ATÜNNAK 23:16 - Cho Bible Common Language 2016

¹⁶ Abraham naw chang gui ah ng’yak vai ah Ephron naw a phu a pyen cu yum neta — sumlei ci gui ah khiin nak ung ngui cu khiin ne ngui pit phli cu pek ci.

ATÜNNAK 23:16 Referans Kwoze

ZEKHARIAH 11:12

Kei naw ngami am, “Nami yum ah a kyak ung ka ng’cheng cu na pe vä, kä nami yum ung gim cang vä” ci ngä sei, ka ng’cheng ah ngui thumkip cu na pek ci gui.

JEREMIAH 32:9

Kei naw Hanamela ah khaw cu hleih ne ngui khin ne ka pek ci; a phu cu ngui phe gha leo chih ah kyak ci.

1 THESSALONIAN 4:6

Shin ah mawng ung khritha gui nami mät kä nami cheishoh-en vai, kä nami ei-hlü mang-k’phya vai. Acun ah mäih ah om ciah chang cu Bawipa naw m’kat khai nei, ciah khän ne ka ning m’thein gui ci nei.

PHILIPPIAN 4:8

Phäi nau gui aw, khüm nak ah ka pyein hlü cu, ni kyom nak, bäkhäk nak, cang nak, küika nak, ng’düng nak, theingcim nak, yumhni nak la m’tamkhah nak awn nami m’lung kyong cu be sak vä.

ROMAN 13:8

Nang mi tumat la tumat nami ng’yumhni tu ah kawn ah a i pupawn phi kä om men sä. A paw chang m’hni ciah chang cu thukhän läk ciah kyak ci.

MATTHE 7:12

Nami mät ung chang naw abi vai nami ng’yak hlü ah mäih ah chang ung phi nami bi vai. Cun cu Mosesah thukhän la profet gui ah m’theithang nak ah kyak ci.

EZEKIEL 45:12

“Nami khin nak gui cu shin ah kyak khai: Kerah 20=shekel 1 Shekel 60=mina 1

JOB 28:15

Ngui la ghui awn kä hleih hlawt vai nai,

PHYAWN NAK 30:13

K’tä khei pyi ah chang phung naw k’bäi ah ngui cu m’hnüt khai, bawi ng’vai gui ah k’bäi ah khin nak phi m’hnüt khai. A chang päng naw cun cu kei am ana douthak ah ak bäi vai.

ATÜNNAK 43:21

Kami hteh ba lam ah kami ih nak ung phuih plawk law u ngäta, kami van ah ng’ip ung ngui om bäng bäng sei kami hmuk ci, a cun gui bä bä cu kami law püi ba ci nei.

ATÜNNAK 23:15

“Saya aw, Shin ah khaw cu ngui pit phli phu nak ci nei — nik ni ah ng’lak ung pyen vai a i om khai ang? A cun ung nak chu cu k’phuh ä” cine pyen ba ci.

LAMKTU 7:16

Ami gok gui cu Shehem pigaw ah hteh püi gui netah Hamora pahta ni ah Abraham naw ngui awn a thawn ba ah ng’cim hmun ung m’cim gui ci gui.

ATÜNNAK 49:29

Jakob naw a hta gui thumkhän gui ne, “Tuhbäi ka chang gui ah sih nak khaw ah ka hteit lawk khai, Hittite chang Ephron ah lo kapa ah phuh hmun ung nami na m’ciim vai nei.

ATÜNNAK 50:13

A gook cu Kanaan khaw ah kawt ba u ne, Abraham naw Hittit chang Ephron ah ng’cim hmun vai ah a thon ba ah Mamre lai ah a kiangtäng Makpelah phuh hmun ung phuh ci gui.

2 SAMUEL 14:26

Ani ah lu cu shah aih ci, ng’sau law aih ne, gih law aih ne akiak ung kum ät ung hnü ät ci k’teiu ci. Mang im khin nak ung ami khin ung alu sam cu pit thum ah däm ci.

JEREMIAH 32:10

Kei naw cagu ne saksi ah ma ah gune m’hnüt neta, ngui cu khin ne ka pek ci.

2 SAMUEL 24:24

Cun ung phi ghangpughang naw, “Ka, a phu ka ning pek khai nei, kei naw Bawipa ka Khanpughi cu aphu kä ka pek awn kä ka khawihnah khai” cik ci. Cun kawn ah ani naw htang khlawng la seipat cu ngui hma-kip pe ne khleih ci.