ATÜNNAK 23:11 - Cho Bible Common Language 2016

¹¹ “Saya aw, ngai ä, lai avan la ng’phuh hmun cu ka ning pek khai nei. Shin ung ka chang gui avan ah ma ah ka ning ap khai nei, a cun ung na chu na k’phuh vai nei” cik ci.

ATÜNNAK 23:11 Referans Kwoze

LUKA 19:24

Cun kawn ah ghangpughang naw, a pei ah chang gui-am, “Ani ungka tangka aphe cu la ne, tangka phe ghaa tak ci-am peit vai nei” cik ci

ISAIAH 32:8

Cun ung phi m’tamkhah vai ah chang cu bä ciah hnüntho ne, hman ciah phäh ah khäng sei ng’düi ci.

RUT 4:11

Cun ung angvai gui la chang gui naw, “Ä, keimi cu saksi ah kami kyak khai nei. Bawipa naw na chu cu, Rachela la Leah cu Jakob awn akda ah ami hta ah mäih ah akda ah hta sak sä. Nang cu Ephrath pahta ung bühmang ne Bethlehem ung na mingthang sä.

RUT 4:9

Boaz naw ang vai gui lacun ung om ciah chang gui ah ma ah, “Tuhngawi nangmi cu saksi ah nami kyak ci, Elimelek la a hta goi, Chilion la Mahlan ah khawh avan cu, kei naw Naomi ah kut ungka ka hleih ba ci nei.

RUT 4:4

Cun cu nang naw nang bä khai ah ka ngai ci. Tuhbäi na ng’yak hlü ah a kyak ung, shin ung ngok ciah chang ah ma ah na hleih vai, kä nba ng’yak hlü ah a kyak ung, acun ah na pyen vai, nang ning tawi ne hleih khin khai cu kei ah ka kyak ci” cine pyen ci. Cun ah chang naw, “Kei naw ka hleih khai nei” cik ci.

RUT 4:1

Boaz cu gawnu m’kawt pei ng’hmuh nak ahhmun ung hteit ne ngok ci. Elimelek ah mätyah ang een pi, Boaz ah pyen ah chang cu law khäta, Boaz naw khü ne, “Ka teihpüi aw, shin ung law ne ngo law ä” cik ci. Cun ah kyasei ani law ne ngo law tuk ci.

THULÄÄN NAK 19:15

“Saksi tumat bäng naw chang tumat ah beilei kä dang sak ci. Chang tumat shei shoh ciah k’bäi nak vai ah saksi aken pi ung hnih hlü ci.

THULÄÄN NAK 17:6

A i ah a kyak ung phi ani hnungtuk püi ne saksi hnih baw, hnih ah däm ci baw a om ah a kyak ung ani cu sih nak pek vai. Saksi tumat bäng a om ah a kyak ung ani cu sih nak kä pek vai.

KHEI NAK 35:30

“Chang ngawn ciah chang tumat cu hmuhmat ciah saksi hnih baw, hnih ah däm ci baw om sei a katnak ang dang ah a kyak ung ngawn vai. Saksi tumat bäng a om ah a kyak ung chang ngawn ciah k’bäi nak vai kä dang ci.

ATÜNNAK 23:18

A cun ung om tuk ciah Hittit chang gui ami van naw cun ah khaw cu Abraham ah khaw ah k’bäi ci gui.

ATÜNNAK 23:6

“Saya aw ngai ä, nang cu angvai hta ah kami ning ngai ci nei; keimi ung om ciah ng’cim hmun akni pi ung nak chu cu m’cim ä. Ng’cim hmun kami ning pek ah phäh ah keimi kami van kami yei khai nei” cik ci gui.

ATÜNNAK 23:12

Cun ung phi Abraham naw Hittit chang gui ah ma ah kawp neta,