ATÜNNAK 24:14 - Cho Bible Common Language 2016

¹⁴ Kei naw, ‘Tui ka aw tuk khai, na tui hlüng cu hmoh ä’ ka ci ung, ‘Aw tu ä, na kalauk gui ah awk vai phi, tui ka law püi khai nei’ cik ciah hnumi hta cu, na changshäm Isaak ah hmawk ah nang naw na ghü ah kyak khai nei. Cun cu akcang ah a kyak ung, ka bawi ung na bi ah na shaitak cu kümbe ciah ka hmat khai nei” cine taigü ci.

ATÜNNAK 24:14 Referans Kwoze

SUKI GUI 6:37

Kei naw htang m’häi nak ah m’dek ung htawmu ka m’shän khai. A ngawi ung khawngawi htawmu bang ah khan ah k’dam baw ne, m’dek ung kä baw ne a kyak ung, nang naw kei cu Israel gui gun vai ah na na mang ciah ka hmat khai nei” cik ci.

SUKI GUI 6:17

Kideon naw, “nang cu kei ung na yeikyai ciah a kyak ung, nang cu Bawipa akcang ah na kyak ah mawng kei am anm dang law ä.

ATÜNNAK 15:8

Abram naw, “Uk ciah Bawipa, shin ah khaw ka khäm ah mawng cu a i cha ah ka hmat khai ang?” cine ng’shik ci.

ISAIAH 7:11

“Bawipa na khanpughi naw m’hnüt nak aning pek vai ah na k’thäh vai. Cun cu shi nak ah khaw ung zu thuk ciah phi kya hning ci, Khankhaw ah hang hlüng ci ung ka ah phi kya hning ci nei.”

NG'THU K'THUUK~ 19:14

Chang naw anupa ah khawh la im cu pakhui m’dung hning ci, Cun ung phi langkha ciah chu cu Bawipa bang naw pe hning ci.

2 SAMUEL 5:24

Sing ghing pam ah ka naw ami kaan law ah k’aw nami ng’yak ah a kyak ung, cun kawn ah nami tuk gui vai, kei cu nangmi ah ma ung ma ne hteit ne Philistin gakap gui cu ka hnim gui khai” cik ci.

SUKI GUI 18:5

Ngami naw ani am, “Keimi kami hteh nak ung m’khütnäng nak a om vai ah Khanpughi na ng’shi pe gui ä” cik ci gui.

ROMAN 1:10

Kei naw ka taigü khin päng ung ka ning shüm gui cu Khanpughi naw hmat ci. Khanpughi naw ang yak hlü a om ung kä shou pha sei nang mi ah om nak ah ka gawk law vai ah ka taigü ci nei.

2 SAMUEL 20:9

Joab naw Amasa am, “Na gai ne ang, ka teih püi? cine, ng’ui khai hlawk ah akpat lam kut awn am gawng mu cu k’pang ci.

1 SAMUEL 20:7

Ani naw, “Bä khai, a ci ung ka phyawng khai; cun ung phi ani am lung she ah a kyak ung, na cik khai ah k’bäi ciah na hmat khai.

ATÜNNAK 24:44

Ani naw yum ne ka kalauk gui ah awk vai phi tui than law ne a kyak ung, cun cu ka bawi ah hta ah chu vai nang naw na ghü ah kyak khai nei.

ATÜNNAK 24:13

Kei cu gawnu ungka ng’lamihta gui law ne tui ami than nak ah tui shawk pei ah ka om ci.

ATÜNNAK 24:15

Cun ah taigü ne kä ang pyi pha ung, Rebekka cu ak phleing ung tui hlüng tai ne kawt ne gawk lawk ci. Ani cu Bethuela ah hta hnumi ah kyak ci. Bethuela cu Abraham ah phäi Nahor la akchu Milkah ah hta ah kyak ci.

ATÜNNAK 24:18

Hnumi hta naw, “Aw toä” ci neta, a phleing ungka tui hlüng cu ak yang ah hmoh ne awk tu sak ci.

ATÜNNAK 24:19

Aw yawp khäta, “Na kalauk gui naw chum ne ami awk vai ah tui ka than law ba khai nei” cik ci.

ATÜNNAK 24:43

Kei cu tuishawk pei ah ka om ci. Tui than khai hnumi hta a law ah a kyak ung, a tui hlüng ungka tui a na tu tu vai ah ka k’thäh khai.