ATÜNNAK 23:9 - Cho Bible Common Language 2016

⁹ A lai kit ah om ciah Machpelah khui cu ka hleih vai ah na pe tuba sä, a phu k’be ah nami ma ah ka hleih khai nei, cun cu ka mät ah kaa, ng’cim hmun ah kyak khai nei, na pyen pe vä” cine pyen ci.

ATÜNNAK 23:9 Referans Kwoze

ROMAN 13:8

Nang mi tumat la tumat nami ng’yumhni tu ah kawn ah a i pupawn phi kä om men sä. A paw chang m’hni ciah chang cu thukhän läk ciah kyak ci.

ROMAN 12:17

Nami khan ah akshe bi lawk ciah a om ung akshe awn kä nami thung ba vai, chang gui ah maa ah ni kyom nak nami bi vai ah nami k’tha nak vai.

ATÜNNAK 23:4

“Kei cu khin ah kya ne nami ng’lung ah ka om tuk ci; ka chu ka k’phuh nak vai khaw hmun na pe tu vä” cine pyen ci.

ATÜNNAK 23:8

“Nangmi naw ka chu ka m’cim tu vai ah nami ng’yak hlü ah a kyak ung, Zohar ah hta Ephron cu na ng’shi pe vä.

ATÜNNAK 23:10

Ephron amät cu Hittit chang gui awn a täng ah mang m’kawt pei ah ngok ci kya neta, ani naw chang avan ah ng’yak vai ah,

ATÜNNAK 25:10

Cun cu Hittit chang gui ah ka, Abraham naw a thon ba ah kyak ci. Abraham la ak chu Sarah cu a cun ung m’cim goi ci gui.

ATÜNNAK 49:29

Jakob naw a hta gui thumkhän gui ne, “Tuhbäi ka chang gui ah sih nak khaw ah ka hteit lawk khai, Hittite chang Ephron ah lo kapa ah phuh hmun ung nami na m’ciim vai nei.

ATÜNNAK 50:13

A gook cu Kanaan khaw ah kawt ba u ne, Abraham naw Hittit chang Ephron ah ng’cim hmun vai ah a thon ba ah Mamre lai ah a kiangtäng Makpelah phuh hmun ung phuh ci gui.

1 SHONTÄP NAK 21:22

David naw ani cu pyen nak ci, “Na khlang cu na yawih na ä, kei naw Bawipa ah sonkiang shin ung ka co khai nei, cun ung leigai cu ng’düm lawk khai. Kei naw a phu akbe ka ning pek khai nei.”

1 SHONTÄP NAK 21:24

Cun ung phi ghangpughang naw, “Ka nei, kei naw a phu akbe ah ka ning pek khai nei. Kei naw nang ah ka a i phi Bawipa am douthak ah kä ka pek khai nei, kei naw a phu kä ka pek kä ka mang khai nei” cik ci.