ATÜNNAK 23:2 - Cho Bible Common Language 2016

² Ani cu Kanaan khaw Hebron gawnu ah si khäta, Abraham cu anghtei ah thüi kyap ci.

ATÜNNAK 23:2 Referans Kwoze

ATÜNNAK 23:19

Cun ah kyasei Abraham naw ak chu Sarah cu Kanaan khaw, acun ah ng’cim hmun ung k’phuh ci.

ATÜNNAK 13:18

Abram cu a phung gui k’plon ne, theing ciah Mamre sing ghing hmu ah pei ah ng’lei leh ci. A cu ah ani naw Bawipa ah khawih kiang co ci.

1 SHONTÄP NAK 6:57

Shin ah gawnu gui cu Aaron ah htangshon gui am ami pek gui ah kyak ci: Hebron, ng’yii nak mang gaw, Jattir la Libnah, Estemoa, Hilen, Debira, Ashan la Beth Shemesh gawnu gui la ami khulim khaw gui.

SUKI GUI 1:10

Ngami naw Hebron mang gaw ung om ciah Kanaanit gui cu hnu ng’tuk püi ne hteit ci gui, cun cu Kiriath Arba ah khü ci gui. A cu ah Sheshai, Ahiman, la Talmal pahta gui cu ngami naw hnim ci gui.

LAMKTU 8:2

Zum ciah chang amshah cu Stephen nah gook cu m’cim u neh thui sei kyap m’lau ci gui.

JOHAN 11:35

Bawipa Jesuh cu kyap ci. Cun hmu u netah, Bawipa Jesuh akchang gui naw,

JOHAN 11:31

Mahta naw ava dou nak ung om yah ci. Mari ngoh püi ne im ah om ciah chang gui naw, Mari ak yaang ah ng’düi law ne hteit khätah, ng’ciim hmun ah hteit khai ah ngai ne läk tuk ci gui.

JEREMIAH 22:18

Cun ah kya sei, Jehoiakim Josiah ah hta, Judah ghangpughang ah mawng Bawipa naw a pyen cu; “A u chang naw phi ani ah sih ah phäh ah thüi ne, azä hawi ah, ka theih püi aw azä hawi ah! Kä cik khai nei. A u chang naw phi ani ah phäh ah thüi ne kyap ne, ‘Ka bawi aw! Ka ghangpughang aw! Kä cik khai nei.’

JEREMIAH 22:10

Judah chang gui, ghangpughang Josiah ah phäh ah kä kyap vä; ani asih ah phäh ah kä thüi vä. Cun ung phi a htapa Joahaz ah phäh ah aktung ah kyap vä, Ani cu asho nak ah hteh püi ci gui nei. Kä law ba khai nei, ami hta nak ah kho cu ani naw kä hmu tuba khai nei.

2 SHONTÄP NAK 35:25

Ghangpughang Josiah ah phäh ah prophet Jeremiah cu ng’äi ci. Cun cu Israel ung ng’äi ci gui ah thungyo ah kya law sei hnumi pami ami van naw ani ah phäh ah thüisei u ne cun ah ng’äi cu m’cu ci gui. Cun ah ng’äi cu ng’äikyah gui ung ami m’cuun tu ah kyak ci.

2 SAMUEL 5:5

Ani naw Hebron ung om ne Judah cu khaw kum chih la avang ung uk ci, Jerusalem ung om ne Israel la Judah cu khaw kum thumkip-lei thum ung uk ci.

2 SAMUEL 5:3

Cun ah kyasei Israel gui ah ami ng’vai gui ami van cu David Ghangpughang ah om nak Hebron ah lawk ci gui. Ani naw theing ciah hmuh ng’gei nak cu bi püi gui ci, ngami naw ani cu m’shumphyuk u sei, ani cu Israel ghangpughang ah kya lawk ci.

2 SAMUEL 2:11

Ani naw Hebron ung om ne khokum chih la amcawt Judah ung uk ci.

2 SAMUEL 1:17

Shin ah ng’äi kyah cu Saul la a hta Jonathan am David naw ang äi ah kyak ci.

2 SAMUEL 1:12

Ngami cu thüi kyap u neta, Saul la Jonathan la Israel chang, Bawipa ah chang gui ah phäh ah mühun güt ei hlawi ci gui, a i ah kyasei ci ung, ng’tuk nak ung akda aih ami ngawn gui ah phäh ah kyak ci.

1 SAMUEL 28:3

Tuhbäi cu Samuel sik ci, Israel chang ami van cu ani ah phäh ah mang gaw Ramah ah k’phuh ci gui. Saul naw ng’cä bang thei ci gui la k’ce gui cu, Israel khaw ami hteh tak vai ah ak täm gui ah kyak ci.

