ATÜNNAK 23:6 - Cho Bible Common Language 2016

⁶ “Saya aw ngai ä, nang cu angvai hta ah kami ning ngai ci nei; keimi ung om ciah ng’cim hmun akni pi ung nak chu cu m’cim ä. Ng’cim hmun kami ning pek ah phäh ah keimi kami van kami yei khai nei” cik ci gui.

ATÜNNAK 23:6 Referans Kwoze

ATÜNNAK 24:35

Bawipa naw a küikyang ah hriham pe ne ka bawi cu bühmang sak ci nei. Htome gui, me gui, seipat gui la ngui ni, ghui ni, changshäm hnumi gui ni, pami gui ni, kalauk gui ni, ng’se gui ni akda pe pyi ci nei.

ATÜNNAK 14:14

Atu ami pha ah mawng cu Abram naw ng’ya neta, ng’tuk bik khai ah am theithang gui avan 318 cu khü gui ne, ghangpughang phli cu Dan gawnu ah khüt sei k’täm gui ci.

ISAIAH 45:14

Bawipa naw Israel gui pyen ah gui ci, “Egypt la Sudan gui ah ami khawh cu, nangmi ah kaa ah kyak khai nei, däm ng’sau ciah Seba gui cu nami Khleiktein ah kyak khai gui nei; ngami naw m’sigui awi ne ning läk gui khai gui nei. Ngami naw nami ma ah m’khukdong u neta, ng’kiaa ne pyen khai gui, khanpughi cu nangmi awn atäng ah om ci, ani bäng nei khanpughi.

PHYAWN NAK 32:22

Aaron naw, “Kei ah khan ah kä na m’lungshe en vai nei. Shin ah chang gui naw a i hlawk ah akshe ami bi hlü cu nang naw na hmat ci nei.

ATÜNNAK 44:8

Na hmat ah mäih ah kami ng’ip ung om ciah ngui phi Kanaan khaw ah ka kami law püi ba nei. A i ah kyasei keimi naw na bawi ah im ungka ngui ghui kami m’guuk vai ang?

ATÜNNAK 44:5

A i ah kyasei ka bawi ah ngui khap nami ng’guuk ang? Shin cu ka bawi ah awk nak, cüivai nak ah khap ah kyak ci, nangmi naw akshe pi nami bi pyi ci nei” cine na kyak nak gui vai, cine m’cäi ci.

ATÜNNAK 42:10

Ngami naw, “Bawi aw, keimi cu na na chang gui nei, ei kami khleih khai ah kami lawk ci nei.

ATÜNNAK 32:18

“Shin gui cu changshäm Jakob ah kaa gui nei, a bawi Esau am a pek vai ah kami law püi nei. Jakob a mät phi hnu ah lawk ci nei” cine nami pyen vai cine m’cäi gui ci.

ATÜNNAK 31:35

Rachelah naw apa am, “Na ma ah kä ka ng’düih law cu kä na na gen vai nei, kei cu ka cha shui om yah ci nei” cine pyen nak ci. Laban naw a i ah shui ne phi a khanpughi cu kä hmuk ci.

ATÜNNAK 24:18

Hnumi hta naw, “Aw toä” ci neta, a phleing ungka tui hlüng cu ak yang ah hmoh ne awk tu sak ci.

ATÜNNAK 21:22

Cun sang ung Abimelek la a gakap bawi Phikol cu Abraham ah law ni neta, “Na bilawh nak päng ung Khanpughi naw ning om püi ci.

ATÜNNAK 18:12

Cun ah kyasei Sarah cu amät gaih neta, “Kei phi ka ghi lawk ci, ka cei phi ghi lawk ci, Kani ip om ba hning kheng khai aw?” cik ci.

ATÜNNAK 13:2

Abram cu htawme, me, seipat la ghui ngui gui awn büh mang ci.

RUT 2:13

Ruth naw, “Nang naw na na m’gein aih ci nei, bawi aw, kei cu na changshäm tumat hlawk ah phi kä ka kyak pang ung phi, nang naw ang awi gii ah ng’htau ne na na yeikyai sak ci nei” cik ci.

ATÜNNAK 20:7

Cun ah kyasei hnumi cu a cei am na ap ba vai nei, a cei cu prophet nei, ani naw ning taigü pe sei, nang cu kä na sik khai nei. Kä na ap ba läi ung nang la na chang gui ami van cu nami si yawp khai nei, ciah ka ning m’thein ci nei” cik ci.

ATÜNNAK 23:5

Ngami naw,

ATÜNNAK 23:7

Abraham naw ami ma ah kawp neta,