

ISAIAH 58:9

Nami k’taigü ung ka ning m’shang gui khai, nami na khü ung ka äi khai. “Zawhnem nak, tawk ne shedam nak lo thu she gui cu.

SAM 65:2

a i ah kyasei ci ung nang naw taigü cu na ngai ci. Kho nü ung ka chang gui cu law u ne, ami katnak cu khei lawk khai gui nei.

SAM 34:15

Bawipa naw düng ciah chang gui cu teng khen gui ci, ami ng’khü phi ngai pe gui ci.

RUT 2:17

Ruth naw khomü hün güt ung lai ah htang vui kawk ne, leh ne k’ceiu neta, htang pye m’ku lei hma gah ci.

RUT 2:2

Hnü ät ung Ruth naw Naomi am, “Lo ah na hteh sak ä, geit khäm ci gui naw ami hma ah htang vui gui cu ka khä khai nei. Kei awn ng’gui Ne na bi püi khai ah chang cu akcang ah ka hmuk khai nei” cik ci. Naomi naw, “Ka hta hnumi aw hteit ba ä” cik ci.

ATÜNNAK 29:9

Jakob naw ang thu püi gui yah ung Rebekka cu htawme gui hoi ne gawk lawk ci.

ATÜNNAK 24:24

Hnumi hta naw, “Ka pa cu Nahor la Milkah ah hta Bethuela ah kyak ci nei.

ATÜNNAK 11:27

Shin gui cu Terah ah htangshon gui ah kyak ci. Terah cu Abram, Nahor la Haran ah hta ci. Haran cu Lota ah hta ci,

NG'THU K'THUUK~ 31:27

Ani cu angtäi sei tawt aih ci, akyong khui ung hlü cicu teng ne m’htei ci.

ATÜNNAK 21:14

A ngawi ung khawngawi hta Abraham naw, Hakarah am m’htut la tui um pe ne, a hta cu mäm sak neta, a hei ah hteh sak ci. Ani cu ng’düi law ne hteit ne, Beerasheba bung ah hteit shüi shüi ci.

ATÜNNAK 24:14

Kei naw, ‘Tui ka aw tuk khai, na tui hlüng cu hmoh ä’ ka ci ung, ‘Aw tu ä, na kalauk gui ah awk vai phi, tui ka law püi khai nei’ cik ciah hnumi hta cu, na changshäm Isaak ah hmawk ah nang naw na ghü ah kyak khai nei. Cun cu akcang ah a kyak ung, ka bawi ung na bi ah na shaitak cu kümbe ciah ka hmat khai nei” cine taigü ci.

ATÜNNAK 25:20

Isaak cu a khaw kum phlikip ung (Mesopotamia khaw, Aramean chang) Bethuela ah hta, Laban ah be, Rebekka awn ng’chungla ci goi.

ATÜNNAK 29:5

Ani naw, “Nahor ah hta Laban nami hmat ne ang?” cine ng’shi gui ci. Ngami naw, “Ä, kami hmat ci nei” cik ci gui.