1 SAMUEL 20:31

Nang naw kä na hmat ci ma, David a ghin ah chuih nang cu shin ah khaw ah ghangpughang ah kä na kya hlawt khai? Tuhbäi hteit ne, shin ung law püi ä ani cu sik khai!”

JOSHUA 20:7

Cun ah kyasei Jordan ah akhei täng, Kalile khaw, Naphtali khawgui ung Kedesh; Ephraim khawgui ung Shechem; Judah khawgui ung Hebron gui cu ghü ci gui.

JOSHUA 10:39

Ani naw cun cu, cun ung om ciah ghangpughang la a pei yung ah gawnu gui mah ah khäm ci. Acun ung ci nü cu ngawn ci gui. Joshua naw Hebron la Libnah la acun ung om ciah ghangpughang ah khan ah a bi ah mäih ah Debira ghangpughang ah khan ah phi bik ci.

THULÄÄN NAK 34:8

Israel chang gui cu ani ah phä ah Moab khawdou ung hnüüp thumkip ung thüi kyap ci gui.

KHEI NAK 20:29

Changbum ami van naw Aaron asih cu hmat law u neta, ngami ami van cu hnüüp thumkip ung thüi kyap ci gui.

KHEI NAK 13:22

Ngami cu ak htük bäih ah khaw ah a htumtäng ung hteit u ne, Hebron ung hteit ci gui. Cun ung Ahiman, Shemshai, la Talmai pahta gui, chang dämcham gui Anakim pakhui ah ami ng’shon gui om ci gui. (Hebron gawnu cu Egypt khaw Zoan gawnu kä ami cawh pha kum chih ung ami cawh pyi ah kyak ci.)

ATÜNNAK 50:10

Jordan ah hni law lam Atad khlang hmun ung gawk law u neta, akshou m’lau ne kyap ci gui. Joseph cu cun ah hmun ung khaw hnüüp chih ung kyap ci.

ATÜNNAK 27:41

Esau naw Jakob cu thüi nak ci. Apa naw Jakob am hriham a pek ah hmawk ah kyak ci. “Kapa a sih nak vai ng’et lawk ci, cun ung Jakob ka ngawn khai” cine ngaih-tüh ci.

ATÜNNAK 23:1

Sarah cu a khawkum phia la m’ku lei chih law lawk ci.

ATÜNNAK 24:67

Isaak naw Rebekka cu anu Sarah ah om nak man ah kyong ah luh püi sei, ani cu a chu ah kya lawk ci. Isaak naw Rebekka cu m’hni ciah kya neta, anu ah sih ah a thüi nak ungka huiyang ba ci.

ATÜNNAK 35:27

Jakob cu apa Isaak ah om nak Hebron ah pei Mamre khaw ah hteit ci. Cun cu Abraham la Isaak ah om nak ah kyak ci.

ATÜNNAK 37:14

Apa naw, “Na phäi gui ami gai la htome gui ami phyawn ah hteit ne teng neta, na na m’thein law ba vai nei” cine m’cäi ne, Hebron khaw ng’nawi ah ka Shekhem ah a hteh vai ah tüi ci. Joseph cu Shekhem ah gawk ne

JOSHUA 15:13

Bawipa naw Joshua am ang thumkhän ah mäih ah Judah khopäng ah avang cu Judah pakhui, Jephunneh ah hta Kaleb am pek ci gui. Ani naw Hebron cu gah ci, Cun cu Anah ah apa Arba ah khäm ah mang gaw ah kyak ci.

JOSHUA 15:54

Humtah, Hebron, la Zior mang gaw kaw lawk ci, ami pawi yung ah gawnu gui mah ah kyak ci.

JOSHUA 21:11

Ngami am Arba mang gaw (Arba cu Anak ah pa) cu ami pek gui, Cun cu tuhbäi Hebron ah pyen ci gui. Cun cu Judah khawgui ung om ci, angveing ung khuli khaw gui om ci.

NEHEMIAH 11:25

Chang akda cu ami lo pei ah gawnu gui ung om ci gui. Judah pakhui chang gui cu, shin om Kiriah Arba, Dibon, Jekabzeela la acun ah mang gui ah pei gawhta gui ung om ci gui.

ATÜNNAK 50:1

Joseph naw apa kyawp ne, kyap ne a hmai ung ng’ui ci.

1 SAMUEL 25:1

Samuel si sei, Israel chang gui ami van a täng ah law ne thüi kyap ci gui. Ani cu Ramah ah amät ah im ah k’phuh ci gui. Cun kawn ah David cu Param bungpuk ah hteit ci.